Jérémie 23:32 - Mbeti ti Nzapa - Tënë so amu fini

³² Awayanga-Nzapa so ayeke tene peko ti bango-li ti mvene so, mbi na ala, e yeke baa ya ni; so tënë ti yanga ti KOTA GBIA laa. Na tenengo peko ti bango-li ni, ala yeke handa azo ti mbi ti gue kirikiri na lege ti atënë ti mvene ti ala nga na lege ti baba ti ala. Mbi, mbi tokua ala pepe, mbi mu yanga na ala pepe; ala yeke sara nzoni na azo ti mbi oko pepe; so tënë ti yanga ti KOTA GBIA laa.”

Jérémie 23:32 ပူးပေါင်းရင်းမြစ်များ

Mbeti ti Job 13:4

Ti ala, ala kanga ndö ti taa-tënë na tenengo mvene; ala kue, ala yeke awanganga so ahinga ye oko pepe.

Ésaïe 3:12

KOTA GBIA atene: “Azo ti mbi, azo so ayeke sara ngangu na ala ayeke gi amolenge, awali laa ayeke sara komandema na ndö ti ala. Azo ti mbi, azo so ayeke fa lege na ala asara si ala girisa lege, ala yeke fa na ala sioni lege.”

Ésaïe 9:15

Azo so afa lege na azo ni so, ala fa na azo ni sioni lege; azo so azo ni afa lege na ala so, ala mu sioni lege.

Jérémie 23:13

“Na popo ti awayanga-Nzapa ti Samarii, mbi baa ye ti ziango ngonzo na be ti zo: ala tene peko ti tënë ti yanga ti *Baal, ala sara si Israel, azo ti mbi, ague kirikiri.

Jérémie 23:16

Tënë so *KOTA GBIA so ayeke na ndö ti dunia kue atene ayeke so: “Atënë so awayanga-Nzapa ni ayeke tene na ala na iri ti mbi so, ala ma ni pepe, ala yeke handa ala handango. Atënë so awayanga-Nzapa ni ayeke fa na ala so, atënë ni alondo na li ti ala wani, alondo na yanga ti mbi, KOTA GBIA pepe.

Jérémie 23:25

“Atënë so awayanga-Nzapa ayeke tene na peko ti yanga ti mbi so, mbi ma ni kue awe. Ala tene, ani yeke fa tënë na iri ti mbi, andaa gi mvene laa ala yeke tene. Ala yeke tene: ‘Mbi baa li ti mbi! Mbi baa li ti mbi!’

Jérémie 23:31

Biani, so tënë ti yanga ti KOTA GBIA laa: awayanga-Nzapa so amu tënë ti yanga ti ala wani tongana ti mbi so, mbi na ala, e yeke baa ya ni.

Jérémie 29:31

“Tokua tënë so na azo so a gbu ala si a gue na ala na kodro wande, mo tene: ‘Tënë so KOTA GBIA atene na ndö ti Shemaya, zo ti Nehelam ayeke so: Shemaya atene, ni yeke tene peko ti tënë ti yanga ti mbi na ala, me mbi tokua lo pepe. Lo pusu ala ti zia be ti ala gi na ndö ti atënë ti mvene.

Jérémie 7:8

“Me ala ngba ti zia be ti ala gi na ndö ti atënë ti handa so ayeke sara nzoni oko na zo pepe.

Abia ti demango tere 2:14

Awayanga-Nzapa ti ala awara ambeni tënë ndali ti ala na ya ti mbeni ye tongana bango-li; me atënë ni gi mvene, gi abuba tënë. Awayanga-Nzapa ni afa asioni ti ala, azo ti gbata ti Sion na gigi pepe; ye so alingbi fade ti zi ala na ya ti ngbaa. Biani, atënë ti awayanga-Nzapa ni gi mvene na asenge senge tënë.

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Sofonii 3:4

Awayanga-Nzapa ti lo ayeke azo ti kirikiri, azo ti handango zo; awayango-sandaga ti lo asara si ye so a zia nde ndali Nzapa aga *sioni; ala do ndia na sese.

Zakarii 10:2

Anzapa ti da ayeke kiri na ala atënë ti mvene, azo ti bango nda ti aye ayeke fa na ala nda ti ye na legeni pepe; abango-li ti ala ayeke gi asenge ye, atënë ti dengo be so ala yeke tene na azo ayeke gi ye ti handango azo ni. Ndani laa azo ni ague, mawa na be ti ala tongana ataba so zo ti batango ala ayeke daa pepe.

Matthieu 15:14

Ala zia afarizien ni: ala yeke awaziba, ala ye ti fa lege na amba ti ala awaziba! Tongana waziba afa lege na mbeni mba ti lo waziba, fade ala use kue ayeke ti na ya ti du!”

2 Korente 1:17

So mbi leke na be ti mbi tënë ti tambula so, mbi mu tënë ni tongana tënë ti ngia? Wala aye so mbi leke na be ti mbi ti sara so, mbi leke ni na lege ti anzara ti be ti mbi si gi mbi oko so, mbeni be ti mbi atene: “een” si mbeni be ti mbi atene: “ên-en”?

Ndia ti fani use ni 18:20

Me mbeni wayanga-Nzapa so atene tënë ti li ti lo wani na iri ti mbi, andaa mbi laa mbi zia tënë ni na yanga ti lo pepe, wala lo tene tënë na azo na iri ti ambeni nzapa nde, fade a yeke fâ wayanga-Nzapa so.”

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.