Jérémie 25:16 - Mbeti ti Nzapa - Tënë so amu fini

¹⁶ Ala yeke nyon ni, ala yeke tambula kirikiri si li ti ala ayeke ga kirikiri na bango ye so kue mbi yeke buba ni na lege ti bira na popo ti ala.”

Jérémie 25:16 ပူးပေါင်းရင်းမြစ်များ

Jérémie 13:12

“Fade mo yeke tene na azo ni, mo tene: ‘Tënë so KOTA GBIA, Nzapa ti Israel atene ayeke so: A yeke zia vin na ya ti kangu asi’. Tongana azo ni akiri tënë: ‘Taa-tënë, e hinga ni kue’,

Jérémie 13:14

Mbi yeke pika ala na tere ti tere titene ya ti ala akungbi, mbi yeke pika ababâ na amolenge na tere ti tere; so tënë ti yanga ti KOTA GBIA laa. Mbi yeke zia zo oko pepe, mbi yeke sara nzoni be na zo oko pepe, mbi yeke baa mawa ti zo oko pepe. Mbeni ye oko ayeke kanga lege na mbi pepe ti fâ ala kue ti hunzi ala.’ ”

Jérémie 25:27

KOTA GBIA ahunda na mbi ti tene na azo ni, atene: “Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala nyon, ala nyon ahon ndö ti ala, ala de! Ala ti, ala ngba na sese na bango yongoro zeme so mbi yeke tokua na popo ti ala.”

Jérémie 45:5

Ti mo, mo yeke gi lege ti wara akota ye ndali ti mo wani? Mo gi ye oko pepe! Biani, kpale so mbi yeke tokua ni ayeke ti na ndö ti ye so ayeke na fini; so tënë ti yanga ti KOTA GBIA laa. Me ti mo, mbi mu na mo pasa ti soo fini ti mo na ndo so kue mo yeke hon ande daa.’ ”

Jérémie 48:26

Moab abaa tere ti lo kota ahon KOTA GBIA. Ayeke nzoni a mu na lo samba, lo nyon ngbii lo de samba ni na sese. Tongaso si lo nga lo ga ye so azo ayeke he ni na ngia.

Jérémie 51:39

Na ndembe so nzara ti aye ayeke gbi be ti ala tongana wâ, mbi yeke leke matanga ti tengo kobe ndali ti ala. Mbi yeke mu na ala samba, ala nyon ngbii ahon ndö ti ala. Fade ala yeke lango kpu na kpu, ala yeke kiri ti zingo pepe; so tënë ti yanga ti KOTA GBIA laa.

Jérémie 51:7

Babilone ayeke ando mbeni kopo ti lôro na maboko ti KOTA GBIA! Ye ti ya ti kopo ni asara azo ti dunia kue tongana samba. Azo ti amara nde anyon vin ti lo ngbii li ti ala aga kirikiri.

Abia ti demango tere 3:15

Lo mu na mbi asengo pere si mbi te ahon ndö ti mbi; lo mu na mbi ye so asee sioni si mbi nyon ahon ndö ti mbi.

Abia ti demango tere 4:21

Ala sara ngia ma, ala, azo ti sese ti Edom! Ala dodo na ngia ma, ala, azo so alango na kodro ti Us! Fade a yeke mu nga na ala gi oko kopo ni si ala nyon asara ala tongana samba; fade ala zi bongo na ngbonda ti ala.

Abdias 1:16

“Lani ala, azo ti Israel, ala nyon kopo ti ngonzo ti mbi na ndö ti hoto ti mbi so ayeke nde si ayeke nzoni kue; legeoko nga, fade amara nde ayeke nyon ni, ala wu tere ti ala pepe. Ala yeke nyon ngbii, ala sule si ala ga tongana azo so a du fade ala pepe.

Nahum 3:11

Ti mo Ninive nga, fade pasi ayeke hon ndö ti mo si mo yeke ga tongana zo so samba ahon ndö ti lo! Mo yeke honde tere ti mo ndali ti kamene ti mo. Mo nga, mo yeke gi ndo ti honde tere ti mo ndali ti awato ti mo.

Aye so Nzapa afa 14:10

fade lo nga, lo yeke nyon vin ti kota ngonzo ti Nzapa. A yeke tuku vin ni na ya ti kopo ti ngonzo ti Nzapa, a yeke tuku ngu daa pepe. Lo yeke baa ande pasi na le ti wâ na *sufre, na le ti a-ange ti Nzapa nga na le ti Molenge ti Taba.

Aye so Nzapa afa 14:8

Mbeni use ange aga na peko ti lo si atene: “Lo ti awe! Kota Babilone ati awe! Lo mu ngangu vin ti lo na amara kue titene ala nyon si ala sara asioni ye ti ndumba tongana lo.”

Aye so Nzapa afa 18:3

Amara kue anyon vin ti lo, vin ti kota nzara ti aye ti ndumba so lo yeke sara. Agbia ti sese asara aye ti ndumba na lo, azo ti dengo buze ti sese aga azo ti mosoro gi na lege ti kota nzara ti warango ye ti lo.”