Jérémie 22:14 - Mbeti ti Nzapa - Tënë so amu fini

¹⁴ Mo tene: ‘Mbi ye ti leke ndali ti mbi mbeni da so akono mingi, aya ni akono ahon ndoni.’ Mo zi afenetere daa; adere ti da ni kue gi na keke ti sedre si mo zia bengba mbamba na tere ni!

Jérémie 22:14 ပူးပေါင်းရင်းမြစ်များ

2 Samuel 7:2

gbia atene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti Nzapa ayeke lango na gbe ti da ti bongo.”

2 Mbai 3:5

A pika keke ti sipre na tere ti dere ti kota kubu ni kue, a zia lôro ti nzoni ni na tere ti keke ni, a leke alimo ti maboko ti mburu na aye so akpa azingiri na tere ti keke ni.

Amato 17:19

Zo so aye tënë ti papa, andaa lo ye siokpari; zo so azi yanga ti lo ti tene tënë ti baba, gigi ti lo ayeke buba.

Amato 24:27

Mo sara akua ti mo so ayeke na gigi; mo fâ nga yaka ti mo ti ku na lango ti fango ale ti kobe kozoni si mo to nda ti sara da ti mo.

B. ti abia 1:17

Akeke ti sedre ayeke tongana da ti e, akeke ti sipre ayeke tongana dere ti da ti e.

Ésaïe 9:9

“Abiriki ti ada atuku awe, fade e yeke kiri ti sara ada ni na têne so a de tere ni dengo. A de akeke ti sikomor na sese awe, fade e yeke kiri ti lu akeke ti sedre na plase ni.”

Ezekiel 23:14

Me Oholiba akiri asara ti lo ye ti ndumba ni ahon ti ita ti lo. Mbeni lâ, lo baa limo ti akoli so a sara na tere ti dere ti da; abengba bengba limo ti akoli; alimo ti azo ti Babilone laa.

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Amos 6:8

*KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Aggée 1:4

“Ngoi titene ala lango na ya ti ada ti ala so ala leke ni pendere pendere laa si kota da ti mbi, KOTA GBIA abuba kue so?

Malashii 1:4

Tongana azo ti Edom atene: ‘A buba agbata ti e kue awe, me fade e yeke kiri ti leke ni senge.’ ” Tënë so KOTA GBIA so ayeke na ndö ti dunia kue atene ayeke so: “Ala kiri aleke ni ma! Me ti mbi, mbi yeke kungbi ni kue na sese. Fade a yeke iri ala: ‘Sese ti azo ti sarango sioni’, wala ‘Azo so KOTA GBIA asara ngonzo na tere ti ala kpu na kpu’.