Jérémie 20:16 - Mbeti ti Nzapa - Tënë so amu fini

¹⁶ Ayeke nzoni zo so aga tongana agbata so KOTA GBIA abuba ni si lo baa mawa ni pepe so! Ayeke nzoni na ndaperere, zo ni ama toto ti demango tere si na bekombite, lo ma dekongo ti bira!

Jérémie 20:16 ပူးပေါင်းရင်းမြစ်များ

Jérémie 18:22

Ndali ti so ala sara kuku ti gbu na mbi si ala honde mbeni kamba titene agbu gere ti mbi, ayeke nzoni dekongo ti ala alondo na ya ti ada ti ala asigigi, na ndembe so mo yeke tokua awato ti ga na ndö ti ala gi hio tongaso.

Jérémie 18:8

Me tongana azo ti mara ni azia lege ti sioni so ala sara si azia ngonzo na be ti mbi so, sioni ye so mbi leke na be ti mbi ti sara na ala, mbi yeke zia lege ni.

Jérémie 23:14

Me na popo ti awayanga-Nzapa ti Jérusalem, mbi baa kota ye ti buba: ala yeke lango na awali kirikiri, tenengo mvene aga ye ti tere ti ala, ala yeke mu maboko na azo ti sarango sioni. Tongaso, zo oko ti zia sioni ti lo ayeke daa pepe. Na le ti mbi, awayanga-Nzapa ni kue aga tongana azo ti Sodome; azo ti Jérusalem aga tongana azo ti Gomore.”

Jérémie 26:13

Ti fadeso, ala sara si lege ti dutingo ti ala na sarango ye ti ala akiri aga nzoni; ala ma yanga ti KOTA GBIA Nzapa ti ala! Tongaso, sioni kpale so lo tene tënë ti tokuango ni na ndö ti ala, lo yeke zia lege ni.

Jérémie 4:19

Ae ya ti mbi! Ya ti mbi! Ya ti mbi ayeke so mbi sioni; be ti mbi kue ayeke so mbi! Ya ti mbi ni ayeke kporo kporongo. Lege titene mbi kanga yanga ti mbi ayeke daa pepe, ngbanga ti so mbi ma gi toto ti didi na dekongo ti azo ti bira.

Abia ti demango tere 4:6

Sioni ti azo ti kodro ti mbi ayeke mingi, siokpari ti ala ahon ti azo ti Sodome; kodro ti Sodome ati hio, mbeni zo andu nga ni pepe.

Ezekiel 21:22

Mbi nga, mbi yeke pika maboko ti mbi; mbi yeke sara ye ni ngbii ngonzo ti mbi ti wâ ade si. Mbi KOTA GBIA laa mbi tene tënë so.”

Osée 10:14

Ndani laa fade toto ti bira ayeke si na popo ti azo ti mo si agbata ti mo so kue ngangu gbagba ayeke na tere ni ayeke buba. Agbata ni ayeke buba tongana ti so gbia Shalman abuba ando gbata ti Bet-Arbel si azo anika mama na ndö ti amolenge ti lo so.

Osée 11:8

“Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Amos 1:14

Fade mbi yeke zia wâ na gbagba ti Raba si wâ ni ayeke gbi ayangbo ti gbata ni kue na lango ti bira, na popo ti dekongo ti bira, na ndembe so pupu ti ngu-Nzapa na ngangu pupu ayeke ya.

Amos 2:2

Fade mbi yeke bi wâ na ya ti kodro ti Moab si wâ ni ayeke gbi ayangbo ti gbata ti Keriot kue. Fade Moab ayeke kui na ya ti wusuwusu, na ya ti dekongo ti bira nga na ya ti hurungo didi.

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Jonas 3:4

Na ya ti lango oko, Jonas atambula na ya ti gbata ni si lo yeke dekongo, lo tene: “Angba lango baleosio titene Ninive abuba biani biani.”

Jonas 4:2

Lo sambela *KOTA GBIA, lo tene: “Âa! KOTA GBIA, tënë so lani mbi tene na be ti mbi na ndembe so mbi yeke na kodro ti mbi so, ni laa asi so pepe? Mbi hinga lani mbi tene, mo yeke Nzapa so mo yeke sara nzoni be na zo si mo yeke baa mawa ti lo; mo yeke sara ngonzo hio hio pepe si nzoni be ti mo asi singo. Mo yeke lakue nduru ti zia lege ti sioni so mo ye ti sara na zo. Ndani laa, mbi londo lani ti kpe hio ti gue na Tarsis.

Sofonii 1:16

Lango ni ayeke lango ti hurungo didi, lango ti dekongo ti bira ti mu agbata so ngangu gbagba ayeke na tere ni nga na ada so ayo na nduzu mingi so.

Sofonii 2:9

Mbi yeke na fini! So tënë ti yanga ti *KOTA GBIA so ngangu ti lo ahon angangu kue, Nzapa ti Israel laa: Ndani laa, fade Moab ayeke ga tongana Sodome, azo ti Amon ayeke ga tongana Gomore. Kodro ti ala ayeke ga mbeni ndo so akeke ti ki amu ya ni kue, mbeni ndo so gi ingo laa ayeke daa, kodro ni ayeke buba biani biani. Tanga ti azo ti mbi so angba na fini, ala yeke ro aye ti kodro ni kue, ala yeke mu kodro ni ti ga ti ala.”

Nzoni Tënë so Luc asu na mbeti 17:29

Me na lango so Lot asigigi na Sodome, Nzapa atokua wâ na *sufre na ndö ti ala tongana ngu so ayeke pika si afâ ala kue.

Ndia ti fani use ni 29:22

“*Sufre, wâ na ingo agbi kodro so kue awe! Zo alingbi ti fâ yaka daa pepe, kobe alingbi ti ko daa pepe. Pere oko ayeke mai daa pepe. Ye ni ayeke tongana ti Sodome na Gomore, ti Adma na Seboim, agbata so KOTA GBIA abuba ni lani na lege ti ngonzo ti lo nga na ngonzo ti lo ti wâ.”

Ndia ti fani use ni 29:23

Fade amara kue ayeke hunda ndo, atene: “Ngbanga ti nyen si KOTA GBIA asara ye na kodro so tongaso? Ngbanga ti nyen si kota ngonzo ti lo alondo tongaso?”

2 Pierre 2:6

Nzapa afâ nga ngbanga na li ti azo ti agbata ti Sodome na Gomore si lo gbi agbata ni so. Lo sara tongaso ti fa tapande na azo ti sioni atene, fade mara ti ye so ayeke si na ala.

Jude 1:7

Ala dabe ti ala na azo ti agbata ti Sodome na Gomore nga na ambeni kodro so ayeke na tere ni: azo ni asara asioni ye tongana ti a-ange so, ala mu be ti ala kue ti sara gi aye ti ndumba, ala sara asioni ye so akpa titene zo asara pepe. Fadeso ala yeke baa pasi na ya ti wâ so ayeke gbi lakue lakue; ala ga tapande ndali ti azo kue.