Jérémie 22:23 - Mbeti ti Nzapa - Tënë so amu fini

²³ Mo so lani mo duti kpoo na ndö ti hoto ti Liban; lani mo sara da ti mo na ya ti keke ti sedre tongana ti ndeke, fade mo yeke dema na ndembe so pasi ayeke ga na ndö ti mo; ye ayeke gboto mo si mo yeke do tere ti mo tongana wali na ndembe ti dungo ni!”

Jérémie 22:23 ပူးပေါင်းရင်းမြစ်များ

Jérémie 21:13

Ala so ayeke lango na popo-hoto, na ndö ti kota têne so ayeke kpangbara so, mbi na ala, e yeke baa ya ni; so tënë ti yanga ti KOTA GBIA laa. Biani, mbi yeke ga na tere ti ala, ala so ayeke tene: ‘Zo wa laa ayeke zu ti ga na tere ti e, zo wa? Zo wa laa ayeke li na ndo so e yeke duti daa so, zo wa?’

Jérémie 22:6

“Tënë so KOTA GBIA atene ndali ti yangbo ti gbia ti Juda ayeke so: Ataa na le ti mbi, mo pendere tongana gbako ti sese ti Galaad, wala tongana li ti hoto ti Liban, biani, fade mbi yeke sara si mo ga tongana benyama, wala mbeni gbata so azo alango daa pepe.

Jérémie 3:21

A ma go ti azo na li ti ahoto kâ: azo ti Israel laa ayeke toto si ayeke dema tere so, ngbanga ti so ala sara aye ti kirikiri mingi; ala girisa KOTA GBIA, Nzapa ti ala awe.

Jérémie 48:28

Ala, azo ti Moab, ala zia agbata, ala gue, asara kodro na popo ti atêne. Ala sara ye tongana *ambipa so asara da ti ala na mbeni mbage ti kota du kâ.

Jérémie 49:16

Ando, mo yeke zia mbeto na be ti azo kue, mo baa tere ti mo kota mo hon azo kue, andaa mo handa tere ti mo wani. Mo so mo yeke lango na ya ti adu ti têne so, mo so ndo ti duti ti mo ayeke na li ti ahoto so, ataa mo sara da ti mo yongoro na nduzu ahon ti *ngoalo, mbi yeke gboto mo kâ ti bi mo na sese.” So tënë ti yanga ti KOTA GBIA laa.

Jérémie 6:24

“Na mango tënë so, e woko kue si be ti e afun kue. E baa pasi tongana wali na ndembe ti dungo ni.

Ezekiel 17:3

Mo tene na ala, mo tene: Tënë so Kota Gbia NZAPA atene ayeke so: ‘Mbeni kota *ngoalo ayeke daa so *akpangi ti lo akono mingi, kua ti tere ti lo ayo yongo si ayeke gbani gbani, anzoroko ni ayeke nde nde. Mbeni lâ, lo huru lo ga na ndö ti hoto ti Liban. Lo kungbi li ti keke ti sedre,

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Osée 7:14

Tongana ala yeke dekongo na mbi, ala yeke sara ni na be ti ala kue pepe. Me na ndö ti gbogbo ti ala, ala yeke dema, ala yeke suru tere ti ala na ka ti wara kobe na fini vin. Na sarango ye tongaso, ala yeke hon yongoro na tere ti mbi.

Amos 9:2

Tongana ala kungbi yanga ti ndo ti akuâ ti li kâ, maboko ti mbi ayeke gbu ala ti sigigi na ala. Tongana ala gue ngbii asi na yayu kâ, mbi yeke sara si ala zu na sese.

Abdias 1:4

Ataa mo huru na nduzu tongana *ngoalo, ataa mo sara da ti mo kâ na popo ti atongoro, fade mbi yeke mu mo kâ ti bi mo na sese”; so tënë ti yanga ti KOTA GBIA laa.

Habakuk 2:9

Mawa na mo, mo so mo yeke mu ye ti azo na lege ti nzi ndali ti asewa ti mo! Mo yeke sara tongaso titene mo duti na kota ndo si ye ti mawa alingbi ti wara mo pepe.

Wungo ti azo 24:21

Na pekoni, Balaam abaa azo ti mara ti Keni si lo diko bia so, lo tene: “Ala, azo ti mara ti Keni, ala yeke duti na siriri na ya ti kodro ti ala tongana da ti ndeke so a zia na ndö ti mbeni kota têne.