Jérémie 22:28 - Mbeti ti Nzapa - Tënë so amu fini

²⁸ Azo ayeke hunda ndo, atene: “Koli so, Konia so, lo yeke mbeni ta so ya ni afâ awe? So ti tene mbeni ta so zo alingbi ti sara na kua pepe? Lo ga mbeni ta so zo aye ni mbeni pepe? Ngbanga ti nyen si a tumba lo, lo na amolenge ti lo si a bi ala na ya ti mbeni kodro so ala hinga ni pepe so?”

Jérémie 22:28 ပူးပေါင်းရင်းမြစ်များ

2 Samuel 5:21

Azo ti Filistii ni azia ayanda ti ala na ndo ni so. David na azo ti lo amu ague na ni.

2 Mbai 21:20

Yoram ayeke na ngu baleota na use si lo ga gbia; lo le-gbia ngu miombe na Jérusalem. So lo kui, be ti zo oko aso pepe. A lu lo na Gbata ti David, me a lu lo pepe na ndo so a yeke lu agbia daa.

Abia (Psaumes) 31:12

Awato ti mbi kue ayeke zonga mbi; azo so alango nduru na mbi, ti ala ahon ndoni. Azo so ahinga mbi, mbeto ti mbi ayeke sara ala sarango; tongana ala baa mbi na lege, ala yeke kpe mbi kpengo.

Jérémie 14:18

Tongana mbi gue na yaka, mbi yeke baa gi azo so akui na lege ti bira. Tongana mbi kiri na ya ti gbata, mbi yeke baa gi azo so akui na lege ti nzara. Awayanga-Nzapa na awayango-sandaga atambula na ya ti kodro ni kue, me ala gi li ti ala daa gbaa.”

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Jérémie 16:12

Ti ala, ala sara sioni mingi ahon akotara ti ala; zo oko oko ayeke ngba ti sara sioni ye so be ti lo afa na lo, me lo ke ti ma mbi.

Jérémie 17:4

Kodro so lani mbi mu na mo si aga ye ti mo, fade mo yeke do ni ti zia. Mbi yeke sara si mo ga ngbaa ti awato ti mo na ya ti mbeni kodro so mo hinga ni pepe. Biani, mo sara si wâ ti ngonzo ti mbi alondo; wâ ni ayeke gbi kpu na kpu.”

Jérémie 22:27

Nzara ti kiringo na ya ti kodro ti ala wani ayeke gbi be ti ala, me ala yeke kiri oko pepe.’ ”

Jérémie 22:30

Tënë so lo tene ayeke so: “Ala su iri ti koli so na mbeti ti fa so lo yeke na molenge pepe, gigi ti lo abuba awe! Biani, mbeni *hale ti lo oko ayeke wara lege pepe ti duti na ndö ti mbata ti gbia David, ti sara komandema na sese ti Juda.”

Jérémie 24:1

*KOTA GBIA afa na mbi asakpa use ti fige so a zia na dawa ti kota da ti Nzapa. Ye ni so asi na peko ti so Nabukodonosor, gbia ti Babilone agbu Yekonia, molenge ti Yoakim, gbia ti Juda, na gbata ti Jérusalem, lo na akota zo ti sese ti Juda, azo ti sarango ye na kode na azo ti pikango ndao si a gue na ala na Babilone.

Jérémie 27:20

– Aye ni kue laa Nabukodonosor agbu na Jérusalem si ague na ni na Babilone pepe, na ndembe so lo gbu Yekonia, molenge ti Yoakim, gbia ti Juda, lo na akota zo kue ti Juda na ti Jérusalem. –

Jérémie 37:1

Nabukodonosor, gbia ti Babilone amu Sedesias, mbeni molenge ti Yosias, azia lo gbia na kodro ti Juda. Tongaso Sedesias amu mbata ti gbia na peko ti Konia, molenge ti Yoakim.

Jérémie 48:38

Na li ti ada so ayeke na Moab nga na ndo so gba ti azo ayeke bongbi daa, gi abia ti totongo kuâ si a yeke ma. “Mbi fâ ya ti Moab awe tongana ti so zo a fâ ya ti ta so lo ke ni awe”; so tënë ti yanga ti KOTA GBIA laa.

Osée 13:15

Ataa Efraim awara anzoni ye mingi na popo ti a-ita ti lo, fade pupu ti To ayeke ga, pupu ti KOTA GBIA so alondo na benyama ayeke ga. Pupu ni ayeke sara si li ti ngu ayeke hole, du ti ngu ayeke hole kasakasa. Fade a yeke nzi anzoni ye so kue ayeke na ya ti da ti batango mosoro ti lo.

Osée 8:8

“A te azo ti Israel, a mene ala awe. Ala yeke fadeso na popo ti amara tongana mbeni gbagba ta so zo ake ni.