Jérémie 25:32 - Mbeti ti Nzapa - Tënë so amu fini

³² Tënë so KOTA GBIA so ayeke na ndö ti dunia kue atene ayeke so: “Kota kpale alondo na mbeni mara asi na mbeni mara, ngangu pupu ti ngu-Nzapa alondo na nda ti sese kâ si ayeke ya.”

Jérémie 25:32 ပူးပေါင်းရင်းမြစ်များ

2 Mbai 15:6

Mara ayeke tiri na mbeni mara, gbata ayeke tiri na mbeni gbata, ngbanga ti so Nzapa ayingi ala na lege ti aye ti ngangu nde nde.

Ésaïe 30:30

KOTA GBIA ayeke sara titene azo ama go ti lo so ayeke toto ngangu, lo yeke sara titene azo abaa maboko ti lo so lo yo na nduzu ti pika na azo. Lo yeke fa sioni ngonzo ti lo na popo ti menga ti wâ so ayeke gbi ye kue, na popo ti kota ngu-Nzapa, nga na popo ti *apembe ti bekpa so atuku.

Ésaïe 34:2

Ngonzo ti *KOTA GBIA ayeke tuku na ndö ti amara kue, sioni ngonzo ti lo ayeke tuku na ndö ti aturugu ti ala kue. Lo zia ala titene a fâ ala, ahunzi ala, lo zia ala titene a fâ ala kue.

Ésaïe 5:28

Ala leke yanga ti ale ti kokora ti ala aza, ala gboto ya ti kamba ti kokora ti ala. Asokoto ti gere ti ambarata ti ala akpengba tongana têne, gere ti apusu ti ambarata ti ala ayeke turne wirrr tongana ngangu pupu.

Ésaïe 66:18

*KOTA GBIA atene: “Mbi hinga ye so ala yeke sara nga na tënë ti be ti ala. Lango ni alingbi awe ti bongbi amara kue na azo ti ayanga ti kodro kue. Ala yeke ga ti baa gonda ti mbi.

Jérémie 23:19

Baa, ngangu pupu ti KOTA GBIA ayeke ga, sioni ngonzo ti lo alondo awe, sioni pupu ti ngu-Nzapa ayeke ya si ayeke turne wirrr ti ti na li ti azo ti sioni.

Jérémie 30:23

Baa ngangu pupu ti KOTA GBIA ayeke ga, sioni ngonzo ti lo alondo awe. Sioni pupu ti ngu-Nzapa ayeke ya si ayeke turne wirrr ti ti na li ti azo ti sioni.

Jérémie 6:22

Tënë so KOTA GBIA atene ayeke so: “Mbeni mara alondo na mbeni kodro ti Banga si ayeke ga; mbeni kota mara alondo yongoro na nda ti sese si ayeke ga.

Jérémie 6:23

Aturugu ti mara ni so agbu akokora na alikongo. Ala yeke sioni mingi, ala yeke baa mawa ti zo pepe; go ti ala ayeke toto tongana kota ngu-ingo. Ala ko na ndö ti ambarata; ala leke tere ti ala awe ti tiri bira na *Sion, pendere maseka-wali.”

Sofonii 3:8

So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”

Nzoni Tënë so Luc asu na mbeti 21:10

Na pekoni, Jésus atene na ala: “Fade mbeni mara ayeke londo ti tiri na mbeni mara, mbeni kodro-gbia ayeke londo ti tiri na mbeni kodro-gbia;

Nzoni Tënë so Luc asu na mbeti 21:25

“Fade ambeni ye ti kpene ayeke sigigi na le ti lâ, na le ti nze, na le ti atongoro. Na ndö ti sese, fade be ti azo kue ayeke gi na nduzu, ala yeke duti gi na mbeto ndali ti toto ti kota ngu-ingo na *amapo ni.