Jérémie 22:18 - Mbeti ti Nzapa - Tënë so amu fini

¹⁸ Baa, tënë so KOTA GBIA atene ndali ti Yoakim, molenge ti Yosias, gbia ti Juda ayeke so: “Na ndembe ti kuâ ti lo, zo ayeke he bia ti totongo kuâ ndali ti lo pepe; wala ti tene pepe: ‘Ae ita ti mbi ti koli, so ye ti mawa ti nyen!’ ‘Ae ita ti mbi ti wali, so ye ti mawa ti nyen!’ Zo ayeke he bia ti totongo kuâ ndali ti lo pepe, atene: ‘Ae gbia, so ye ti mawa ti nyen!’ ‘Ae kota zo, so ye ti mawa ti nyen!’

Jérémie 22:18 ပူးပေါင်းရင်းမြစ်များ

2 Samuel 1:26

Ita ti mbi Jonatan, ndali ti mo, mbi yeke na vundu. Mo ye mbi lani mingi; yengo so mo ye na mbi ahon ti so koli aye wali ti lo.

1 Agbia 13:30

Lo lu kuâ ni na ya ti du ti kuâ so lo leke ndali ti lo wani. Azo ahe bia ti totongo kuâ so na ndö ti lo, atene: “Ae, ita ti mbi akui awe-oo! Ae, ita ti mbi akui awe-oo!”

2 Agbia 23:36

Yoakim ayeke na ngu baleuse na oku si lo ga gbia; lo le-gbia ngu baleoko na oko na Jérusalem. Iri ti mama ti lo ayeke Zebuda, molenge ti Pedaya, zo ti gbata ti Ruma.

2 Agbia 23:6

Lo zi na ya ti kota da ti *KOTA GBIA keke so a leke si aluti na nduzu ndali ti nzapa-wali *Ashera; lo sigigi na ni na ya ti gbata ti Jérusalem si a gbi ni na popo-hoto ti Sedron; a gbi ni kue si aga mburu ti wâ. Na pekoni a mu mburu ti wâ ni, a tuku na ndo so adu ti kuâ ti asenge zo ti kodro ayeke daa.

2 Agbia 24:6

Yoakim akui, lo hon na peko ti ababâ ti lo. Molenge ti lo Yoakin laa aga gbia na peko ti lo.

1 Mbai 3:15

Amolenge ti Yosias ayeke Yohanan, kozo molenge ni; Yoakim, use molenge ni; Sedesias, ota molenge ni, Shalum, osio molenge ni.

2 Mbai 35:25

Wayanga-Nzapa Jérémie aleke mbeni bia ti totongo na kuâ ti Yosias. Ti londo na ngoi so ngbii asi laso, azo ti hengo bia, akoli kue na awali kue atene tënë ti Yosias na ya ti abia ti ala. Sarango ye tongaso aga mbeni ndia na sese ti Israel. A su abia so na Mbeti ti abia ti totongo kuâ.

2 Mbai 36:5

Yoakim ayeke na ngu baleuse na oku si lo ga gbia; lo le-gbia ngu baleoko na oko na Jérusalem. Lo sara ye so ayeke sioni na le ti *KOTA GBIA, Nzapa ti lo.

Jérémie 16:4

Fade ngangu kobela ayeke fâ ala; zo ayeke toto kuâ ti ala pepe, zo ayeke lu nga kuâ ti ala pepe. Me ala yeke ga tongana puru na ndö ti sese. Fade bira na nzara ayeke fâ ala si kuâ ti ala ayeke ga kobe ti andeke ti nduzu na ti anyama ti sese.”

Jérémie 16:6

Na ya ti kodro so, fade akota zo na akete zo ayeke kui; a yeke lu kuâ ti ala pepe, a yeke toto kuâ ti ala pepe si zo ti suru tere ti lo na ka, wala ti kio kua ti li ti lo ndali ti ala ayeke daa pepe.

Jérémie 21:11

So ayeke tënë ndali ti asewa ti gbia ti Juda. “Ala ma tënë ti *KOTA GBIA si,

Jérémie 22:10

Ala azo ti Juda, lo so akui awe so, ala toto lo pepe! Ala toto tere ti ala ndali ti lo pepe! Me ala toto mingi ndali ti lo so ayeke hon hongo so. Ala toto lo mingi, ngbanga ti so kodro so a du lo daa, lo yeke kiri ti baa ni pepe.

Jérémie 22:12

lo yeke kui na ndo so a gbu lo si a gue na lo daa, lo yeke kiri ti baa kodro ti lo pepe.”

Jérémie 34:5

Me mo yeke kui na siriri. Azo ayeke leke kuâ ti mo tongana ti so ala leke ti akotara ti mo so ayeke agbia kozo na mo. Azo ni ayeke zö dukani ndali ti mo si ala yeke he bia ti totongo kuâ so na ndö ti mo: ‘So ye ti mawa ti nyen-oo! Gbia akui awe.’ ” So tënë ti yanga ti KOTA GBIA laa.

Jérémie 36:30

Tongaso, tënë so KOTA GBIA atene na tere ti Yoakim, gbia ti Juda ayeke so: Fade mbeni zo oko ti sewa ti lo ayeke duti pepe na ndö ti mbata ti gbia David. Kuâ ti lo ayeke lango na gigi na gbe ti sungo ti lâ nga na ya ti de ti bi.