Jérémie 23:15 - Mbeti ti Nzapa - Tënë so amu fini

¹⁵ Tongaso, tënë so *KOTA GBIA so ayeke na ndö ti dunia kue atene na tere ti awayanga-Nzapa ayeke so: “Mbi yeke mu na ala sengo pere, ala te, mbi yeke mu na ala ngu so a tuku sioni yoro daa, ala nyon. Biani, na lege ti awayanga-Nzapa ti Jérusalem laa sioni asigigi, asua ngbii amu ya ti kodro ni kue.”

Jérémie 23:15 ပူးပေါင်းရင်းမြစ်များ

Abia (Psaumes) 69:21

Zongango ndo afâ be ti mbi na ka, lege titene ka ni amu ayeke daa pepe. Mbi ku titene mbeni zo azi vundu na be ti mbi, me mbi ku gbaa. Mbi gi titene mbeni zo asara si be ti mbi ade, me mbi wara zo oko pepe.

Jérémie 14:15

Ndani laa, tënë so KOTA GBIA atene na tere ti awayanga-Nzapa ni ayeke so: Ataa so mbi tokua ala pepe, ala yeke fa tënë na iri ti mbi atene, fade bira na nzara ayeke si na ya ti kodro so pepe. Andaa, na lege ti bira nga na lege ti nzara si a yeke hunzi ala kue!

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Jérémie 9:14

Ndani laa, tënë so KOTA GBIA so ayeke na ndö ti dunia kue, Nzapa ti Israel, atene ayeke so: Mbi yeke mu na azo ti kodro ni sengo kugbe titene aga kobe ti ala ti tengo ni, mbi yeke mu na ala ngu so sioni yoro ayeke na ya ni titene ala nyon.

Jérémie 9:15

Mbi yeke kangbi ala kirikiri na popo ti amara so ala hinga kozoni pepe; ataa ala wani, ataa akotara ti ala ahinga amara ni so pepe. Mbi yeke sara si azo angba ti sara bira na ala ngbii azo ni ahunzi ala kue si.”

Abia ti demango tere 3:15

Lo mu na mbi asengo pere si mbi te ahon ndö ti mbi; lo mu na mbi ye so asee sioni si mbi nyon ahon ndö ti mbi.

Abia ti demango tere 3:19

Dabe ti mo na pasi ti mbi nga na mawa so mbi yeke na ya ni; ye ni aga sengo ye na sioni yoro ti fango zo.

Abia ti demango tere 3:5

Lo leke ngangu gbagba angoro mbi, lo sara si be ti mbi asee sengo, lo sara si pasi ti mbi ahon ndoni.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Matthieu 27:34

Aturugu ni amu vin, ala zia mbeni sengo ye na ya ni si ala mu na Jésus titene lo nyon. Jésus atara ni kete si lo ke ti nyon ni.

Ndia ti fani use ni 29:18

Tongana mbeni zo ama atënë ti dengo ba so si lo wara nzerengo tere na be ti lo kâ, lo tene: “Fade aye ti mbi kue ayeke ga nzoni, ataa so mbi ngba ti sara ngangu li si mbi yeke sara aye so be ti mbi aye.” Biani, sese so anyon ngu alingbi na lo ayeke kiri ti hunda ngu pepe.

Aye so Nzapa afa 8:11

Iri ti tongoro ni ayeke “Sengo ye.” Mbage oko na popo ti ambage ota ti angu so lo ti daa so asee ahon ndoni; azo mingi akui, ngbanga ti so angu ni asee sengo.