Jérémie 25:37 - Mbeti ti Nzapa - Tënë so amu fini

³⁷ Ndali ti ngonzo ti wâ ti KOTA GBIA, gbagba ti ataba so ya ni ayeke fade na siriri, fadeso ya ni ade ngii,

Jérémie 25:37 ပူးပေါင်းရင်းမြစ်များ

Abia (Psaumes) 97:1

*KOTA GBIA ayeke gbia! Ayeke nzoni azo ti sese adodo na ngia, azo so kue ayeke na yongoro ndo aduti na ngia!

Ésaïe 32:14

Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Jérémie 12:10

Awabatango-taba mingi abuba yaka ti *vinye ti mbi; ala do na gbe ti gere ti ala yaka ti mbi, ala sara si pendere yaka so aga benyama, aga ngonda.

Jérémie 12:13

Ala lu *ble, me ala wara akeke ti ki. Ala baa pasi senge senge, ye ti peko ni ayeke daa oko pepe. Aye so ala wara so aga ye ti kamene na ala ndali ti ngonzo ti wâ ti KOTA GBIA.

Jérémie 13:20

“Jérusalem, yo le ti mo na nduzu, mo baa ndo: awato ti mo alondo na mbage ti Banga si ayeke ga Azo so lani a mu ala na mo titene mo bata ala so ayeke na ndo wa? Ataba so lani mo yeke pika kate ti mo ndali ti ala so ayeke na ndo wa?

Jérémie 25:36

A yeke ma dekongo ti azo ti li ni, a yeke ma demango tere ti awabatango-taba: KOTA GBIA laa abuba ndo ti tengo pere ti anyama ti ala.

Jérémie 5:17

Fade ala yeke te ale ti kobe ti mo na mapa ti mo kue; ala yeke te amolenge ti mo ti koli na ti wali; ala yeke te anyama ti mo kue: abagara, ataba na angasa; ala yeke te akeke ti *vinye na ti fige ti mo. Agbata ti mo so gbagba ti bira ayeke na tere ni si mo baa mo tene, mbeni sioni ye ayeke wara mo na ya ni pepe so, fade ala yeke buba ni kue na lege ti bira.

Ahebro 12:29

Biani, Nzapa ti e ayeke tongana mbeni wâ so ayeke gbi ye kue.