Jérémie 28:8 - Mbeti ti Nzapa - Tënë so amu fini

⁸ Awayanga-Nzapa ayeke daa ngbene ye ngu na ngu kozoni na mbi nga kozoni na mo. Ala tene peko ti atënë ti yanga ti KOTA GBIA na ndö ti akodro mingi nga na ndö ti akota kodro-gbia. Ala tene tënë ti bira, ti sioni kpale na ti sioni kobela ti bubango kodro.

Jérémie 28:8 ပူးပေါင်းရင်းမြစ်များ

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

1 Agbia 22:17

Tongaso Mishe atene: “Mbi baa azo ti Israel kue akangbi kirikiri na ndö ti ahoto, tongana ataba so zo ti batango ala ayeke daa pepe. KOTA GBIA atene: ‘Makonzi ti azo so ayeke daa oko pepe. Ayeke nzoni zo oko oko akiri na ndo ti lo na siriri.’ ”

1 Agbia 22:8

Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Ésaïe 13:18

Ala yeke fâ amaseka na kokora ti ala, akete molenge so a du ala fini ni, azo ni ayeke zia ala pepe; mawa ti amolenge ayeke sara ala pepe.”

Amos 1:1

So ayeke atënë ti Amos, mbeni wabatango-taba ti kete kodro ti Tekoa. Na ya ti mbeni ye tongana bango-li, lo baa ye na ndö ti Israel na ngoi so Ozias ayeke gbia ti Juda si Yeroboam, molenge ti Yoas, ayeke gbia ti Israel. Ye ni asi ngu use kozoni si sese ayingi.

Amos 1:2

Amos atene: “Ti londo na hoto ti *Sion, KOTA GBIA ayeke toto tongana bamara; ti londo na Jérusalem, lo dekongo ngangu. Apere ti awabatango-nyama ahole kue awe, ndö ti hoto ti Karmel ahole kasakasa.”

Jonas 3:1

Ti fani use, tënë ti KOTA GBIA asi na Jonas, atene: