Jérémie 28:4 - Mbeti ti Nzapa - Tënë so amu fini

⁴ Mbi yeke kiri nga na Yekonia ge, Yekonia, molenge ti Yoakim, gbia ti Juda, lo na azo so kue a gbu ala lani na sese ti Juda si a gue na ala na Babilone; so tënë ti yanga ti KOTA GBIA laa. Biani, komandema so gbia ti Babilone ayeke sara na ndö ti ala si ane tongana zuge so, mbi yeke fâ ya ni.’ ”

Jérémie 28:4 ပူးပေါင်းရင်းမြစ်များ

Tongo nda ti aye 27:40

Mo yeke duti nzoni gi ndali ti yongoro zeme ti mo. Me mo yeke sara kua na gbe ti ita ti mo si na hongo ti mo na ando nde nde, mo yeke zi *zuge so lo zia na go ti mo.”

2 Agbia 24:14

Nabukodonosor agbu azo ti Jérusalem kue, lo gue na ala na sese ti Babilone: akota zo kue, na angangu zo ti tiringo bira so kue wungo ti ala ayeke saki baleoko. Awakode-kua kue na azo ti pikango ndao kue, lo gbu ala, lo gue na ala; gi awayere laa angba na ya ti gbata ni.

Ésaïe 9:4

Aporo ti gere kue ti awato so ala yeke do na sese, akota bongo ti de kue so mene amu tere ni, fade a yeke bi na le ti wâ titene wâ agbi ni kue.

Jérémie 13:19

A kanga lege ti lingo na ya ti agbata ti mbage ti Mbongo awe; zo oko ti zingo ayanga ni ayeke daa pepe. A gbu azo ti Juda kue, a gue na ala na kodro wande; a gue na ala kue kue kue na kodro wande.”

Jérémie 2:20

*KOTA GBIA atene: “Mo mara ti Israel, ngu na ngu, kpu na kpu, mo ke ti duti na gbe ti komandema ti mbi; mo fâ ya ti ye so abongbi mbi na mo. Mo tene: ‘Mbi ye ti sara kua ti ngbaa mbeni pepe’. Me na ndö ti akete hoto kue, na gbe ti afini keke so kue kugbe ni ayeke gbani gbani, mo lango na sese ti sara ye ti ndumba.

Jérémie 22:10

Ala azo ti Juda, lo so akui awe so, ala toto lo pepe! Ala toto tere ti ala ndali ti lo pepe! Me ala toto mingi ndali ti lo so ayeke hon hongo so. Ala toto lo mingi, ngbanga ti so kodro so a du lo daa, lo yeke kiri ti baa ni pepe.

Jérémie 22:24

“Fade mo yeke tene na Konia, molenge ti Yoakim, gbia ti Juda, mo tene: ‘Fini ti mbi! Ataa mo yeke fade tongana *ye ti kpongo na nzoroko so a yeke kpo na ndö ti mbeti si mbi zia na maboko ti mbi ti koli, ka mbi yeke gboto mo ti zi mo na li ti maboko ti mbi; so tënë ti yanga ti KOTA GBIA laa.

Jérémie 24:1

*KOTA GBIA afa na mbi asakpa use ti fige so a zia na dawa ti kota da ti Nzapa. Ye ni so asi na peko ti so Nabukodonosor, gbia ti Babilone agbu Yekonia, molenge ti Yoakim, gbia ti Juda, na gbata ti Jérusalem, lo na akota zo ti sese ti Juda, azo ti sarango ye na kode na azo ti pikango ndao si a gue na ala na Babilone.

Jérémie 24:5

“Tënë so KOTA GBIA, Nzapa ti Israel atene ayeke so: Legeoko tongana ti so azo ayeke baa apendere fige so, mbi nga, fade mbi yeke baa na nzoni le azo ti Juda so mbi tumba ala ge si ala gue na sese ti Babilone so.

Jérémie 27:8

“Tongana mbeni mara wala mbeni kodro-gbia ake ti sara kua na Nabukodonosor, gbia ti Babilone, tongana mara ni wala kodro ni ake ti yoro go ti lo na gbe ti zuge ti gbia ti Babilone, mbi yeke ga na tere ti mara ni na lege ti bira, kota nzara na sioni kobela ti bubango kodro. Na lege ti lo, mbi yeke sara si kodro ni abuba biani biani.

Jérémie 28:10

Tongaso wayanga-Nzapa Hanania azi zuge so ayeke na ndö ti go ti Jérémie si lo fâ ya ni.

Jérémie 28:2

“Tënë so *KOTA GBIA so ayeke na ndö ti dunia kue, Nzapa ti Israel, atene ayeke so: ‘Komandema so gbia ti Babilone ayeke sara na ndö ti ala si ane tongana *zuge so, mbi yeke fâ ya ni.

Jérémie 29:1

Tënë ti ya ti mbeti ni laa, mbeti so Jérémie asu na Jérusalem si atokua na *akangba, awayango-sandaga, awayanga-Nzapa na tanga ti azo so kue Nabukodonosor agbu ala na Jérusalem si ague na ala na Babilone.

Jérémie 29:2

Lo tokua mbeti ni na peko ti so gbia Yekonia, na gbia-wali, na akota zo ti yangbo ti gbia, akota zo ti sese ti Juda na ti Jérusalem, azo ti pikango ndao nga na azo ti sarango ye na kode alondo na Jérusalem awe.

Jérémie 30:8

“So tënë ti yanga ti KOTA GBIA so ayeke na ndö ti dunia kue laa: Tongana lango ni alingbi awe, fade mbi yeke fâ ya ti *zuge so ayeke ne na go ti ala, mbi yeke zi azingiri ti ala. Tongaso ala yeke kiri ti duti ngbaa ti awande pepe,

Awayango-sandaga 26:13

Mbi laa mbi yeke KOTA GBIA, Nzapa ti ala. Mbi mu ala na sese ti Ezipte, mbi sigigi na ala titene ala kiri aduti ngbaa ti azo ti Ezipte pepe. Mbi zi ala na gbe ti ngbaa titene ala tambula li ti ala na nduzu.”

Nahum 1:13

Ti fadeso, mbi yeke zi keke so awato ti mo akanga na go ti mo ti sara mo na ngbaa so; mbi yeke fâ akamba so kue a kanga na mo.”