Jérémie 23:19 - Mbeti ti Nzapa - Tënë so amu fini

¹⁹ Baa, ngangu pupu ti KOTA GBIA ayeke ga, sioni ngonzo ti lo alondo awe, sioni pupu ti ngu-Nzapa ayeke ya si ayeke turne wirrr ti ti na li ti azo ti sioni.

Jérémie 23:19 ပူးပေါင်းရင်းမြစ်များ

Abia (Psaumes) 58:9

Ayeke nzoni ala ga tongana ngonzâ so akui si azia dongo ti tere ti lo na sese. Ayeke nzoni ala ga tongana akete molenge so a du ala na kuâ ni si ala baa lâ pepe.

Amato 1:27

Biani, fade kota mbeto ayeke ga na ndö ti ala tongana kota pupu; ye ti ngangu ayeke ti na ndö ti ala tongana ngangu pupu ti ngu-Nzapa; pasi na ye ti mawa ayeke hon ndö ti ala.

Amato 10:25

Tongana ngangu pupu ahon awe, zo ti sioni ayeke daa mbeni pepe! Me zo ti mbirimbiri aluti ti lo ngangu lakue.

Ésaïe 21:1

Nengo tënë na ndö ti benyama so ayeke nduru na kota ngu-ingo. Tongana ti so kota pupu afâ ya ti sese ti mbage ti Mbongo, wato alondo na benyama si ayeke ga, lo londo na kodro so ayeke zia mbeto na be ti azo.

Ésaïe 40:24

Ataa a iri ala na kua gi fafadeso, ataa ala gbu mbata ti kua ti ala gi fafadeso, ataa gere ti ala ade ti li sese pepe, mo ye ti baa, KOTA GBIA ahuru pupu na ndö ti ala. Tongaso, ala hole si ngangu pupu ahon na ala tongana holengo pere.

Jérémie 25:31

Totongo ti lo ni asi na nda ti sese kue. KOTA GBIA ayeke na ngbanga na amara nde, lo iri azo kue ti ga na ya ti ngbanga ti lo. Ti azo so ngbanga ati na li ti ala, lo yeke zia ala titene a fâ ala na yongoro zeme; so tënë ti yanga ti KOTA GBIA laa.”

Jérémie 25:32

Tënë so KOTA GBIA so ayeke na ndö ti dunia kue atene ayeke so: “Kota kpale alondo na mbeni mara asi na mbeni mara, ngangu pupu ti ngu-Nzapa alondo na nda ti sese kâ si ayeke ya.”

Jérémie 30:23

Baa ngangu pupu ti KOTA GBIA ayeke ga, sioni ngonzo ti lo alondo awe. Sioni pupu ti ngu-Nzapa ayeke ya si ayeke turne wirrr ti ti na li ti azo ti sioni.

Jérémie 30:24

Ngonzo ti wâ ti KOTA GBIA ayeke kai ande pepe, ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 4:11

Na ndembe ni so, fade *KOTA GBIA ayeke tene na azo ti Jérusalem, lo tene: “Pupu ti wâ alondo na li ti ahoto, na benyama ti ya na ndö ti azo ti mbi; pupu ni ayeke pupu ti pengo ya ti ale ti kobe pepe, wala ti sukulango ale ti kobe pepe.

Jérémie 51:1

Tënë so *KOTA GBIA atene ayeke so: “Mbi yeke tokua mbeni pupu ti bubango ye na ndö ti Babilone nga na ndö ti azo ti kodro ni.

Ezekiel 1:4

Ye so mbi baa ayeke so: mbeni ngangu pupu alondo na mbage ti Banga si ayeke ga. Pupu ni ayeke ga na mbeni ngbongboro mbinda; mbeni ngangu lumiere ti vukongo le ti zo angoro mbinda ni si awâ ti bekpa ayeke kpe na ya ni nzerrr nzerrr. Taa na be ti mbinda ni, ale ti wâ ayeke za daa lawu lawu si mbeni ye ayeke za daa tongana lôro so a yoro ni na ya ti wâ.

Ezekiel 13:13

Ndani laa, tënë so mbi Kota Gbia NZAPA, mbi tene ayeke so: Na lege ti ngonzo ti mbi ti wâ, mbi yeke sara titene ngangu pupu ti ngu-Nzapa alondo; na lege ti ngonzo ti mbi, mbi yeke sara titene kota ngu-Nzapa apika si apembe ti bekpa atuku ti buba ye kue.

Amos 1:14

Fade mbi yeke zia wâ na gbagba ti Raba si wâ ni ayeke gbi ayangbo ti gbata ni kue na lango ti bira, na popo ti dekongo ti bira, na ndembe so pupu ti ngu-Nzapa na ngangu pupu ayeke ya.

Zakarii 7:14

Tongana ti so kota pupu amu aye ahon na ni kirikiri, mbi kangbi ala na popo ti amara nde nde so ala hinga ala kozoni pepe. Kodro ni abuba kue na peko ti ala, mbeni zo ti kiri ti fono na ya ti kodro ni ayeke daa pepe. Kodro so lani ayeke mbeni nzoni kodro, kodro ni akiri aga ngonda awe.”

Zakarii 9:14

Fade KOTA GBIA ayeke sigigi ti duti na ndö ti azo ni. Ale ti kokora ti lo ayeke hon tongana wâ ti bekpa. Kota Gbia NZAPA ayeke huru tatalita, lo yeke ga na ya ti ngangu pupu ti Mbongo.