Jérémie 25:33 - Mbeti ti Nzapa - Tënë so amu fini

³³ Na lango ni so, azo so KOTA GBIA afâ ala, kuâ ti ala ayeke lango na sese, ti londo na yanga ti sese asi na mbeni yanga ni; a yeke toto kuâ ti azo ni pepe; a yeke ro akuâ ti ala pepe, a yeke lu ni pepe. Akuâ ni ayeke ga tongana puru na ndö ti sese.

Jérémie 25:33 ပူးပေါင်းရင်းမြစ်များ

2 Agbia 9:37

Fade kuâ ti Yezabel ayeke lango na ndö ti sese si aga tongana puru na ya ti yaka so. Zo so abaa kuâ ni, lo lingbi ti tene pepe: So Yezabel laa.’ ”

Abia (Psaumes) 79:3

Na tere ti Jérusalem ti ngoro na ni kue, ala tuku mene ti azo ti mo, mene ni asua tongana ngu, zo oko ti lungo kuâ ti ala ayeke daa pepe.

Abia (Psaumes) 83:10

Sara na ala tongana ti so mo sara na Madian, tongana ti so mo sara na Sisra nga na Yabin na yanga ti ngu ti Kishon.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 66:16

KOTA GBIA ayeke ga ti fâ ngbanga ti azo na lege ti wâ nga na lege ti yongoro zeme. Azo mingi ayeke kui.

Jérémie 8:2

A yeke gbara abio ni na gbe ti lâ, na gbe ti nze nga na gbe ti gba ti atongoro. Aye le ti nduzu ni so, azo aye ala ando mingi; azo ni ayeke sara kua na ala, ala mu tere ti ala na ala, ala yeke kpe na peko ti ala; ala yeke voro ala. Abio ni so, a yeke ro ni pepe; a yeke lu nga ni pepe. Fade alango na ndö ti sese ti ga tongana puru na ndö ti sese.

Ezekiel 21:11

Ti mo, molenge ti zo, mo ba li ti mo na sese na kota mawa na be ti mo, mo dema! Fade mo yeke dema na le ti azo kue.

Ezekiel 29:4

Fade mbi yeke yoro *kongi na ngbangba ti mo; mbi yeke kanga asusu ti angu ti mo ni na tere ti *ahali ti mo; mbi yeke gboto mo na ya ti angu ni ti sigigi na mo, mo na asusu kue ti angu ti mo so a kanga ala na tere ti ahali ti mo so.

Ezekiel 29:5

Mbi yeke bi mo na asusu ni kue na benyama. Mo yeke kui na ndö ti sese, zo oko ti mu kuâ ti mo ayeke daa pepe, zo oko ti lu mo ayeke daa pepe. Mbi yeke sara titene mo ga kobe ti anyama ti sese na ti andeke ti nduzu.

Sofonii 2:12

“Ala azo ti Etiopii nga, fade mbi yeke sara si ala kui na ya ti bira.”

Aye so Nzapa afa 11:9

Fade azo ti akodro nde nde, azo ti akete mara nde nde, azo ti ayanga ti kodro nde nde na azo ti amara nde nde ayeke londo ti ga ti baa kuâ ti azo use so na ya ti lango ota na ndambo. Azo ayeke yeda pepe titene a lu kuâ ti azo ni.