Jérémie 25:11 - Mbeti ti Nzapa - Tënë so amu fini

¹¹ Fade kodro so kue ayeke ga ndo ti gba ti atêne si ayeke ga ye ti dongo be. Na ya ti ngu balembarambara, amara ni kue ayeke duti na gbe ti komandema ti gbia ti Babilone.

Jérémie 25:11 ပူးပေါင်းရင်းမြစ်များ

2 Mbai 36:20

Azo so akpe si angba na fini, gbia agbu ala ague na ala na Babilone titene ala ga angbaa ti lo na ti amolenge ti lo; ala ngba na gbe ti ngbaa ni ngbii asi na lango so azo ti Perse amu kodro ni.

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Jérémie 25:12

“Me tongana ngu balembarambara so ahunzi awe, mbi wani, mbi yeke ga na tere ti gbia ti Babilone nga na tere ti azo ti kodro ti lo ndali ti sioni so ala sara; so tënë ti yanga ti KOTA GBIA laa. Mbi yeke ga na tere ti kodro ti azo ti Babilone; mbi yeke sara si kodro ni aga ye ti dongo be kpu na kpu.

Jérémie 25:38

mo baa mo tene, bamara so azia ndo ti lo si ahon. Kodro ti ala aga tongana benyama ndali ti aye ti mawa so bira abi ni kâ; nga ndali ti ngonzo ti wâ ti KOTA GBIA.

Jérémie 27:22

‘Fade a yeke gue na akungba ni kue na Babilone, ayeke ngba kâ ngbii asi na ndembe so mbi yeke baa lege titene a kiri na ni ge.’ ” So tënë ti yanga ti KOTA GBIA laa.

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 28:14

Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: “Mbi yeke zia na ndö ti go ti amara so kue zuge ti wen; ala yeke duti na gbe ti komandema ti Nabukodonosor, gbia ti Babilone. Ataa anyama ti ngonda, mbi yeke zia ala na gbe ti lo.”

Jérémie 29:10

“Tënë so KOTA GBIA akiri atene ayeke so: ‘Tongana ngu balembarambara so a diko ndali ti Babilone so ahon awe, mbi yeke ga ti baa lege ti ala; nzoni ye so mbi mu zendo ti sarango ni na ala, fade mbi yeke sara ni: mbi yeke kiri na ala ge na Jérusalem.

Jérémie 4:26

Mbi baa ndo: baa, yaka so lani kobe ayeke du daa mingi so, yaka ni aga gi benyama. Na lege ti ngonzo ti wâ ti KOTA GBIA, agbata ti kodro ni kue ati na sese, na gbe ti le ti lo.

Jérémie 4:27

Tënë so KOTA GBIA atene ayeke so: “Fade kodro ni kue ayeke ga ngonda; me ye kue laa mbi yeke buba ni pepe.

Jérémie 43:10

Na pekoni, fade mo yeke tene na ala: ‘Baa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Mbi yeke tokua titene a iri zo ti kua ti mbi Nabukodonosor, gbia ti Babilone ti ga. Mbi yeke zia mbata ti lo ti gbia na ndö ti atêne so a lu ni ge so. Lo yeke leke gbefa ti lo ti gbia na ndo so.

Jérémie 44:22

KOTA GBIA akanga be ti lo gbaa na asioni sarango ye ti ala nga na asioni sarango ye ti ala so zo alingbi ti baa na le ti lo fani use pepe so. Ndani laa kodro ti ala aga ndo ti gba ti atêne, aga ngonda si zo ayeke daa mbeni pepe, aga tapande ndali ti azo so ayeke deba amba ti ala; ye ni laa a yeke baa ni laso so.

Ezekiel 12:19

Na pekoni, mo yeke tene na azo ti sese ni kue, mo tene: ‘Tënë so Kota Gbia NZAPA atene na azo ti Jérusalem so angba na sese ti Israel ayeke so: Ala yeke te kobe ti ala na gingo be, ala yeke nyon ngu ti ala na ya ti kota mbeto. Biani, azo ayeke buba kodro ni, mbeni ye oko ayeke ngba daa pepe, ndali ti so azo so kue alango na ya ti kodro ni asara ngangu mingi na azo.

Ezekiel 29:11

Gere ti zo oko ayeke kiri ti do ndo ni pepe; gere ti nyama oko ayeke kiri ti do ndo ni pepe. Na ya ti ngu baleosio, ye oko ayeke duti kâ pepe.

Ezekiel 6:14

Mbi yeke yoro maboko ti mbi ti pika ala. Kodro so kue ala yeke lango daa, ti londo na benyama na mbage ti Mbongo ngbii asi na gbata ti Ribla na mbage ti Banga, mbi yeke hunzi azo ti ya ti agbata ni kue si agbata ni ayeke ga ngonda. Tongaso si ala hinga atene, mbi yeke KOTA GBIA.”

Daniel 9:2

Na kozo ngu so lo ga gbia, mbi Daniel, mbi yeke gi na ya ti Mbeti ti Nzapa titene mbi hinga wungo ti ngu so KOTA GBIA atene tënë ni na wayanga-Nzapa Jérémie. Na ya ti angu so laa gbata ti Jérusalem ayeke ngba na bubango ni; wungo ti ngu ni kue ayeke balembarambara.

Awayango-sandaga 26:32

Mbi wani, mbi yeke sara si kodro ti ala aga ngonda, awato ti ala so ayeke ga ti duti daa, li ti ala kue ayeke kpe.

Mishe 7:13

Fade tanga ti sese ayeke ga tongana benyama ndali ti sioni sarango ye ti azo so alango kâ.

Zakarii 1:12

Na pekoni, ange ti KOTA GBIA akiri amu tënë si atene: “KOTA GBIA, mo so mo yeke na ndö ti dunia kue so, asara fadeso ngu balembarambara awe so mo sara ngonzo na tere ti gbata ti Jérusalem na agbata ti Juda. Mo yeke ku ngbii asi lawa si mo yeke baa mawa ti ala?”

Zakarii 7:5

Mo tene na azo ti kodro ni kue nga na awayango-sandaga, mo tene: “Asara laso ngu balembarambara awe so ala yeke ke kobe si ala yeke toto na nze oku ni nga na nze mbarambara ni; ala sara aye ni so ndali ti mbi?