Jérémie 25:15 - Mbeti ti Nzapa - Tënë so amu fini

¹⁵ Tënë so *KOTA GBIA, Nzapa ti Israel atene na mbi ayeke so: “Mu na maboko ti mbi kopo ti vin so; ngonzo ti mbi asi singo na ya ni. Mu ni na amara so kue mbi yeke tokua mo na mbage ti ala titene ala nyon.

Jérémie 25:15 ပူးပေါင်းရင်းမြစ်များ

Mbeti ti Job 21:20

Ayeke nzoni zo ti sioni abaa aye ti lo abuba taa na le ti lo wani; lo nyon ngonzo ti Nzapa so ngangu ti lo ahon angangu kue si!

Abia (Psaumes) 11:6

Lo yeke sara si ale ti wâ na *sufre atuku na ndö ti azo ti sioni tongana ngu-Nzapa si pupu ti wâ aga agbi ala. Ye so ayeke ku ala so laa!

Abia (Psaumes) 60:3

O Nzapa, mo ke e awe, mo sara si e kangbi kirikiri. Mo sara ngonzo awe: kiri ngangu na e maa!

Abia (Psaumes) 75:8

ngbanga ti so Nzapa laa ayeke fâ ngbanga: lo yeke zia zo na kete ndo, lo yeke zia mbeni na kota ndo.”

Abia (Psaumes) 75:9

*KOTA GBIA agbu mbeni kopo na maboko ti lo, vin so ayeke kporo kporongo asi ya ni. Lo tuku vin ni na azo ti sioni ti sese kue, fade ala yeke nyon ni ngbii asi na puru ni.

Ésaïe 14:26

Baa yanga so KOTA GBIA amu ndali ti sese kue laa! Baa ngangu so lo ye ti sara na amara kue laa.

Ésaïe 34:2

Ngonzo ti *KOTA GBIA ayeke tuku na ndö ti amara kue, sioni ngonzo ti lo ayeke tuku na ndö ti aturugu ti ala kue. Lo zia ala titene a fâ ala, ahunzi ala, lo zia ala titene a fâ ala kue.

Ésaïe 51:17

Jérusalem, zingo, zingo hio si! Londo! *KOTA GBIA amu lani na mo kopo so ngonzo ti lo asi ya ni; mo nyon ni, mo nyon ni kue, ni laa asara si li ti mo aga kirikiri so.

Ésaïe 51:22

Kota Gbia ti mo, KOTA GBIA Nzapa ti mo, lo so lo yeke gbu koko ti azo ti lo, tënë so lo tene ayeke so: “Kopo so ayeke sara si li ti mo aga kirikiri, kopo so ngonzo ti mbi ayeke na ya ni, mbi yeke zi ni na maboko ti mo. Fadeso, mo yeke kiri ti nyon ni pepe.

Ésaïe 51:23

Mbi yeke mu kopo ni na azo so lani ayeke sara pasi na mo. Ala yeke tene lani na mo, atene: ‘Lango na sese, e tambula na ndö ti mo!’ Mo yeke zia lani peko ti mo si aga tongana sese, wala tongana lege so azo ayeke hon daa.”

Jérémie 1:5

“Kozo titene mbi sara mo na ya ti mama ti mo, mbi hinga mo. Kozo titene mo sigigi na ya ti mama ti mo, mbi zia mo nde ndali ti mbi. Mbi zia mo nde titene mo duti zo ti tenengo peko ti atënë ti yanga ti mbi na amara nde.”

Jérémie 36:2

“Mu mbeni *rulo so a sara na poro ti nyama, mo su na le ni atënë so kue mbi tene na mo na tere ti akodro ti Israel, ti Juda nga na ti amara kue, ti londo na ngoi ti Yosias ngbii asi laso.

Jérémie 43:11

Tongana lo si ande, lo yeke nika Ezipte nikango. Ti azo so a diko ala ndali ti kuâ, ala yeke kui; ti azo so a diko ala ndali ti tokuango ala na kodro wande, a yeke tokua ala na kodro wande; ti azo so a diko ala ndali ti fango ala, a yeke fâ ala!

