Jérémie 27:20 - Mbeti ti Nzapa - Tënë so amu fini

²⁰ – Aye ni kue laa Nabukodonosor agbu na Jérusalem si ague na ni na Babilone pepe, na ndembe so lo gbu Yekonia, molenge ti Yoakim, gbia ti Juda, lo na akota zo kue ti Juda na ti Jérusalem. –

Jérémie 27:20 ပူးပေါင်းရင်းမြစ်များ

2 Agbia 24:12

Tongaso Yoakin, gbia ti Juda, lo na mama ti lo, na amakonzi ti lo, na aturugu ti lo ti kota kamba nga na akota zo ti yangbo ti lo ague, awara gbia ti Babilone. Na ngu miombe ni so Nabukodonosor ayeke gbia ti Babilone laa lo gbu Yoakin si lo bi lo na da ti kanga.

2 Mbai 36:10

Na tongo nda ti fini ngu, gbia Nabukodonosor atokua aturugu ti mu lo ti gue na lo na Babilone, lo na aye ti ngangu ngere so ayeke na ya ti kota da ti KOTA GBIA. Na pekoni, lo mu Sedesias, mbeni sewa ti Yoakin, lo zia lo gbia ti Juda na ti Jérusalem.

2 Mbai 36:18

Aye so kue ayeke na ya ti kota da ti Nzapa, akota ni wala akete ni, amosoro so a bata na ya ti kubu ti da ti KOTA GBIA, na amosoro so ayeke na ya ti da ti gbia nga na ti akota zo ti lo, gbia Nabukodonosor amu kue ague na ni na Babilone.

Ésaïe 34:12

Akota zo ti kodro ni ayeke duti daa mbeni pepe ti soro mbeni gbia, amakonzi kue ayeke hunzi.

Jérémie 22:28

Azo ayeke hunda ndo, atene: “Koli so, Konia so, lo yeke mbeni ta so ya ni afâ awe? So ti tene mbeni ta so zo alingbi ti sara na kua pepe? Lo ga mbeni ta so zo aye ni mbeni pepe? Ngbanga ti nyen si a tumba lo, lo na amolenge ti lo si a bi ala na ya ti mbeni kodro so ala hinga ni pepe so?”

Jérémie 24:1

*KOTA GBIA afa na mbi asakpa use ti fige so a zia na dawa ti kota da ti Nzapa. Ye ni so asi na peko ti so Nabukodonosor, gbia ti Babilone agbu Yekonia, molenge ti Yoakim, gbia ti Juda, na gbata ti Jérusalem, lo na akota zo ti sese ti Juda, azo ti sarango ye na kode na azo ti pikango ndao si a gue na ala na Babilone.

Jérémie 27:21

Tënë so KOTA GBIA so ayeke na ndö ti dunia kue, Nzapa ti Israel, atene ndali ti akungba so angba na ya ti kota da ti Nzapa, wala akungba so angba na yangbo ti gbia ti Juda wala ti so angba na Jérusalem; tënë ni ayeke so:

Jérémie 29:2

Lo tokua mbeti ni na peko ti so gbia Yekonia, na gbia-wali, na akota zo ti yangbo ti gbia, akota zo ti sese ti Juda na ti Jérusalem, azo ti pikango ndao nga na azo ti sarango ye na kode alondo na Jérusalem awe.

Jérémie 35:1

Na ngoi ti Yoakim, molenge ti Yosias, gbia ti Juda, tënë ti *KOTA GBIA asi na Jérémie, atene:

Daniel 1:2

KOTA GBIA azia Yoakim, gbia ti Juda na maboko ti Nabukodonosor; lo zia nga lege na Nabukodonosor si lo mu mbeni mbage ti akungba ti ya ti kota da ti Nzapa. Nabukodonosor ague na akungba ni na kodro ti Shinear si lo zia ni na ya ti kubu ti batango amosoro ti lo so ayeke na ya ti da ti anzapa ti lo.

Matthieu 1:11

Yosias adu Yekonia na a-ita ti lo na ngoi so a gbu azo ti Israel, a gue na ala na sese ti Babilone.

Matthieu 1:12

Na peko ti so a gbu azo ti Israel si a gue na ala na sese ti Babilone, Yekonia adu Shealtiel; Shealtiel adu Zorobabel;

Matthieu 1:17

Ti londo na Abraham ngbii asi na David, na lege ti molongo ti dungo ni, azo ayeke baleoko na osio. Ti londo na David ngbii asi na ngoi so a gbu amolenge ti Israel si ague na ala na sese ti Babilone, na lege ti molongo ti dungo ni, azo ayeke baleoko na osio. Ti londo na ngoi so a gbu ala ti gue na ala na kodro wande ngbii asi na Mesii, na lege ti molongo ti dungo ni, azo ayeke baleoko na osio.