Jérémie 25:23 - Mbeti ti Nzapa - Tënë so amu fini

²³ – azo ti kodro ti Dedan, ti Tema, ti Buz na ala so ayeke kio kua ti tere ti li ti ala;

Jérémie 25:23 ပူးပေါင်းရင်းမြစ်များ

Tongo nda ti aye 10:7

Amolenge ti Kush ayeke so: Seba, Havila, Sabta, Ragma na Sabteka. Amolenge ti Ragma ayeke so: Saba na Dedan.

Tongo nda ti aye 22:21

Kozo molenge ni ayeke Us; a-ita ti Us ayeke Buz, na Kemuel so ayeke babâ ti Aram,

Tongo nda ti aye 25:15

Hadad, Tema, Yetur, Nafish na Kedma.

1 Mbai 1:30

Mishema, Duma, Masa, Hadad, Tema,

Mbeti ti Job 6:19

Azo ti kodro ti Tema so ayeke tambula na benyama abaa ndo ti gi ngu ni na le ti ala; azo ti kodro ti Saba so ayeke tambula na lege azia be ti ala ti ku ngu ni.

Jérémie 49:28

Tënë na ndö ti a-arabu ti Kedar na akodro-gbia ti Hasor so Nabukodonosor, gbia ti Babilone, akinda ala na ya ti bira. Tënë so *KOTA GBIA atene ayeke so: “Ala azo, ala londo! Ala gue na tere ti Kedar ti mu ni na bira! Ala buba ye kue na ndo ti azo ti benyama!

Jérémie 49:32

Fade awato ayeke mu azambala ti azo ni nga na gba ti abagara ti azo ni tongana ye so a gbu na peko ti bira. Azo so ayeke kio kua ti tere ti li ti ala, mbi yeke kangbi ala na ando nde nde kue. Mbi yeke sara si akpale alondo mbage na mbage ti ga na ndö ti ala; so tënë ti yanga ti KOTA GBIA laa.

Jérémie 49:7

Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

Jérémie 49:8

Ala azo ti Dedan, ala turne peko, ala kpe! Ala honde tere ti ala na ya ti adu ti têne! Mbi yeke sara si ye ti vundu aga na ndö ti ala, *ahale ti Ezau; ndembe titene mbi ga na tere ti ala alingbi awe.

Jérémie 9:25

Azo ni ayeke azo ti Ezipte, ti Judée, ti Edom, ti Amoni, ti Moab nga na azo ti benyama so kue ayeke kio kua ti tere ti li ti ala. Biani, amara kue afâ *ganza pepe, me azo ti Israel kue afâ be ti ala na ganza pepe.”

Ezekiel 25:13

Ndali ni, tënë so mbi Kota Gbia NZAPA, mbi tene ayeke so: Fade mbi yeke yoro maboko ti mbi ti pika azo ti Edom; mbi yeke hunzi azo na anyama ti kodro ni kue kue kue. Mbi yeke sara titene kodro ni aga ndo ti gba ti atêne, ato nda ni na gbata ti Teman ngbii asi na Dedan. Fade a yeke fâ azo ni na yongoro zeme.

Ezekiel 27:15

Mo na azo ti Dedan ayeke de buze. Azo so alango na ya ti gba ti azoa ayeke ga ti vo akungba ti mo. Ala yeke futa akungba ti mo na apembe ti doli na keke ti ebene.

Ezekiel 27:20

Mo na azo ti Dedan ayeke de buze ti abongo so a yeke bi na ndö ti mbata ti ndö ti ambarata.