Jérémie 26:15 - Mbeti ti Nzapa - Tënë so amu fini

¹⁵ Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Jérémie 26:15 ပူးပေါင်းရင်းမြစ်များ

Tongo nda ti aye 4:10

Tongaso KOTA GBIA atene: “Nyen laa mo sara tongaso? Dekongo ti mene ti ita ti mo so mo tuku so, alondo na sese kâ, aga ngbii asi na mbi ge.

Tongo nda ti aye 42:22

Ruben akiri tënë na ala, atene: “Mbi tene lani tënë so na ala pepe? Mbi tene lani, mbi tene: ‘Ala sara ye ti sioni na molenge so pepe, me ala ma mbi pepe.’ Ala baa! Ye ti peko ti mene ti lo laa ayeke si na e fadeso.”

2 Agbia 24:4

nga ndali ti azo so asara sioni pepe si Manase afâ ala senge senge; mene ti ala atuku si amu ya ti gbata ti Jérusalem kue. KOTA GBIA ake ti zi tënë ni na li ti lo.

2 Mbai 24:22

Gbia Yoas agirisa nzoni be so Yoyada, babâ ti Zakarii asara lani na lo si lo mu yanga titene a fâ Zakarii ni. Kozoni si Zakarii akui, lo dekongo, lo tene: “Ayeke nzoni KOTA GBIA abaa ye so mo sara so si lo hunda peko ni na mo.”

Amato 6:16

Aye omene ayeke daa so KOTA GBIA ake ni; mbarambara ni ayeke nga daa so ayeke sioni mingi na le ti lo:

Amato 6:17

le so abaa ndo na baba, yanga so ayeke tene mvene, maboko so ayeke tuku mene ti azo so tënë ayeke na li ti ala pepe;

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 2:34

Na tere ti bongo ti mo, gi mene ti azo ti mawa na ti azo so tënë ayeke na li ti ala pepe. Andaa laoko mo wara ala na fango yanga ti da ti mo pepe!

Jérémie 22:17

Me ti mo, mo yeke gi gi nzoni ti mo wani; nilaa azo so tënë ayeke na li ti ala pepe, mo ye gi ti tuku mene ti ala senge senge; mo ye gi ti sara ngangu na azo, ti sara ala na ngangu, na ngangu.”

Jérémie 22:3

Tënë so KOTA GBIA atene ayeke so: Ayeke nzoni ala sara ye mbirimbiri si ala baa lege ti fango ngbanga mbirimbiri. Ala zi azo so a yeke te ala na mbana na maboko ti azo so ayeke sara ngangu na azo. Awande, anyindu nga na awali-mua, ala sara pasi na ala pepe, ala sara ngangu na azo ni pepe. Azo so tënë ayeke na li ti ala pepe so, ala tuku mene ti ala na ndo so pepe!

Jérémie 26:12

Me Jérémie atene na agbenyogbia ni kue nga na gba ti azo ni, lo tene: “Atënë so kue ala ma so, KOTA GBIA laa atokua mbi ti tene peko ti tënë ti yanga ti lo na ndö ti da so nga na ndö ti gbata so.

Jérémie 30:1

Tënë ti *KOTA GBIA asi na Jérémie, atene:

Jérémie 7:6

tongana mbeni wande, wala nyindu, wala wali-mua ayeke na popo ti ala, ala sara ngangu na ala pepe; azo so tënë ayeke na li ti ala pepe, ala tuku mene ti ala na ndo so pepe; ala mu peko ti anzapa nde pepe, ngbanga ti ala wara kpale.

Wungo ti azo 35:33

“Kodro so ala yeke duti ande daa, ala sara titene aga *sioni pepe. Tukungo mene laa ayeke sara titene kodro aga *sioni. Zo so atuku mene ti zo, alingbi ala tuku nga mene ti lo si kodro ni akiri aga *nzoni.

Matthieu 26:25

Judas, zo ti kango Jésus amu tënë si lo tene: “Wafango-ye, ayeke mbi?” Jésus akiri tënë na lo, atene: “Tënë ni laa mo tene awe so.”

Matthieu 26:4

Ala leke tënë ti gbu Jésus na lege ti mbeni mayere titene ala fâ lo.

Awatokua 7:60

Na pekoni, lo kuku na sese si lo dekongo ngangu, lo tene: “Kota Gbia, zi siokpari so na li ti ala!” Na peko ti tënë so, lo kui.

Ndia ti fani use ni 19:10

Tongaso, zo so asara sioni ye pepe, fade a yeke tuku mene ti lo pepe na ya ti kodro so KOTA GBIA Nzapa ti ala amu ni titene aga ti ala. Tongaso pepe, fade ngbanga ti mene ti zo ni ayeke ga na li ti ala.

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”