Jérémie 29:1 - Mbeti ti Nzapa - Tënë so amu fini

¹ Tënë ti ya ti mbeti ni laa, mbeti so Jérémie asu na Jérusalem si atokua na *akangba, awayango-sandaga, awayanga-Nzapa na tanga ti azo so kue Nabukodonosor agbu ala na Jérusalem si ague na ala na Babilone.

Jérémie 29:1 ပူးပေါင်းရင်းမြစ်များ

2 Agbia 24:12

Tongaso Yoakin, gbia ti Juda, lo na mama ti lo, na amakonzi ti lo, na aturugu ti lo ti kota kamba nga na akota zo ti yangbo ti lo ague, awara gbia ti Babilone. Na ngu miombe ni so Nabukodonosor ayeke gbia ti Babilone laa lo gbu Yoakin si lo bi lo na da ti kanga.

2 Mbai 36:10

Na tongo nda ti fini ngu, gbia Nabukodonosor atokua aturugu ti mu lo ti gue na lo na Babilone, lo na aye ti ngangu ngere so ayeke na ya ti kota da ti KOTA GBIA. Na pekoni, lo mu Sedesias, mbeni sewa ti Yoakin, lo zia lo gbia ti Juda na ti Jérusalem.

Esther 9:20

Aye so kue asi so, Mardochée asu na mbeti. Na pekoni, lo tokua ambeti na azuife so kue ayeke na ya ti akodro-sese kue ti gbia Zerses, ataa ala so ayeke na yongoro ndo nga na ala so ndo ti ala ayeke nduru.

Jérémie 28:17

Wayanga-Nzapa Hanania akui taa na ya ti nze mbarambara ti oko ngu ni so.

Jérémie 28:4

Mbi yeke kiri nga na Yekonia ge, Yekonia, molenge ti Yoakim, gbia ti Juda, lo na azo so kue a gbu ala lani na sese ti Juda si a gue na ala na Babilone; so tënë ti yanga ti KOTA GBIA laa. Biani, komandema so gbia ti Babilone ayeke sara na ndö ti ala si ane tongana zuge so, mbi yeke fâ ya ni.’ ”

Jérémie 29:20

“Ala, azo so a gbu ala si a gue na ala na kodro wande, ala so KOTA GBIA amu ala na Jérusalem si atokua ala na Babilone so, ala ma tënë ti KOTA GBIA si!

Jérémie 29:8

“Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Awayanga-Nzapa so ayeke lango na popo ti ala, azo ti Jérusalem, ala zia lege na ala pepe ti handa ala; ala zia nga lege pepe na azo ti bango nda ti aye. Azo so ayeke fa nda ti abango-li ti ala, ala dingi mê ti ala ti ma tënë ti azo ni pepe.

Jérémie 51:61

Jérémie atene na Seraya: “Tongana mo si na Babilone, fade mo yeke sara ngangu kue ti diko atënë so kue na mê ti azo.

Awatokua 15:23

Ala mu na ala mbeti so na ya ni ala tene: “E, awatokua na akangba so e yeke a-ita ti ala, e bara ala a-ita ti e, azo ti Christ, so ayeke azo ti amara nde si ala yeke na Antioshe, na sese ti Sirii na ti Silisii.

2 Korente 7:8

Biani, mbeti so mbi tokua lani na ala azia vundu na be ti ala, me be ti mbi aso daa pepe. Mbi baa so mbeti ni azia vundu na be ti ala na ya ti kete ngoi si be ti mbi aso lani daa,

Galasii 6:11

Fadeso, mbi laa mbi su mbeti so na maboko ti mbi wani, nilaa agere ti mbeti ni ayeke kota kota so.

Ahebro 13:22

A-ita ti mbi, mbi hunda na ala titene ala kanga be ti ala, ala yeda na atënë so kue mbi tene ti mu ngangu na be ti ala. Ala baa, mbi tokua na ala yongoro mbeti pepe.