Jérémie 23:28 - Mbeti ti Nzapa - Tënë so amu fini

²⁸ Tongana mbeni wayanga-Nzapa abaa li ti lo, lo tene peko ni na azo ma! Me tongana lo wara mbeni tënë so alondo na yanga ti mbi, ayeke nzoni lo tene ni kue na legeni! Aporo ti le ti kobe na ale ti kobe alingbi tere? So tënë ti yanga ti KOTA GBIA laa.

Jérémie 23:28 ပူးပေါင်းရင်းမြစ်များ

1 Agbia 22:14

Mishe akiri tënë, atene: “*KOTA GBIA ayeke na fini! Tënë so KOTA GBIA ayeke tene na mbi, gi ni laa mbi yeke tene ande!”

1 Agbia 22:16

Me gbia atene na lo: “Fani oke laa mbi lingbi ti hunda na mo titene mo deba yanga ti mo ti tene na mbi gi taa-tënë na iri ti KOTA GBIA?”

Amato 14:5

Zo so ayeke na tere ti mbeni tënë si mo lingbi ti zia be ti mo na ndö ti lo, lo yeke tene mvene pepe; me zo so ayeke tene mbeni tënë nde na so lo yeke fade na tere ni, lo yeke du gi mvene.

Ésaïe 21:10

Ala azo ti mbi so a pika ala tongana *ble na ndö ti lakere so, tënë so mbi ma na yanga ti KOTA GBIA so ayeke na ndö ti dunia kue, Nzapa ti Israel, tënë ni laa mbi yeke fa na ala so.

Jérémie 23:25

“Atënë so awayanga-Nzapa ayeke tene na peko ti yanga ti mbi so, mbi ma ni kue awe. Ala tene, ani yeke fa tënë na iri ti mbi, andaa gi mvene laa ala yeke tene. Ala yeke tene: ‘Mbi baa li ti mbi! Mbi baa li ti mbi!’

Jérémie 42:4

Wayanga-Nzapa Jérémie atene na ala: “Mbi ma awe! Fade mbi yeke sambela KOTA GBIA, Nzapa ti ala tongana ti so ala hunda na mbi. Na pekoni, tënë so kue KOTA GBIA ayeke kiri ni na ala, fade mbi yeke fa ni na ala; mbi yeke honde tënë oko na ala pepe.”

Jérémie 9:12

KOTA GBIA akiri atene: “Ye ni asi tongaso, ngbanga ti so azo ni azia lege ti ye so mbi fa na ala, ala ke ti ma mbi; ala ke ti sara ye alingbi na tënë ti mbi.

Jérémie 9:20

“Biani, kuâ asi na tere ti fenetere ti e awe; lo li na ya ti apendere da ti e awe. Lo fâ amolenge na ndö ti alege; lo fâ amaseka na ndö ti abalabala.”

Ezekiel 13:3

Tënë so mbi Kota Gbia NZAPA, mbi tene ayeke so: Mawa na ala, awayanga-nzapa so ahinga ndo pepe! Ala so abaa ye oko pepe si ala mu gi atënë ti ya ti li ti ala si ayeke tene so.

Matthieu 24:45

“Zo ti kua so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti amba ti lo titene lo mu na ala kobe tongana ngbonga ni alingbi.

Nzoni Tënë so Luc asu na mbeti 12:42

Kota Gbia atene na lo: “Ndombe so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti azo ti kua ti lo titene lo mu na ala kobe tongana ngbonga ni alingbi.

1 Korente 4:2

Me ye so a yeke hunda na awabatango-ye, ayeke titene ala sara kua ti ala na legeni.

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.