Jérémie 27:21 - Mbeti ti Nzapa - Tënë so amu fini

²¹ Tënë so KOTA GBIA so ayeke na ndö ti dunia kue, Nzapa ti Israel, atene ndali ti akungba so angba na ya ti kota da ti Nzapa, wala akungba so angba na yangbo ti gbia ti Juda wala ti so angba na Jérusalem; tënë ni ayeke so:

Jérémie 27:21 ပူးပေါင်းရင်းမြစ်များ

2 Agbia 20:17

‘Mbeni lango ayeke ga so a yeke mu aye ti yangbo ti mo kue, na aye so kue agbia so aga kozo ti mo abongbi ando ngbii asi laso, ti gue na ni na Babilone. Biani, KOTA GBIA atene, fade mbeni ye oko ayeke ngba ge pepe.

2 Mbai 36:18

Aye so kue ayeke na ya ti kota da ti Nzapa, akota ni wala akete ni, amosoro so a bata na ya ti kubu ti da ti KOTA GBIA, na amosoro so ayeke na ya ti da ti gbia nga na ti akota zo ti lo, gbia Nabukodonosor amu kue ague na ni na Babilone.

Esdras 1:11

Wungo ti akungba ni kue ti lôro na ti wen ti nginza ayeke 5 400. Na ngoi so Sheshebasar na azo ti Israel so a gbu ala ague na ala na kodro wande alondo na Babilone ti kiri na Jérusalem, lo mu akungba ni kue, lo gue na ni.

Esdras 1:7

Lani, gbia Nabukodonosor azi akungba ti ya ti kota da ti KOTA GBIA so ayeke na Jérusalem si lo zia ni na ya ti da ti anzapa ti lo. Gbia Sirus asara si a kiri na akungba ni so.

Ésaïe 39:6

‘Mbeni lango ayeke ga so a yeke mu aye ti yangbo ti mo kue, na aye so kue agbia so aga kozo ti mo abongbi ando ngbii asi laso, ti gue na ni na Babilone. Biani, KOTA GBIA atene, fade mbeni ye oko ayeke ngba ge pepe.

Jérémie 20:5

Amosoro ti gbata ni kue, aye ti peko ti kua ti azo ti gbata ni, aye ti ala ti ngangu ngere nga na amosoro kue ti agbia ti Juda, mbi yeke zia ni na maboko ti awato ti ala. Awato ni ayeke nzi aye ni si ala yeke ro ti gue na ni na Babilone.

Jérémie 27:20

– Aye ni kue laa Nabukodonosor agbu na Jérusalem si ague na ni na Babilone pepe, na ndembe so lo gbu Yekonia, molenge ti Yoakim, gbia ti Juda, lo na akota zo kue ti Juda na ti Jérusalem. –

Jérémie 27:22

‘Fade a yeke gue na akungba ni kue na Babilone, ayeke ngba kâ ngbii asi na ndembe so mbi yeke baa lege titene a kiri na ni ge.’ ” So tënë ti yanga ti KOTA GBIA laa.

Abia ti demango tere 1:10

Awato anzi anzoni ye ti Jérusalem kue awe. Azo ti mara nde ali na ya ti kota da ti Nzapa; me azo ti gbata ti Jérusalem abaa ala bango. Andaa KOTA GBIA, mo mu yanga ando, mo tene: “Fade amara nde ayeke li na ya ti bongbi ti azo ti mbi pepe.”