Jérémie 23:24 - Mbeti ti Nzapa - Tënë so amu fini

²⁴ Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”

Jérémie 23:24 ပူးပေါင်းရင်းမြစ်များ

Tongo nda ti aye 16:13

Agar airi KOTA GBIA na iri ti lo si avoro lo, KOTA GBIA so atene tënë na lo so. Agar atene: “Mo yeke Nzapa so mo yeke baa mbi.” Lo hunda fade tere ti lo, lo tene: “Ge laa mbi baa biani lo so abaa mbi so?”

1 Agbia 8:27

“Me Nzapa alingbi biani ti duti na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

2 Mbai 2:6

Fadeso, tokua na mbi mbeni wakode-kua ti lôro, ti wen ti nginza, ti bengba wen na ti wen, wakode-kua so ahinga nga ti sara anzoroko na tere ti abongo: nzoroko so abe bengo, nzoroko so akpa le ti nduzu, nzoroko so abe si aza zango; lo hinga nga ti de alimo na kode na tere ti aye, lo na awakode-kua so babâ ti mbi David asoro ala lani si ala yeke na tere ti mbi na sese ti Juda nga na Jérusalem.

2 Mbai 6:18

“Me Nzapa alingbi biani ti duti na ndo oko na azo na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

Mbeti ti Job 34:21

Biani, le ti Nzapa ayeke baa ndo na ndö ti dutingo ti azo; lo yeke baa peko ti gere ti ala kue.

Mbeti ti Job 34:22

Ataa vukongo ndo, ataa ndo so avuko pitipiti alingbi ti honde azo ti sarango sioni na le ti lo pepe.

Abia (Psaumes) 10:11

Lo tene na be ti lo: “Nzapa agirisa tënë ni awe; lo kanga le ti lo awe, lo baa ye laoko pepe.”

Abia (Psaumes) 139:7

Ndo wa laa mbi lingbi ti gue daa si mbi hon yongoro na mo so? Ndo wa laa mbi lingbi ti kpe daa si mo baa mbi pepe so?

Abia (Psaumes) 139:8

Tongana mbi ma ti gue na yayu, mo laa! Tongana mbi lango na ndo ti akuâ, mo yeke kâ!

Abia (Psaumes) 148:13

Ayeke nzoni ala sepela iri ti KOTA GBIA, ngbanga ti so lo oko laa lo yeke kota mingi, gonda ti lo amu ndö ti sese na yayu kue!

Abia (Psaumes) 90:8

Mo zia asioni ti e na le ti mo, aye so e sara na gbe mingo asigigi polele na le ti mo.

Amato 15:3

Le ti KOTA GBIA asi na ndo kue; lo yeke baa azo ti sioni na azo ti nzoni.

Ésaïe 29:15

So mawa na azo so ayeke sara ye na gbe mingo si ala yeke honde apialo ti ala na *KOTA GBIA so! Ala yeke sara aye ti ala na ya ti vukongo ndo, ala yeke tene: “Zo wa laa abaa e, zo wa? Zo wa laa ahinga ye so e sara, zo wa?”

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Jérémie 16:17

Le ti mbi abaa asarango ye ti ala kue, ahonde na le ti mbi oko pepe; sioni so ala yeke sara ayeke polele na le ti mbi.

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Jérémie 49:10

Ala, *ahale ti Ezau, mbi laa mbi yeke zi aye ti ala na maboko ti ala, mbi yeke fa ndo so ala honde tere ti ala daa: ala lingbi ti honde tere ti ala mbeni pepe. Mara ti ala, na a-ita ti ala na azo so ayeke nduru na ala, fade a yeke hunzi ala kue; zo ayeke kiri ti tene na ala pepe, atene:

Ezekiel 8:12

Nzapa atene na mbi: “Molenge ti zo, ye so akangba ti Israel ayeke sara na gbe mingo so, mo baa ni na le ti mo awe-aa? Zo oko oko ayeke na ndo ti vorongo nzapa ti lo na ya ti kubu ti lo. Ala yeke tene: ‘KOTA GBIA alingbi ti baa e oko pepe; lo do kodro ni, lo zia awe!’ ”

Ezekiel 9:9

KOTA GBIA akiri tënë na mbi, atene: “Sioni ti azo ti Israel na ti azo ti Juda ayeke kota ahon ndoni; mene asi singo na ya ti kodro ni, sarango ngangu na azo asi singo na ya ti gbata ni. Biani, azo ni ayeke tene: ‘KOTA GBIA ado kodro ni azia awe, lo lingbi ti baa e oko pepe.’

Daniel 2:22

Lo laa lo yeke fa nda ti ye so ali si ahonde. Lo hinga ye so ayeke na vukongo ndo si lumiere akanga tere ti lo kue.

Efeze 1:23

Eglize ayeke tere ti Christ; Christ asi singo na ya ni si Christ asi singo na ya ti aye kue, na ndo kue.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.