Jérémie 25:14 - Mbeti ti Nzapa - Tënë so amu fini

¹⁴ Biani, fade azo ti Babilone nga ayeke duti na gbe ti komandema ti amara mingi na ti angangu gbia. Lege so mbi yeke futa na ala peko ti asarango ye ti ala nga na sioni so kue ala sara laa.”

Jérémie 25:14 ပူးပေါင်းရင်းမြစ်များ

Abia (Psaumes) 137:8

Mo gbata ti Babilone, so mo yeke ku titene a hunzi mo biani biani so! Ti lo nzoni, zo so ayeke sara na mo alingbi na ye so mo sara na e!

Ésaïe 13:4

Ala ma go ti azo na ndö ti hoto, go ni ayeke tongana go ti gba ti azo. Ala ma wusuwusu na ya ti akodro-gbia, amara nde so abongbi ayeke sara wusuwusu. KOTA GBIA so ayeke na ndö ti dunia kue ayeke hon ti baa aturugu ti lo oko na oko so ayeke gue ti tiri bira.

Ésaïe 14:2

Amara nde ayeke ga ti mu azo ti Israel ti kiri na ala na kodro ti ala. Na sese so ayeke ti KOTA GBIA, azo ti Israel ayeke mu amara ni ti ga angbaa ti ala, akoli na awali. Azo so lani agbu azo ti Israel na kanga so, fade azo ti Israel ayeke gbu ala ti ga azo ti kanga; ala yeke sara komandema na ndö ti azo so asara lani ngangu na ala.

Ésaïe 66:6

Mbeni wuluwulu alondo na gbata, mbeni go alondo na ya ti kota da ti Nzapa: so go ti KOTA GBIA laa. Lo yeke kiri na awato ti lo peko ti sarango ye ti ala.

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Jérémie 50:41

Mbeni mara alondo na mbage ti Banga ti ga, so ayeke mbeni kota mara; agbia mingi ayeke na lege ti gango ni, ala londo na nda ti sese kue.

Jérémie 50:9

Biani, mbi yeke sara si azo ti amara nde gbani gbani abongbi, mbi yeke tokua ala ti gue ti tiri bira na Babilone. Azo ni ayeke londo na mbage ti Banga ti ga, ala yeke leke tere ti ala ti tiri bira na Babilone si ala yeke mu ni. Ale ti kokora ti azo ni ayeke kiri senge pepe tongana ti so ngangu turugu so ahinga kua ti lo, lo yeke kiri ka na kodro maboko senge pepe.

Jérémie 51:6

Ala azo, ala sigigi na ya ti Babilone, ala kpe ahon! Ayeke nzoni zo oko oko asoo fini ti lo; tongaso si ala kui ndali ti sioni ti lo pepe. Biani, ndembe titene KOTA GBIA akiri na kodro ni peko ti sioni ti lo alingbi awe. Lo futa kodro ni alingbi na ye so lo sara.

Daniel 5:28

PARSIN aye ti tene ya ni akangbi awe: ya ti kodro ti mo akangbi awe, a mu ni na azo ti Medii na ti Perse.”

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.