Jérémie 22:19 - Mbeti ti Nzapa - Tënë so amu fini

¹⁹ Fade a yeke lu kuâ ti lo tongana ti nyama, a yeke gboto kuâ ti lo na sese ti bi na gigi, yongoro na ayanga ti gbagba ti Jérusalem.”

Jérémie 22:19 ပူးပေါင်းရင်းမြစ်များ

1 Agbia 14:10

Ndani laa, fade mbi yeke tokua kpale na ndö ti sewa ti mo. Mbi yeke hunzi akoli so kue ayeke na ya ti sewa ti mo, akoli na amolenge so ayeke na sese ti Israel. Fade mbi yeke zi azo ti sewa ti Yeroboam kue kue kue tongana ti so zo ayeke zi azende si mbeni ye oko akiri angba pepe.

2 Agbia 23:36

Yoakim ayeke na ngu baleuse na oku si lo ga gbia; lo le-gbia ngu baleoko na oko na Jérusalem. Iri ti mama ti lo ayeke Zebuda, molenge ti Pedaya, zo ti gbata ti Ruma.

2 Agbia 24:6

Yoakim akui, lo hon na peko ti ababâ ti lo. Molenge ti lo Yoakin laa aga gbia na peko ti lo.

2 Agbia 9:35

Azo ni ague ti lu Yezabel, me ala wara gi bio ti li ti lo, le ti gere ti lo nga na ya ti maboko ti lo.

2 Mbai 36:6

Nabukodonosor, gbia ti Babilone aga ti tiri bira na lo. Lo kanga Yoakim na zingiri ti bengba wen si lo gue na lo na Babilone.

Zo ti bongbingo azo 6:3

Mbeni zo alingbi ti du amolenge ngbangbo oko si lo lango ngu mingi na ndö ti sese so. Me tongana lo duti nzoni pepe si a wara nzoni ndo ti lu kuâ ti lo daa pepe, mbi tene: molenge so a du lo na kuâ ni aduti nzoni ahon zo ni so.

Jérémie 15:3

“So tënë ti yanga ti KOTA GBIA laa: Fade mbi yeke tokua asioni ye osio na ndö ti azo ni: yongoro zeme ti fâ ala kue, ambo ti gboto ala ti hon na ala, andeke ti nduzu na anyama ti sese ti suru ya ti ala, ti te ala kue.

Jérémie 36:30

Tongaso, tënë so KOTA GBIA atene na tere ti Yoakim, gbia ti Juda ayeke so: Fade mbeni zo oko ti sewa ti lo ayeke duti pepe na ndö ti mbata ti gbia David. Kuâ ti lo ayeke lango na gigi na gbe ti sungo ti lâ nga na ya ti de ti bi.

Jérémie 36:6

Me ti mo, mo yeke gue ande kâ na mbeni lango ti kengo kobe. Fade mo yeke diko na mê ti azo so kue ayeke na ya ti kota da ti Nzapa, atënë ti KOTA GBIA so asigigi na yanga ti mbi si mo su na le ti rulo so. Mo yeke diko nga ni na mê ti azo ti Juda so kue alondo na ya ti agbata ti Juda si aga.

Jérémie 8:2

A yeke gbara abio ni na gbe ti lâ, na gbe ti nze nga na gbe ti gba ti atongoro. Aye le ti nduzu ni so, azo aye ala ando mingi; azo ni ayeke sara kua na ala, ala mu tere ti ala na ala, ala yeke kpe na peko ti ala; ala yeke voro ala. Abio ni so, a yeke ro ni pepe; a yeke lu nga ni pepe. Fade alango na ndö ti sese ti ga tongana puru na ndö ti sese.

Ezekiel 19:8

Amara nde so alondo na ando nde nde aga, abongbi na tere ti lo. Ala bi gbanda ti ala na ndö ti lo, ala sara si lo ti na ya ti kuku ti ala.

Ezekiel 39:5

Mo yeke kui taa na ya ti ngonda, ngbanga ti so mbi tene tënë awe. So tënë ti yanga ti Kota Gbia NZAPA laa.