Jérémie 23:14 - Mbeti ti Nzapa - Tënë so amu fini

¹⁴ Me na popo ti awayanga-Nzapa ti Jérusalem, mbi baa kota ye ti buba: ala yeke lango na awali kirikiri, tenengo mvene aga ye ti tere ti ala, ala yeke mu maboko na azo ti sarango sioni. Tongaso, zo oko ti zia sioni ti lo ayeke daa pepe. Na le ti mbi, awayanga-Nzapa ni kue aga tongana azo ti Sodome; azo ti Jérusalem aga tongana azo ti Gomore.”

Jérémie 23:14 ပူးပေါင်းရင်းမြစ်များ

Tongo nda ti aye 13:13

Azo ti Sodome ayeke azo ti kirikiri mingi, ala sara siokpari mingi so ake KOTA GBIA.

Tongo nda ti aye 18:20

Na pekoni, KOTA GBIA atene na Abraham: “Toto so ayeke na iri ti agbata ti Sodome na Gomore so ahon ndoni. Siokpari ti azo ti agbata ni ane ahon ndoni.

Tongo nda ti aye 19:24

Na ndembe ni so laa KOTA GBIA asara titene wâ na *sufre alondo na nduzu, atuku na ndö ti Sodome na Gomore tongana ti so ngu-Nzapa ayeke pika so.

Tongo nda ti aye 19:25

Lo sara si aye ti agbata ni aga kirikiri: lando ni kue, azo ti agbata ni kue, akeke na apere ni kue.

Ésaïe 9:15

Azo so afa lege na azo ni so, ala fa na azo ni sioni lege; azo so azo ni afa lege na ala so, ala mu sioni lege.

Jérémie 14:14

KOTA GBIA akiri tënë na mbi: “Tënë so awayanga-Nzapa ni ayeke tene na iri ti mbi so ayeke mvene. Mbi tokua ala pepe, mbi mu yanga na ala pepe, mbi tene nga tënë na ala pepe. Aye so ala yeke baa na ya ti mbeni ye tongana bango-li so ayeke mvene; so gi atënë ti mbadi senge, atënë ti gingo nda ti ye senge na atënë ti handa so alondo na be ti ala wani.

Jérémie 18:13

Tongaso, tënë so *KOTA GBIA atene ayeke so: “Ala hunda ndo na popo ti amara nde: zo wa laa ama mara ti tënë tongaso na mê ti lo laoko, zo wa? Maseka-wali Israel asara kota ye ti buba.

Jérémie 20:16

Ayeke nzoni zo so aga tongana agbata so KOTA GBIA abuba ni si lo baa mawa ni pepe so! Ayeke nzoni na ndaperere, zo ni ama toto ti demango tere si na bekombite, lo ma dekongo ti bira!

Jérémie 23:17

Awayanga-Nzapa ni ayeke tene lakue na azo so ayeke he mbi, atene: ‘KOTA GBIA atene: Ti ala, fade ye kue ayeke tambula nzoni!’ Ala yeke tene na azo so ayeke sara ye gi na lege ti ngangu li ti ala wani, atene: ‘Fade mbeni sioni ye ayeke si na ala pepe’.

Jérémie 23:22

Tongana ala duti fade na ya ti bongbi ti mbi, ka ala yeke tene peko ti atënë ti mbi na azo ti mbi biani; ka ala yeke sara si azo ni azia ngbene lege ti sarango ye ti ala si azo ni azia nga sioni sarango ye ti ala.”

Jérémie 23:32

Awayanga-Nzapa so ayeke tene peko ti bango-li ti mvene so, mbi na ala, e yeke baa ya ni; so tënë ti yanga ti KOTA GBIA laa. Na tenengo peko ti bango-li ni, ala yeke handa azo ti mbi ti gue kirikiri na lege ti atënë ti mvene ti ala nga na lege ti baba ti ala. Mbi, mbi tokua ala pepe, mbi mu yanga na ala pepe; ala yeke sara nzoni na azo ti mbi oko pepe; so tënë ti yanga ti KOTA GBIA laa.”

Jérémie 29:21

“Tënë so KOTA GBIA so ayeke na ndö ti dunia kue, Nzapa ti Israel atene na ndö ti Ahab, molenge ti Kolaya na Sidekia, molenge ti Maaseya ayeke so: ala use kue ayeke awayanga-Nzapa ti mvene, ataa so ala yeke tene peko ti atënë ti yanga ti Nzapa na azo, atene: ‘Mbi yeke zia awayanga-Nzapa ni na maboko ti Nabukodonosor, gbia ti Babilone si lo yeke fâ ala na gbe ti le ti ala, azo ti Jérusalem.

