Jérémie 23:29 - Mbeti ti Nzapa - Tënë so amu fini

²⁹ Tënë ti mbi ayeke tongana wâ; so tënë ti yanga ti KOTA GBIA laa; tënë ni ayeke tongana ngangu martoo so ayeke suru ya ti kota têne!”

Jérémie 23:29 ပူးပေါင်းရင်းမြစ်များ

Jérémie 20:9

Tongana mbi tene: “Awe! Mbi yeke kiri ti di iri ti lo na yanga ti mbi pepe, mbi yeke kiri ti fa tënë na iri ti lo pepe”; na ya ti be ti mbi kâ, tënë ni ayeke gbi tongana wâ. Mbi yeke sara ngangu ti mingo ni, me mbi ha gbaa.

Jérémie 5:14

Ndani laa, tënë so KOTA GBIA Nzapa so ayeke na ndö ti dunia kue atene ayeke so: “Ndali ti atënë so ala tene, tënë so mbi zia na yanga ti mo ti tene, mbi yeke sara si aga tongana wâ; mbi yeke sara si azo so aga tongana keke so wâ ni ayeke gbi ni kue.

Osée 6:5

Ndani laa mbi pika ala na lege ti awayanga-Nzapa, mbi fâ ala na lege ti tënë ti yanga ti mbi. Fango ngbanga ti mbi ayeke sigigi polele tongana lumiere.

Nzoni Tënë so Luc asu na mbeti 24:32

si ala tene na popo ti ala: “So lo yeke tene tënë na e na lege si lo yeke fa nga na e nda ti tënë ti Mbeti ti Nzapa so, be ti e ayeke kporo fade na ya ni kâ pepe?”

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Awatokua 2:3

Ala baa ambeni ye so akpa amenga ti wâ asi; amenga ti wâ ni akangbi ya ti ala si aduti na li ti zo oko oko kue.

Awatokua 2:37

So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?”

2 Korente 2:16

Ti azo so ayeke girisa, fion ti yombo ni ayeke fion ti kuâ so ayeke sara titene zo akui. Ti azo so ayeke soo kuâ, fion ni ayeke fion ti fini so ayeke mu fini na zo. Me zo wa laa alingbi ti sara mara ti kua so?

Ahebro 4:12

Tënë ti Nzapa ayeke na fini si ayeke na ngangu ti sara ye. Tënë ni ayeke kpo be ti zo ahon yongoro zeme so yanga ni aza mbage na mbage. Tënë ni ayeke gue ngbii akangbi popo ti be ti zo na yingo ti zo. Tënë ni ayeke kangbi popo ti mafuta ti ya ti bio nga na ndo so abio atengbi tere daa. Tënë ni ayeke sigigi na tënë ti be ti zo nga na aye so kue nzara ni ayeke na be ti zo.

Aye so Nzapa afa 11:5

Tongana mbeni zo aye ti sara sioni na ala, wâ ayeke sigigi na yanga ti ala si ayeke gbi awato ti ala ni. Zo so kue aye ti sara sioni na ala, alingbi lo kui gi tongaso.