Jérémie 25:17 - Mbeti ti Nzapa - Tënë so amu fini

¹⁷ Tongaso, mbi mu kopo ni na maboko ti KOTA GBIA si mbi mu na amara so kue KOTA GBIA atokua mbi na mbage ti ala titene ala nyon ni.

Jérémie 25:17 ပူးပေါင်းရင်းမြစ်များ

Jérémie 1:10

Hinga, mo tene, laso mbi mu na mo kua ti sara ndali ti amara nga ndali ti akodro-gbia: mo yeke gboto aye si mo yeke de aye na sese; mo yeke buba aye si mo yeke kungbi aye na sese; mo yeke leke aye na nduzu si mo yeke lu aye.”

Jérémie 25:28

Lo kiri lo tene: “Tongana ambeni zo na popo ti azo ni ake ti mu kopo ni na maboko ti mo ti nyon ni, fade mo yeke tene na ala: ‘Tënë so KOTA GBIA so ayeke na ndö ti dunia kue atene ayeke so: Ataa nyen na nyen, ala yeke nyon ni!’

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 27:3

Na pekoni, mo yeke tokua ni na gbia ti Edom, ti Moab, ti Amon, ti Tir na ti Sidon; mo yeke mu ni na alembe ti agbia ni so aga na Jérusalem ti baa gbia Sedesias titene ala gue na ni.

Ezekiel 29:2

“*Molenge ti zo, baa ndo na mbage ti Faraon, gbia ti Ezipte, mo tene peko ti tënë ti yanga ti mbi na tere ti lo nga na tere ti Ezipte kue.

Ezekiel 3:2

Tongaso mbi zi yanga ti mbi, lo sara si mbi te rulo ni.

Ezekiel 43:3

Ye so mbi baa na ya ti mbeni ye tongana bango-li so akpa ye so ando mbi baa tongana *KOTA GBIA aga ti buba Jérusalem; akpa ye so mbi baa na ngoi so mbi yeke na tere ti *bale ti Kebar. Tongaso, mbi kuku, mbi kpo li ti mbi na sese.

Habakuk 2:16

Ti mo, mo baa fade mo tene, azo ayeke gonda mo mingi, me gba ti kamene laa ayeke hon ndö ti mo. Ngoi titene mo nyon ti mo samba ni laa; ngoi titene mo fa *pito ti mo na le ti azo laa! Fade KOTA GBIA ayeke sara titene mo nyon kopo ti ngonzo so ayeke na maboko ti lo ti koli. Fade gonda ti mo ayeke ga ye ti kamene!