Jérémie 25:22 - Mbeti ti Nzapa - Tënë so amu fini

²² – agbia kue ti Tir, ti Sidon na ala ti sese so ayeke na mbeni mbage ti kota ngu-ingo;

Jérémie 25:22 ပူးပေါင်းရင်းမြစ်များ

Ésaïe 23:1

Nengo tënë na ndö ti Tir. “Ala amangboko ti Tarsis, ala he bia ti demango tere! Biani, a buba ndo ti lutingo ti amangboko ti Tir awe, ada ayeke daa mbeni pepe.” So ala londo na zoa ti Shipre, ala kiri laa ala ma tënë ni.

Ésaïe 23:15

Na lango ni so, fade be ti azo ayeke girisa na Tir na ya ti ngu balembarambara, ngu so alingbi na lango ti fini ti mbeni gbia. Na peko ti ngu balembarambara ni, tënë so a he na ya ti bia so na tere ti wali-ndumba ayeke si na Tir:

Ésaïe 23:4

Mo gbata ti Sidon, kamene agbu le ti mo awe, mo so mo yeke ngangu gbagba na tere ti kota ngu-ingo so! Biani, kota ngu-ingo atene: “Mbi ke titene ya ti mbi aso, mbi ke ti du molenge. Mbi ye ti bata amolenge-koli pepe, mbi ye ti sara si amolenge-wali aga zo pepe.”

Jérémie 27:3

Na pekoni, mo yeke tokua ni na gbia ti Edom, ti Moab, ti Amon, ti Tir na ti Sidon; mo yeke mu ni na alembe ti agbia ni so aga na Jérusalem ti baa gbia Sedesias titene ala gue na ni.

Jérémie 31:10

Ala amara nde, ala ma tënë ti KOTA GBIA, ala bi tënë ni na mê ti azo so ayeke na ya ti azoa yongoro kâ. Ala tene: “KOTA GBIA akangbi lani azo ti Israel kirikiri, fadeso lo bongbi ala si lo bata ala tongana wabatango-taba so abata ataba ti lo.”

Jérémie 47:4

ngbanga ti so lango titene ye kue abuba na ndo ti azo ti Filistii alingbi awe, lango ti zi na gbata ti Tir na ti Sidon zo so angba na fini si alingbi ti mu maboko na ala. Biani, KOTA GBIA abuba ye kue na ndo ti azo ti Filistii, so ti tene azo ti zoa ti Kaftor so angba na fini.

Ezekiel 27:27

Amosoro ti mo, akungba ti mo, akungba ti mo ti ngere, azo ti mo so ayeke tambula na mangboko na le ti ngu, azo ti mo so ayeke sara kua na ya ti mangboko, azo so ayeke leke mangboko ti mo tongana akoro, azo ti dengo buze ti mo, aturugu so kue ayeke sara kua na mo, gba ti azo so abongbi na ndo ti mo, aye so kue alinda taa na gbe ti kota ngu-ingo, na lango ti tingo ti mo.

Ezekiel 28:1

Tënë ti *KOTA GBIA asi na mbi, atene:

Ezekiel 28:20

Tënë ti *KOTA GBIA asi na mbi, atene:

Ezekiel 28:21

“*Molenge ti zo, baa ndo na mbage ti gbata ti Sidon si mo tene peko ti tënë ti mbi na tere ti gbata ni.

Ezekiel 29:18

“*Molenge ti zo, baa, Nabukodonosor, gbia ti Babilone agbu aturugu ti lo na ngangu ti sara angangu kua na tere ti gbata ti Tir. A kpaka kua ti li ti aturugu ti lo kue, ndö ti maboko ti ala kue asuru na ka. Me gbia ni, lo na aturugu ti lo awara futa pepe ndali ti akua so ala sara na tere ti Tir.

Ezekiel 32:30

“Baa, amakonzi kue ti Banga na azo ti Sidon kue laa; ala zu na ndo ti akuâ. Ando, ala yeke sara aye ti koli mingi si ala yeke zia kota mbeto na be ti azo. Me fadeso, kamene ahon ndö ti ala si ala na azo so afâ ganza pepe so alango legeoko na azo so azu na ya ti du ti kuâ.

Ezekiel 39:6

Mbi yeke bi wâ na ya ti kodro ti Magog nga na ndö ti azo so ayeke lango yongoro na yanga ti kota ngu-ingo si ala yeke duti na siriri so. Tongaso, fade ala yeke hinga atene, mbi laa mbi yeke *KOTA GBIA.