Jérémie 2:33 - Mbeti ti Nzapa - Tënë so amu fini

³³ “Mo hinga kode ti tumbango peko ti andeko! Ti si na nda ti ye ti mo ni, mo gue daa ngbii ti sara sioni ahon ndoni si aga ye ti tere ti mo.

Jérémie 2:33 ပူးပေါင်းရင်းမြစ်များ

2 Mbai 33:9

Me Manase apusu azo ti Juda na ti Jérusalem titene ala kiri asara sioni ahon amara so KOTA GBIA afâ ando ala kue kue kue na dawa ti azo ti Israel so.

Jérémie 2:23

Ye ni asara tongana nyen laa mo tene: ‘Mbeni sioni ye andu tere ti mbi oko pepe; mbi voro anzapa *Baal pepe’ so? Gue mo baa gi peko ti agere ti mo kâ na popo-hoto! Ayeke nzoni mo hinga ye so mo sara. Mo yeke tongana mama ti *zambala so akpe ge, akpe kâ.

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Jérémie 2:34

Na tere ti bongo ti mo, gi mene ti azo ti mawa na ti azo so tënë ayeke na li ti ala pepe. Andaa laoko mo wara ala na fango yanga ti da ti mo pepe!

Jérémie 2:36

“Mo yeke sanze akode mingi, andaa mo laa mo yeke bi tere ti mo na sese! Me fade Ezipte ayeke zia kamene na le ti mo tongana ti so Asirii azia nga kamene na le ti mo so.

Ezekiel 16:27

Tongaso mbi yoro maboko ti mbi ti pika mo: mbi gbanzi mo na kobe, mbi zia mo na maboko ti awato ti mo, agbata ti Filistii so kamene asara ala ndali ti sioni sarango ye ti mo.

Ezekiel 16:47

Mo mu gi lege ti sarango ye ti ala pepe, mo na ala asara gi mara sioni ye so zo alingbi ti baa na le ti lo fani use pepe; so kue alingbi na mo pepe! Me lege ti sarango ye ti mo ayeke sioni mingi ahon ti ala kue!

Osée 2:13

Fade mbi yeke sara titene ngia ti lo, amatanga ti lo, amatanga ti lo ti fini nze, alango ti lo ti wungo tere nga na akota matanga ti lo akai.