Jérémie 23:33 - Mbeti ti Nzapa - Tënë so amu fini

³³ *KOTA GBIA atene na Jérémie: “Tongana azo so, wala mbeni wayanga-Nzapa, wala mbeni wayango-sandaga ahunda mo, atene: ‘Nengo tënë ti KOTA GBIA so lo zia na ndö ti e tongana nengo kungba so ayeke so wa?’ Fade mo kiri tënë na ala, mo tene: ‘Ala laa ayeke nengo kungba ni. Ndani laa, fade mbi yeke bi ala yongoro; so tënë ti yanga ti KOTA GBIA laa.’

Jérémie 23:33 ပူးပေါင်းရင်းမြစ်များ

2 Agbia 23:27

Ndani laa KOTA GBIA atene: “Fade mbi yeke tumba azo ti Juda yongoro na le ti mbi tongana ti so mbi tumba ando azo ti Israel so. Mbi yeke ke Jérusalem, gbata so mbi soro ni; mbi yeke ke kota da so mbi mu ando zendo titene iri ti mbi aduti daa.”

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Ésaïe 14:28

Na ngu so gbia Ahaz akui na ni, nengo tënë so asigigi, atene:

Jérémie 12:7

“Mbi do da ti mbi, mbi zia awe; ye so ayeke ti mbi, mbi ke ni awe. Mara so mbi ye lo na be ti mbi kue, mbi zia lo na maboko ti awato ti lo awe.

Jérémie 17:15

Azo ayeke tene na mbi: “Tënë ti KOTA GBIA ni ague na ndo wa? Ayeke nzoni tënë ni asi, e baa ma!”

Jérémie 6:30

A di iri ti azo ni, atene: “Wen ti nginza so abuba”, ngbanga ti so KOTA GBIA ake ala awe.

Jérémie 7:15

Mbi yeke tumba ala yongoro na le ti mbi tongana ti so mbi tumba a-ita ti ala, azo ti mara ti Efraim so.”

Ezekiel 12:21

Tënë ti *KOTA GBIA asi na mbi, atene:

Osée 9:12

Ataa ala yeke bata amolenge-koli, mbi yeke kanga lege na ala titene ala kono. Biani, mawa na ala, azo ti Efraim, tongana mbi hon yongoro na tere ti ala!

Nahum 1:1

So ayeke nengo tënë ti wayanga-Nzapa na ndö ti kodro ti Ninive. So ayeke buku ti aye so asi na le ti Nahum, zo ti kodro ti Elkosh si lo baa ni na ya ti mbeni ye tongana bango-li.

Habakuk 1:1

So ayeke nengo tënë so wayanga-Nzapa Habakuk abaa na ya ti mbeni ye tongana bango-li.

Zakarii 9:1

Nengo tënë ti *KOTA GBIA. Tënë ti KOTA GBIA ague, asi na sese ti Hadrak, tënë ni ague, aluti na gbata ti Damas. Biani, le ti KOTA GBIA ayeke gi na ndö ti amara ti Israel oko pepe, me le ti lo ayeke nga na ndö ti azo kue.

Malashii 1:1

Nengo tënë. So tënë ti *KOTA GBIA so lo zia na yanga ti Malashii ti tene na azo ti Israel.