Jérémie 28:10 - Mbeti ti Nzapa - Tënë so amu fini

¹⁰ Tongaso wayanga-Nzapa Hanania azi zuge so ayeke na ndö ti go ti Jérémie si lo fâ ya ni.

Jérémie 28:10 ပူးပေါင်းရင်းမြစ်များ

1 Agbia 22:11

Na popo ti awayanga-nzapa ni, Sidekia, molenge ti Kenaana ayeke daa; lo mu wen, lo leke na adidi si lo tene: “Tënë so KOTA GBIA atene ayeke so: ‘Na adidi so, fade mo yeke fâ azo ti Sirii ngbii mo hunzi ala kue.’ ”

Jérémie 27:2

“Tënë so KOTA GBIA atene ayeke so: Leke akota kamba, leke nga *zuge, mo zia ni na ndö ti go ti mo.

Jérémie 28:2

“Tënë so *KOTA GBIA so ayeke na ndö ti dunia kue, Nzapa ti Israel, atene ayeke so: ‘Komandema so gbia ti Babilone ayeke sara na ndö ti ala si ane tongana *zuge so, mbi yeke fâ ya ni.

Jérémie 28:4

Mbi yeke kiri nga na Yekonia ge, Yekonia, molenge ti Yoakim, gbia ti Juda, lo na azo so kue a gbu ala lani na sese ti Juda si a gue na ala na Babilone; so tënë ti yanga ti KOTA GBIA laa. Biani, komandema so gbia ti Babilone ayeke sara na ndö ti ala si ane tongana zuge so, mbi yeke fâ ya ni.’ ”

Jérémie 37:19

Awayanga-Nzapa ti ala so lani ayeke tene peko ti tënë ti yanga ti Nzapa na ala, atene: ‘Gbia ti Babilone ayeke ga ti tiri bira na ala pepe, lo yeke tiri nga bira na kodro so pepe’, ala yeke fadeso na ndo wa?”

Ezekiel 30:18

Na lango so mbi yeke buba ngangu ti Ezipte si ngangu ti lo so lo yeke sara baba ni ayeke hunzi, fade ndo ayeke han na ndö ti gbata ti Tapanes pepe. Vukongo mbinda ayeke kanga ndö ti gbata ni si a yeke gbu azo ti sese ni ti gue na ala na kodro wande.

Malashii 3:13

Tënë so *KOTA GBIA atene laa: “Ala tene asioni tënë mingi na tere ti mbi si ala hunda ndo, atene: ‘Asioni tënë ti nyen laa e tene na popo ti e na tere ti mo?’