Jérémie 22:13 - Mbeti ti Nzapa - Tënë so amu fini

¹³ “So mawa na mo, Yoakim! Mo kpe fango ngbanga ti mbirimbiri pepe; mo laa mo yeke leke gi yangbo ti mo so! Mo yeke leke ada-nduzu ni na ndö ti tere, na ndö ti tere; me fango ngbanga na legeni, mo yeke ne ni pepe. Azo ayeke sara kua na mo gi senge senge, mo yeke futa ala oko pepe!

Jérémie 22:13 ပူးပေါင်းရင်းမြစ်များ

2 Mbai 36:4

Na pekoni gbia ti Ezipte amu Eliakim, ita ti Yoakaz, azia lo gbia ti Juda na ti Jérusalem. Lo zia fini iri na ndö ti lo so atene Yoakim. Ti ita ti lo Yoakaz, Neko amu lo ague na lo na Ezipte.

2 Mbai 36:5

Yoakim ayeke na ngu baleuse na oku si lo ga gbia; lo le-gbia ngu baleoko na oko na Jérusalem. Lo sara ye so ayeke sioni na le ti *KOTA GBIA, Nzapa ti lo.

Mbeti ti Job 31:39

Mbi te akobe ni senge senge? Mbi sara ye na awa ti ayaka ni na legeni pepe?

Ésaïe 5:8

Mawa na ala, azo so amu mbeni da ti tengbi na da ti ala, ala mu mbeni yaka ti tengbi na yaka ti ala! Ala sara tongaso ngbii, ala mu sese ni kue si ala duti gi ala oko na ya ti kodro ni.

Jérémie 17:11

Zo so awara mosoro na legeni pepe, lo yeke tongana dodoro so alango na ndö ti para so lo laa lo du ni pepe; so zo ni angba ti te gigi, mosoro ti lo ahon si na ndani, lo ga zo so li ti lo ayeke daa pepe.”

Jérémie 22:18

Baa, tënë so KOTA GBIA atene ndali ti Yoakim, molenge ti Yosias, gbia ti Juda ayeke so: “Na ndembe ti kuâ ti lo, zo ayeke he bia ti totongo kuâ ndali ti lo pepe; wala ti tene pepe: ‘Ae ita ti mbi ti koli, so ye ti mawa ti nyen!’ ‘Ae ita ti mbi ti wali, so ye ti mawa ti nyen!’ Zo ayeke he bia ti totongo kuâ ndali ti lo pepe, atene: ‘Ae gbia, so ye ti mawa ti nyen!’ ‘Ae kota zo, so ye ti mawa ti nyen!’

Awayango-sandaga 19:13

“Alingbi ala sara sioni na amba ti ala pepe, ala nzi ala pepe. Zo so asara kua na ala, ala gbanzi futa ti lo ngbii asi kekereke pepe.

Mishe 3:10

Ala sara gbata ti *Sion na lege ti tukungo mene, ala sara gbata ti Jérusalem na lege ti fango azo.

Habakuk 2:12

“Mawa na mo, mo so mo leke gbata na lege ti tukungo mene, mo zia gere ti gbata na lege ti sarango ye ti ngangu na azo!

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Ndia ti fani use ni 15:13

Me tongana ala zi lo, ala zia lo titene lo gue maboko ti lo senge pepe.

Jacques 5:4

Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.