Jérémie 45:5

Ti mo, mo yeke gi lege ti wara akota ye ndali ti mo wani? Mo gi ye oko pepe! Biani, kpale so mbi yeke tokua ni ayeke ti na ndö ti ye so ayeke na fini; so tënë ti yanga ti KOTA GBIA laa. Me ti mo, mbi mu na mo pasa ti soo fini ti mo na ndo so kue mo yeke hon ande daa.’ ”

Jérémie 46:1

So ayeke tënë ti *KOTA GBIA so asi na wayanga-Nzapa Jérémie ndali ti amara nde.

Jérémie 48:26

Moab abaa tere ti lo kota ahon KOTA GBIA. Ayeke nzoni a mu na lo samba, lo nyon ngbii lo de samba ni na sese. Tongaso si lo nga lo ga ye so azo ayeke he ni na ngia.

Jérémie 49:12

Tënë so KOTA GBIA atene ayeke so: “Azo so alingbi fade ti nyon kopo ti mbi pepe, a fâ ngbanga na li ti ala titene ala nyon ni. Ti mo, Edom, mo lingbi ti kpe ngbanga ni tongana nyen? Fade mo yeke sigigi na ya ni oko pepe. Kopo ni so, fade mo yeke nyon ni biani!

Jérémie 51:7

Babilone ayeke ando mbeni kopo ti lôro na maboko ti KOTA GBIA! Ye ti ya ti kopo ni asara azo ti dunia kue tongana samba. Azo ti amara nde anyon vin ti lo ngbii li ti ala aga kirikiri.

Ezekiel 23:32

Tënë so mbi Kota Gbia NZAPA, mbi tene ayeke so: Kopo so lani ita ti mo anyon so, gi ni laa mo yeke nyon ni. Kopo ni akono si ya ni ali. Ndali ni, azo ayeke he mo si mo yeke ga ye ti ngia, ngbanga ti so kopo ni asi mingi.

Ezekiel 23:33

Mo yeke ga tongana zo so samba ahon ndö ti lo si mo yeke baa pasi mingi. Kopo ni ayeke kopo ti kota mbeto na ti bubango ndo; ita ti mo Samarii anyon ni awe.

Ezekiel 29:12

Mbi yeke sara titene Ezipte aga benyama ahon akodro so kue aga benyama. Agbata ti lo ayeke ga benyama ahon agbata so kue abuba; ye ni ayeke duti tongaso na ya ti ngu baleosio. Mbi yeke kangbi azo ti Ezipte na popo ti amara nde, mbi yeke kangbi ala kirikiri na ya ti akodro wande.

Ezekiel 36:5

tënë so mbi Kota Gbia NZAPA, mbi tene ayeke so: Mbi deba yanga ti mbi! Na lege ti ngonzo ti mbi so alondo tongana wâ, mbi tene tënë so na tere ti amara nde nga na tere ti Edom kue, ngbanga ti so ala mu sese ti mbi ti ga ye ti ala. Be ti ala asi singo lani na ngia, ala baa kodro ti mbi tongana mbumbuse ye si ala nzi ando so anyama ayeke te pere daa.

Abdias 1:16

“Lani ala, azo ti Israel, ala nyon kopo ti ngonzo ti mbi na ndö ti hoto ti mbi so ayeke nde si ayeke nzoni kue; legeoko nga, fade amara nde ayeke nyon ni, ala wu tere ti ala pepe. Ala yeke nyon ngbii, ala sule si ala ga tongana azo so a du fade ala pepe.

Habakuk 2:16

Ti mo, mo baa fade mo tene, azo ayeke gonda mo mingi, me gba ti kamene laa ayeke hon ndö ti mo. Ngoi titene mo nyon ti mo samba ni laa; ngoi titene mo fa *pito ti mo na le ti azo laa! Fade KOTA GBIA ayeke sara titene mo nyon kopo ti ngonzo so ayeke na maboko ti lo ti koli. Fade gonda ti mo ayeke ga ye ti kamene!

Aye so Nzapa afa 14:10

fade lo nga, lo yeke nyon vin ti kota ngonzo ti Nzapa. A yeke tuku vin ni na ya ti kopo ti ngonzo ti Nzapa, a yeke tuku ngu daa pepe. Lo yeke baa ande pasi na le ti wâ na *sufre, na le ti a-ange ti Nzapa nga na le ti Molenge ti Taba.

Aye so Nzapa afa 14:19

Ange ni asara kua na nzenze ti lo ni na ndö ti sese. Lo fâ ale ti vinye ni, lo tuku na ya ti kota du ti petengo vin ti ngonzo ti Nzapa.