Jérémie 20:7 - Mbeti ti Nzapa - Tënë so amu fini

⁷ *KOTA GBIA, mo handa mbi si mbi ti na ya ti handa ni. Mo gbu mbi na ngangu, mo hon ndö ti mbi awe. Lakue mbi ga buba na le ti azo; azo kue ayeke he mbi.

Jérémie 20:7 ပူးပေါင်းရင်းမြစ်များ

2 Agbia 2:23

Élisée alondo na Jéricho ti gue na Betel. So lo ngba na lege ti guengo ni, ambeni maseka-koli alondo na ya ti gbata ni asigigi si ala yeke he lo, atene: “Li-mbombo, mo gue ma! Li-mbombo, mo gue ma!”

Mbeti ti Job 12:4

Mbi iri Nzapa titene lo kiri tënë na mbi, mbi ga ye so amba ti mbi ayeke he na ngia. Zo ti mbirimbiri, zo so asara ye na legeni mbirimbiri, lo laa azo ayeke he lo na ngia.

Mbeti ti Job 30:9

Me fadeso, ala yeke he bia na iri ti mbi, ala yeke fono na iri ti mbi.

Abia (Psaumes) 119:51

Azo ti baba ahe mbi na ngia ahon ndoni, me mbi zia lege ti ndia ti mo pepe.

Ésaïe 8:11

*KOTA GBIA agbu mbi ngangu si lo mu na mbi wango titene mbi sara ye tongana ti azo so pepe. Tënë so lo tene na mbi ayeke so:

Jérémie 15:10

Mama ti mbi, so mawa na mbi so mo du mbi so! Na ya ti kodro ni kue, azo ake mbi, ala ye gi kuâ ti mbi. Yongo ti mbi ayeke na li ti zo pepe, yongo ti mbeni zo ayeke na li ti mbi nga pepe, me azo kue ayeke deba mbi!

Jérémie 15:18

Ngbanga ti nyen laa pasi ti mbi ayeke hunzi pepe so? Ngbanga ti nyen laa ka ti mbi aye ti mu pepe so? A zia yoro daa gbaa so? Biani, mo ga tongana li ti ngu so ahanda mbi; na mbeni ngoi, ngu asi singo daa; na mbeni ngoi, ngu ni ahole; zo alingbi ti zia be ti lo daa pepe.

Jérémie 17:16

KOTA GBIA, mbi laa mbi pusu mo titene mo bi kpale na sese pepe. Mbi ye pepe titene lango ti kota kpale tongaso asi, mo hinga kue. Tënë so asigigi na yanga ti mbi, ni laa ayeke na le ti mo so.

Jérémie 20:9

Tongana mbi tene: “Awe! Mbi yeke kiri ti di iri ti lo na yanga ti mbi pepe, mbi yeke kiri ti fa tënë na iri ti lo pepe”; na ya ti be ti mbi kâ, tënë ni ayeke gbi tongana wâ. Mbi yeke sara ngangu ti mingo ni, me mbi ha gbaa.

Jérémie 29:26

“KOTA GBIA amu mo ti ga wayango-sandaga na peko ti Yoyada awe. Alingbi mo baa ndo na ndö ti azo ti gbogbolinda so atene, ala yeke awayanga-Nzapa si ala yeke sara kua na ya ti kota da ti Nzapa so. Alingbi mo kanga ala na ya ti olongbo, mo zia zingiri na go ti ala.

Jérémie 38:19

Gbia Sedesias akiri tënë na Jérémie: “Mbi yeke na mbeto ndali ti azo ti Juda so ahon na mbage ti azo ti Babilone so: mbi hinga pepe, fade a yeke zia mbi na maboko ti ala si ala yeke he mbi.”

Abia ti demango tere 3:14

Azo ti kodro ti mbi kue ayeke he mbi; lakue azo ayeke he bia gi na iri ti mbi.

Ezekiel 3:14

Tongaso yingo so fade ayo mbi na nduzu so ahon na mbi. Maboko ti KOTA GBIA agbu mbi si ayeke ngangu ahon mbi. Tongaso mbi hon, be ti mbi na vundu, be ti mbi ayeke so songo.

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Jonas 4:2

Lo sambela *KOTA GBIA, lo tene: “Âa! KOTA GBIA, tënë so lani mbi tene na be ti mbi na ndembe so mbi yeke na kodro ti mbi so, ni laa asi so pepe? Mbi hinga lani mbi tene, mo yeke Nzapa so mo yeke sara nzoni be na zo si mo yeke baa mawa ti lo; mo yeke sara ngonzo hio hio pepe si nzoni be ti mo asi singo. Mo yeke lakue nduru ti zia lege ti sioni so mo ye ti sara na zo. Ndani laa, mbi londo lani ti kpe hio ti gue na Tarsis.

Mishe 3:8

Me ti mbi, ndali ti yingo ti KOTA GBIA so lo mu na mbi, mbi wara ngangu ahon ndoni, mbi hinga lege ti fango ngbanga mbirimbiri si mbi yeke na mbeto pepe ti fa na *ahale ti Jacob tënë ti ngangu li ti ala, ti fa nga na azo ti Israel siokpari ti ala.

Nzoni Tënë so Luc asu na mbeti 16:14

*Afarizien so aye nginza mingi so, ama tënë so kue si ala yeke he Jésus na ngia.

Nzoni Tënë so Luc asu na mbeti 23:11

Herode na aturugu ti lo ahe Jésus na ngia si ala sara lo tongana buba zo. Ala yu na lo mbeni bongo so aza zango si ala kiri atokua lo na Pilate.

Awatokua 17:18

Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 17:32

So azo ni ama tënë so Paul atene na ndö ti zingongo ti akuâ, ambeni ahe lo na ngia si ambeni atene: “Mbeni lâ si e yeke kiri ti ma mo na ndö ti tënë so!”

1 Korente 9:6

Gi mbi na Barnabas laa e lingbi ti ngba ti sara kua ti wara na kobe ti yanga ti e?

Ahebro 11:36

A zonga ambeni, a pika ala na fimbo, a kanga ala na zingiri si a bi ala na da ti kanga.