Jérémie 29:23

Ye so ayeke si na ala, ngbanga ti so ala sara kota ye ti kamene na sese ti Israel. Biani, ala lango na awali ti amba ti ala si ala tene, ani yeke tene peko ti atënë ti yanga ti mbi, ataa so mbi mu yanga na ala oko pepe. Mbi hinga ye so kue si mbi baa ye so kue.” So tënë ti yanga ti KOTA GBIA laa.

Jérémie 36:2

“Mu mbeni *rulo so a sara na poro ti nyama, mo su na le ni atënë so kue mbi tene na mo na tere ti akodro ti Israel, ti Juda nga na ti amara kue, ti londo na ngoi ti Yosias ngbii asi laso.

Jérémie 49:18

KOTA GBIA atene: Fade kota kpale ni ayeke duti legeoko tongana ti so asi na Sodome na Gomore, nga na agbata so ayeke na tere ni. Zo ayeke kiri ti duti na ya ti kodro ni pepe, a yeke kiri ti baa le ti zo oko na ya ni pepe.”

Abia ti demango tere 4:6

Sioni ti azo ti kodro ti mbi ayeke mingi, siokpari ti ala ahon ti azo ti Sodome; kodro ti Sodome ati hio, mbeni zo andu nga ni pepe.

Ezekiel 13:16

Ti ala awe, awayanga-nzapa so ayeke tene lani tënë ti peko ti yanga ti Nzapa na ndö ti Jérusalem si ala yeke baa ye na ya ti mbeni ye tongana bango-li, ala yeke tene, siriri ayeke daa, andaa siriri ayeke daa pepe!’ So tënë ti yanga ti Kota Gbia NZAPA laa.”

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Ezekiel 22:25

Awayanga-Nzapa ti gbata ti ala ayeke ma tere na hondengo ni. Ala yeke tongana bamara so atoto si ayeke suru ya ti nyama so lo gbu. Awayanga-Nzapa ni ayeke fâ azo, ala yeke nzi amosoro na anzoni ye ti azo; ala sara si awali mingi aga awali-mua na ya ti gbata ni.

Osée 6:10

Na kodro ti Israel, mbi baa akota ye ti buba: kâ, Efraim ayeke sara ye ti ndumba si Israel aga *sioni ndali ni.

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Mishe 1:5

Aye so kue asi ndali ti ngangu li ti *ahale ti Jacob, ndali ti asiokpari ti azo ti Israel. Zo wa laa ayeke pusu azo ti Jacob titene ala ga azo ti ngangu li? Ayeke azo ti Samarii pepe? Zo wa laa ayeke pusu azo ti Juda titene ala voro anzapa nde na ndo so ayeke na nduzu so? Ayeke azo ti Jérusalem pepe?

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Sofonii 3:4

Awayanga-Nzapa ti lo ayeke azo ti kirikiri, azo ti handango zo; awayango-sandaga ti lo asara si ye so a zia nde ndali Nzapa aga *sioni; ala do ndia na sese.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Malashii 1:1

Nengo tënë. So tënë ti *KOTA GBIA so lo zia na yanga ti Malashii ti tene na azo ti Israel.

Matthieu 11:24

Ndani laa, mbi tene na ala: na lango ti fango ngbanga, fade a yeke fâ ngbanga ngangu na li ti ala ahon ti Sodome.”

Ndia ti fani use ni 32:32

Ti awato ni, ala yeke nzoni ala hon azo ti Gomore na ti Sodome pepe, ala kpa keke ti *vinye so ayeke le ale ti vinye so asee sengo si sioni yoro ti fango zo ayeke daa.

1 Timothée 4:2

Ala yeke girisa lege ndali ti azo ti tenengo mvene so tënë ti yanga ti ala ayeke nde na sarango ye ti ala, be ti ala ayeke na nzoroko ti sioni ye so a su ni na wen so a yoro na ya ti wâ si abe.

2 Pierre 2:6

Nzapa afâ nga ngbanga na li ti azo ti agbata ti Sodome na Gomore si lo gbi agbata ni so. Lo sara tongaso ti fa tapande na azo ti sioni atene, fade mara ti ye so ayeke si na ala.

Jude 1:7

Ala dabe ti ala na azo ti agbata ti Sodome na Gomore nga na ambeni kodro so ayeke na tere ni: azo ni asara asioni ye tongana ti a-ange so, ala mu be ti ala kue ti sara gi aye ti ndumba, ala sara asioni ye so akpa titene zo asara pepe. Fadeso ala yeke baa pasi na ya ti wâ so ayeke gbi lakue lakue; ala ga tapande ndali ti azo kue.

Aye so Nzapa afa 11:8

Fade kuâ ti ala ayeke ngba na ndö ti kota balabala ti ya ti kota gbata ni, gbata so azo afâ Kota Gbia ti ala na ndö ti keke ti kroa daa so. Azo airi kota gbata ni na lege ti *mato atene, “Sodome” wala “Ezipte.”

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!