Jérémie 23:34 - Mbeti ti Nzapa - Tënë so amu fini

³⁴ Tongana mbeni wayanga-Nzapa, wala mbeni wayango-sandaga wala mbeni zo na popo ti azo so atene: ‘Nengo kungba so KOTA GBIA azia na ndö ti mbi laa’, mbi yeke ga na tere ti zo ni so, lo na asewa ti lo.

Jérémie 23:34 ပူးပေါင်းရင်းမြစ်များ

Jérémie 36:31

Mbi yeke ga na tere ti lo, *ahale ti lo nga na akota zo ti yangbo ti lo ndali ti sioni ti ala. Akpale so kue mbi tene tënë ni si ala ke ti ma mbi so, mbi yeke sara si aga na ndö ti ala, na ndö ti azo so alango na Jérusalem nga na ndö ti azo ti Juda.’ ”

Abia ti demango tere 2:14

Awayanga-Nzapa ti ala awara ambeni tënë ndali ti ala na ya ti mbeni ye tongana bango-li; me atënë ni gi mvene, gi abuba tënë. Awayanga-Nzapa ni afa asioni ti ala, azo ti gbata ti Sion na gigi pepe; ye so alingbi fade ti zi ala na ya ti ngbaa. Biani, atënë ti awayanga-Nzapa ni gi mvene na asenge senge tënë.

Nahum 1:1

So ayeke nengo tënë ti wayanga-Nzapa na ndö ti kodro ti Ninive. So ayeke buku ti aye so asi na le ti Nahum, zo ti kodro ti Elkosh si lo baa ni na ya ti mbeni ye tongana bango-li.

Zakarii 13:3

Tongana mbeni zo angba ti tene peko ti tënë ti yanga ti Nzapa, ataa so zo ni ayeke taa wayanga-Nzapa pepe, fade babâ na mama ti lo wani ayeke tene na lo: ‘Alingbi mo kui, ngbanga ti so mo yeke tene mvene na iri ti KOTA GBIA.’ Na ndembe so lo ngba ti tene tënë ni, babâ na mama ti lo wani ayeke kpo lo.