Jérémie 28:5 - Mbeti ti Nzapa - Tënë so amu fini

⁵ Wayanga-Nzapa Jérémie akiri tënë na wayanga-Nzapa Hanania na le ti awayango-sandaga nga na le ti azo so kue ayeke na ya ti kota da ti Nzapa,

Jérémie 28:5 ပူးပေါင်းရင်းမြစ်များ

1 Mbai 3:19

Amolenge ti Pedaya ayeke Zorobabel na Shimei. Zorobabel adu amolenge-koli use: Meshulam na Hanania; lo du nga molenge-wali so iri ti lo Shelomit.

Jérémie 19:14

Jérémie alondo na Tofet, ndo so KOTA GBIA atokua fade lo daa ti tene peko ti tënë ti yanga ti lo si lo kiri. So lo kiri awe, lo luti na ya ti gbagba ti kota da ti Nzapa si lo tene na azo ti kodro kue, lo tene:

Jérémie 26:2

“Tënë so KOTA GBIA atene ayeke so: Gue mo luti na ya ti gbagba ti kota da ti KOTA GBIA, mo to mbela na tënë so na azo so kue alondo na ya ti agbata ti Juda si aga ti voro Nzapa na ya ti kota da so. Mo tene na ala atënë so kue mbi mu yanga na mo ti tene; mo zi mbeni tënë oko na ya ni pepe.

Jérémie 28:1

Gi na ya ti oko ngu ni so, so ti tene na osio ngu ni so Sedesias ato nda ti le-gbia na sese ti Juda, na nze oku ni, wayanga-Nzapa Hanania, molenge ti Azur, zo ti gbata ti Gabaon, ayeke na ya ti kota da ti Nzapa. Hanania ato nda ti tene tënë na mbi Jérémie na le ti awayango-sandaga nga na le ti azo kue, lo tene:

Jérémie 7:2

Mo luti na yanga ti da ti KOTA GBIA, mo to mbela na tënë so, mo tene: “Ala azo ti Juda kue, ala so ayeke li na yanga ti da so ti kuku na gbe ti KOTA GBIA, ala ma tënë ti lo si!