Jérémie 21:13 - Mbeti ti Nzapa - Tënë so amu fini

¹³ Ala so ayeke lango na popo-hoto, na ndö ti kota têne so ayeke kpangbara so, mbi na ala, e yeke baa ya ni; so tënë ti yanga ti KOTA GBIA laa. Biani, mbi yeke ga na tere ti ala, ala so ayeke tene: ‘Zo wa laa ayeke zu ti ga na tere ti e, zo wa? Zo wa laa ayeke li na ndo so e yeke duti daa so, zo wa?’

Jérémie 21:13 ပူးပေါင်းရင်းမြစ်များ

Abia (Psaumes) 125:2

KOTA GBIA ayeke ngoro azo ti lo tongana ti so ahoto angoro Jérusalem kue, ti londo fadeso ti gue na ni, kpu na kpu.

Sigingo 13:20

Azo ti Israel alondo na Sukot, ala gue, asara bâbâ ti ala na Etam, na yanga ti benyama.

Sigingo 13:8

Na lango ti matanga so, fade ala yeke fa nda ti tënë so na amolenge ti ala, atene: ‘E sara matanga so ndali ti ye so KOTA GBIA asara na e na ndembe so e sigigi na kodro ti Ezipte.’

Ésaïe 22:1

Nengo tënë na ndö ti popo-hoto, ndo so mbeni ye asigigi daa na ya ti mbeni ye tongana bango-li. Jérusalem, nyen laa asara si azo ti mo kue ama na li ti da so?

Jérémie 17:3

Mo, mara ti Juda, mo so mo yeke voro anzapa nde na ndö ti ahoto nga na yaka so, fade mbi yeke zia azo titene ala ga agbu anzoni ye ti mo na amosoro ti mo kue; ala yeke gbu aye na ando so mo leke na nduzu. Mbi yeke sara ye ni ndali ti asioni ye so mo sara na sese ti mo kue.

Jérémie 21:5

Mbi wani laa mbi yeke tiri na ala, azo ti Juda, na lege ti maboko ti mbi so mbi yoro, na lege ti ngangu ti maboko ti mbi. Mbi yeke tiri na ala na lege ti ngonzo ti mbi, ngonzo ti mbi ti wâ nga na kota ngonzo ti mbi.

Jérémie 49:16

Ando, mo yeke zia mbeto na be ti azo kue, mo baa tere ti mo kota mo hon azo kue, andaa mo handa tere ti mo wani. Mo so mo yeke lango na ya ti adu ti têne so, mo so ndo ti duti ti mo ayeke na li ti ahoto so, ataa mo sara da ti mo yongoro na nduzu ahon ti *ngoalo, mbi yeke gboto mo kâ ti bi mo na sese.” So tënë ti yanga ti KOTA GBIA laa.

Jérémie 50:31

“Mo Babilone, zo ti baba, mbi na mo, e yeke baa ya ni; so tënë ti yanga ti Kota Gbia NZAPA so ayeke na ndö ti dunia kue laa. Ti mo, lango ni alingbi awe, ndembe so mbi yeke ga na tere ti mo.

Jérémie 51:25

Biani, Babilone, mbi na mo, e yeke baa ya ni; so tënë ti yanga ti KOTA GBIA laa. Titene mo buba ye, mo yeke na ngangu tongana mbeni kota hoto; mo yeke buba aye ti ndö ti sese kue! Mbi yeke yoro maboko na le ti mo; mbi yeke sara si mo londo kâ na li ti kota têne, mo ti na sese. Mbi yeke sara si mo ga tongana hoto so wâ agbi ni kue.

Jérémie 7:4

Ala zia be ti ala pepe na ndö ti atënë ti handa so atene: ‘Da ti KOTA GBIA ayeke ge! Da ti KOTA GBIA laa! Da ti KOTA GBIA laa!’

Abia ti demango tere 4:12

Agbia ti sese so na azo ti dunia so, ala kue ahinga fade atene, mbeni wato wala turugu oko ti ga ti li na Jérusalem ayeke daa pepe.

Ezekiel 13:8

Ndani laa, tënë so mbi Kota Gbia NZAPA, mbi tene ayeke so: Ndali ti so ala yeke tene gi atënë ti li ti ala wani si aye so ala baa na ya ti mbeni ye tongana bango-li ayeke ti handa na azo, mbi yeke ga na tere ti ala.’ So tënë ti yanga ti Kota Gbia NZAPA laa.

Ezekiel 21:3

Fade mo yeke tene na azo ti gbako ni, mo tene: Ala ma tënë ti KOTA GBIA! Tënë so mbi, Kota Gbia NZAPA, mbi tene ayeke so: Mbi yeke bi wâ na ya ti gbako ni si ayeke gbi afini keke na aholengo keke kue. Menga-wâ so ayeke za lawu lawu so ayeke mingo pepe; ti londo na Mbongo ngbii asi na Banga, wâ ni ayeke zö le ti azo kue.

Ezekiel 34:10

Tënë so mbi Kota Gbia NZAPA, mbi tene ayeke so: Mbi yeke ga na tere ti awabatango-taba ni. Mbi yeke gi ataba ti mbi, mbi yeke zi ala na maboko ti ala; mbi yeke zi ala na kua ti batango ataba ni, tongaso si awabatango-taba ni alingbi ti gi kobe ndali ti ala wani mbeni pepe. Mbi yeke gboto ataba ni na yanga ti ala si ataba ni ayeke kiri ti duti kobe ti ala pepe.

Ezekiel 5:8

Ndani laa, tënë so mbi Kota Gbia NZAPA, mbi tene ayeke so: Mbi yeke ga na tere ti ala, azo ti Jérusalem. Mbi yeke fâ ngbanga na li ti ala taa na ya ti gbata ni, na le ti amara nde.

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Nahum 2:13

Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.