Jérémie 22:15 - Mbeti ti Nzapa - Tënë so amu fini

¹⁵ Na lege ti sarango da na keke ti sedre si mo ye ti fa atene, mo hinga ti le-gbia? Babâ ti mo ate, anyon ando, lo fâ ngbanga mbirimbiri si lo sara ye ti mbirimbiri; so asara si lo baa nzoni mingi.

Jérémie 22:15 ပူးပေါင်းရင်းမြစ်များ

2 Samuel 8:15

David ale-gbia na ndö ti azo ti Israel kue; lo fâ ngbanga ti azo ti lo kue na legeni mbirimbiri.

1 Agbia 10:9

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na ndö ti Israel! KOTA GBIA aye azo ti Israel kpu na kpu, nilaa lo zia mo gbia titene mo fâ ngbanga mbirimbiri si mo sara ye na lege ti ndia”.

2 Agbia 22:2

Yosias asara ye so ayeke mbirimbiri na le ti *KOTA GBIA. Lo mu taa gi peko ti sarango ye ti kotara ti lo David; lo zia lege ni ti hon mbage na mbage pepe.

2 Agbia 23:25

Kozoni na Yosias, mbeni gbia tongana lo ayeke daa pepe so amu be ti lo kue, tere ti lo kue na ngangu ti lo kue ti kiri na mbage ti KOTA GBIA alingbi na Ndia ti Moïse. Na peko ti Yosias, mbeni gbia so aduti tongana lo ayeke daa pepe.

1 Mbai 3:15

Amolenge ti Yosias ayeke Yohanan, kozo molenge ni; Yoakim, use molenge ni; Sedesias, ota molenge ni, Shalum, osio molenge ni.

2 Mbai 34:2

Lo sara ye so ayeke mbirimbiri na le ti *KOTA GBIA. Lo mu peko ti sarango ye ti kotara ti lo David; lo zia lege ni ti hon mbage na mbage pepe.

2 Mbai 35:22

Me Yosias aye gi ti tiri bira na Neko. Tënë so Nzapa azia na yanga ti Neko si lo tene so, Yosias ama ni pepe. Tongaso, lo zi bongo ti lo si lo yu mbeni nde titene azo ahinga lo pepe si lo gue ti tiri bira na popo-hoto ti Megido.

2 Mbai 35:26

Tanga ti atënë na ndö ti Yosias, aye so lo sara alingbi na tënë ti ndia ti KOTA GBIA,

Amato 20:28

Sarango nzoni be na batango tënë ti yanga ayeke bata gbia. Na lege ti nzoni be si sarango komandema ti lo ayeke kpengba.

Amato 21:3

Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Amato 25:5

Zi azo ti sioni na tere ti gbia si fade lengo-gbia ti lo akpengba na lege ti sarango ye ti mbirimbiri.

Amato 29:4

Gbia so asara ye na lege ti mbirimbiri, ye ayeke ga nzoni na ya ti kodro; me lo so lo hunda lapo ahon ndoni, lo yeke buba kodro.

Amato 31:9

Mo tene tënë, mo fâ ngbanga ti azo na legeni! Gbu koko ti awayere na ti azo ti mawa!”

Zo ti bongbingo azo 10:17

Ti lo nzoni, kodro so gbia ni ayeke molenge ti kota zo si amakonzi ti kodro ni ayeke te kobe na ngoi so alingbi. Ala yeke te kobe ni ti wara ngangu, me titene ala nyon samba ahon ndoni pepe.

Zo ti bongbingo azo 2:24

Ye ti nzoni ndali ti zo ayeke daa pepe, gi tengo ye na nyongo ye, dutingo na ngia na peko ti kua so lo sara. Mbi baa so ye so kue alondo nga na Nzapa.

Ésaïe 3:10

Ala lingbi ti tene: ti zo ti mbirimbiri nzoni! Fade lo yeke baa nzoni na peko ti aye so lo sara.

Ésaïe 33:16

Zo tongaso ayeke duti na nduzu kâ. Ndo ti batango tere ti lo ayeke atêne so ayeke tongana ngangu gbagba. A yeke mu na lo kobe ti tengo ni, ngu ti nyongo ni ayeke tia lo pepe.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Jérémie 21:12

ala asewa ti David! Tënë so KOTA GBIA atene ayeke so: Lakue na ndaperere, ayeke nzoni ala fâ ngbanga mbirimbiri. Azo so ayeke te amba ti ala na mbana so, ala zi azo ni na maboko ti ala. Tongaso pepe, fade ngonzo ti mbi ayeke londo tongana wâ so ayeke gbi ye kue; zo alingbi ti mingo ni pepe. So ayeke futa ti asioni sarango ye ti ala laa.

Jérémie 22:18

Baa, tënë so KOTA GBIA atene ndali ti Yoakim, molenge ti Yosias, gbia ti Juda ayeke so: “Na ndembe ti kuâ ti lo, zo ayeke he bia ti totongo kuâ ndali ti lo pepe; wala ti tene pepe: ‘Ae ita ti mbi ti koli, so ye ti mawa ti nyen!’ ‘Ae ita ti mbi ti wali, so ye ti mawa ti nyen!’ Zo ayeke he bia ti totongo kuâ ndali ti lo pepe, atene: ‘Ae gbia, so ye ti mawa ti nyen!’ ‘Ae kota zo, so ye ti mawa ti nyen!’

Jérémie 22:3

Tënë so KOTA GBIA atene ayeke so: Ayeke nzoni ala sara ye mbirimbiri si ala baa lege ti fango ngbanga mbirimbiri. Ala zi azo so a yeke te ala na mbana na maboko ti azo so ayeke sara ngangu na azo. Awande, anyindu nga na awali-mua, ala sara pasi na ala pepe, ala sara ngangu na azo ni pepe. Azo so tënë ayeke na li ti ala pepe so, ala tuku mene ti ala na ndo so pepe!

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 42:6

E tokua mo na KOTA GBIA, Nzapa ti e ti hunda lo na tënë ti e. Fade e yeke sara ye alingbi na yanga so KOTA GBIA ayeke mu na e, ataa tënë ni anzere na be ti e wala anzere na be ti e pepe. Tongaso, fade e yeke baa nzoni, ngbanga ti so e ma yanga ti KOTA GBIA, Nzapa ti e.”

Jérémie 7:5

Me ayeke nzoni, ala sara si lege ti dutingo ti ala na sarango ye ti ala aga nzoni: tongana azo use ague na ngbanga, alingbi ala fâ ngbanga ti azo ni na legeni;

Nzoni Tënë so Luc asu na mbeti 11:41

Ala mu na azo ti mawa ye so ayeke na ya ti akopo na asembe ti ala. Tongaso si aye kue ayeke ga ande *nzoni ndali ti ala.

Awatokua 2:46

Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be.

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

Ndia ti fani use ni 4:40

Alingbi ala sara ye alingbi na aye so ndia ti lo afa nga na atënë ti yanga ti lo so mbi yeke fa na ala laso. Tongana ala sara ye alingbi na ni, fade ala na ahale ti ala ayeke baa nzoni; gigi ti ala ayeke yo na ya ti kodro so KOTA GBIA Nzapa ti ala amu na ala kpu na kpu.