Jérémie 23:30 - Mbeti ti Nzapa - Tënë so amu fini

³⁰ So tënë ti yanga ti KOTA GBIA laa: “Awayanga-Nzapa so ayeke nzi tënë ti mbi na popo ti ala so, fade mbi na ala, e yeke baa ya ni.

Jérémie 23:30 ပူးပေါင်းရင်းမြစ်များ

Abia (Psaumes) 34:16

Le ti KOTA GBIA ayeke na ndö ti azo ti mbirimbiri, mê ti lo ayeke ma dekongo ti ala.

Jérémie 21:13

Ala so ayeke lango na popo-hoto, na ndö ti kota têne so ayeke kpangbara so, mbi na ala, e yeke baa ya ni; so tënë ti yanga ti KOTA GBIA laa. Biani, mbi yeke ga na tere ti ala, ala so ayeke tene: ‘Zo wa laa ayeke zu ti ga na tere ti e, zo wa? Zo wa laa ayeke li na ndo so e yeke duti daa so, zo wa?’

Jérémie 23:31

Biani, so tënë ti yanga ti KOTA GBIA laa: awayanga-Nzapa so amu tënë ti yanga ti ala wani tongana ti mbi so, mbi na ala, e yeke baa ya ni.

Jérémie 44:11

Jérémie akiri atene: “Ndani laa, tënë so KOTA GBIA so ayeke ndö ti dunia kue, Nzapa ti Israel atene ayeke so: ‘Mbi leke na be ti mbi ti sara sioni na ala si mbi yeke hunzi azo ti Juda kue.

Jérémie 44:29

Baa, tënë so mbi, KOTA GBIA, mbi tene ayeke so: Mbi yeke ga na tere ti ala na Ezipte; mbi yeke fa na ala ye so ala yeke hinga na ni. Tongaso fade ala yeke hinga atene, sioni ye so mbi tene tënë ni ayeke ga taa-tënë ndali ti ala. Ye so ala yeke hinga na ni ayeke so:

Ezekiel 13:20

Ndani laa, tënë so mbi Kota Gbia NZAPA, mbi tene ayeke so: Mbi ke anduru yanga ti bongo ti ala so ala yeke gbu fini ti azo na ni. Mbi yeke suru ya ni si mbi yeke zi ni na maboko ti ala; mbi yeke zi azo so ala gbu fini ti ala so.

Ezekiel 13:8

Ndani laa, tënë so mbi Kota Gbia NZAPA, mbi tene ayeke so: Ndali ti so ala yeke tene gi atënë ti li ti ala wani si aye so ala baa na ya ti mbeni ye tongana bango-li ayeke ti handa na azo, mbi yeke ga na tere ti ala.’ So tënë ti yanga ti Kota Gbia NZAPA laa.

Ezekiel 15:7

Mbi yeke be le na ala. Ala baa ti ala atene, ala sigigi na ya ti wâ awe, me fade wâ ayeke gbi ala kue. Tongaso, ala azo ti Jérusalem, fade ala yeke hinga atene, mbi laa mbi yeke KOTA GBIA, mbi so mbi be le na azo ni.

Awayango-sandaga 20:3

Ti mbi, fade mbi yeke ga na tere ti zo ni so. Mbi yeke tumba lo na popo ti azo ti Israel, ngbanga ti so lo mu mbeni molenge ti lo oko na sandaga na Molek. Sarango mara ti ye tongaso asara si ndo so a zia nde ndali ti mbi aga *sioni si iri ti mbi so ayeke nde si ayeke nzoni kue aga nga sioni.

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Ndia ti fani use ni 18:20

Me mbeni wayanga-Nzapa so atene tënë ti li ti lo wani na iri ti mbi, andaa mbi laa mbi zia tënë ni na yanga ti lo pepe, wala lo tene tënë na azo na iri ti ambeni nzapa nde, fade a yeke fâ wayanga-Nzapa so.”

Ndia ti fani use ni 29:20

KOTA GBIA ayeke zia lo yamba na popo ti amara ti Israel kue titene a buba lo biani biani, alingbi na adengo ba ti mbuki so a su tënë ni na ya ti mbeti ti *Ndia so.

1 Pierre 3:12

Biani, le ti *Kota Gbia ayeke na ndö ti azo ti mbirimbiri, mê ti lo ayeke ma sambela ti ala; me ti azo so ayeke sara ye ti sioni, Kota Gbia ayeke londo ti ke ala.”