Jérémie 22:30 - Mbeti ti Nzapa - Tënë so amu fini

³⁰ Tënë so lo tene ayeke so: “Ala su iri ti koli so na mbeti ti fa so lo yeke na molenge pepe, gigi ti lo abuba awe! Biani, mbeni *hale ti lo oko ayeke wara lege pepe ti duti na ndö ti mbata ti gbia David, ti sara komandema na sese ti Juda.”

Jérémie 22:30 ပူးပေါင်းရင်းမြစ်များ

Mbeti ti Job 18:19

Fade mbeni molenge wala ata ti lo ti mu plase ti lo na ya ti kodro ayeke daa pepe. Na ya ti da ti lo, mbeni zo oko ayeke ngba na fini pepe.

Abia (Psaumes) 94:20

Asioni zo so ayeke na li ti awafango-ngbanga si ayeke sara asioni ye so ndia ake tënë ni, fade mo yeke sara beoko na ala tongana nyen?

Jérémie 10:21

Ndali ti azo ti li ni laa ye so asi: ala yeke azo so li ti ala ayeke daa pepe, ala gi lege ti KOTA GBIA pepe. Ndani laa, kua ti ala ali ngu si azo so lani ayeke na gbe ti ala, ala kue akangbi kirikiri.

Jérémie 2:37

Fade mo yeke londo kâ ti kiri, li ti mo aba na sese, ngbanga ti so KOTA GBIA ake azo so mo mu tere ti mo na ala so. So nzoni lege titene mo bata tere ti mo laa pepe.”

Jérémie 22:2

Fade mo yeke tene: ‘Gbia ti Juda, mo so mo duti na ndö ti mbata ti gbia David so, ma tënë so KOTA GBIA atene! Tënë ni abaa nga agbenyogbia na azo ti kodro ti mo, ala so kue ayeke li na ayanga ti yangbo so!’

Jérémie 29:32

Nilaa, tënë so mbi KOTA GBIA, mbi tene ayeke so: mbi yeke ga na tere ti Shemaya, lo na *ahale ti lo; mbeni zo ti sewa ti lo ayeke kiri ti ngba na popo ti ala, azo ti Juda pepe. Nzoni ye so mbi yeke sara na azo ti mbi, zo oko na popo ti asewa ti lo ayeke baa ni pepe, ngbanga ti so lo pusu azo ti mbi ti tomboka na tere ti mbi; so tënë ti yanga ti KOTA GBIA laa.’ ”

Jérémie 36:30

Tongaso, tënë so KOTA GBIA atene na tere ti Yoakim, gbia ti Juda ayeke so: Fade mbeni zo oko ti sewa ti lo ayeke duti pepe na ndö ti mbata ti gbia David. Kuâ ti lo ayeke lango na gigi na gbe ti sungo ti lâ nga na ya ti de ti bi.

Jérémie 52:10

Na Ribla, gbia ti Babilone afâ go ti amolenge ti Sedesias taa na le ti lo; lo fâ nga go ti akota zo ti kua kue ti Juda.