Jérémie 2:27 - Mbeti ti Nzapa - Tënë so amu fini

²⁷ “Ala yeke tene na keke: ‘Mo laa mo yeke babâ ti mbi!’ Ala yeke tene nga na têne: ‘Mo laa mo du mbi!’ Titene ala zia le ti ala na mbage ti mbi, ala zia gi peko ti ala na mbi! Me tongana ye ti ngangu asi na ala awe, ala yeke londo ti iri mbi, atene: ‘Ga mo soo e maa!’

Jérémie 2:27 ပူးပေါင်းရင်းမြစ်များ

2 Mbai 29:6

Biani, ababâ ti e asara ando ye alingbi na tënë ti KOTA GBIA, Nzapa ti e pepe. Ala do lo azia, ala bi le ti ala yongoro na kota da so KOTA GBIA ayeke duti daa si ala zia peko ti ala na lo.

Ésaïe 26:16

KOTA GBIA, na ya ti ye ti ngangu, e baa ndo na mbage ti mo. Na ndembe so mo pika e, e yeke sambela mo na gbe ti go ti e.

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 18:17

Fade mbi yeke sara si azo ti mbi akangbi kirikiri na le ti awato ti ala tongana ti so pupu ti To ayeke mu ye ahon na ni kirikiri. Na lango so ye ayeke ga ngangu na ala, fade mbi yeke zia peko ti mbi na ala, mbi yeke baa ndo na mbage ti ala pepe.”

Jérémie 2:24

Mo yeke tongana mama ti lele ti ngonda so aye gi ya ti benyama. Tongana nzara ti koli agbu lo, lo yeke gboto pupu na mbage kue; zo wa laa alingbi ti kanga lege na nzara ti lo? Akoli-zambala so kue ayeke gi lo alingbi ti woko pepe; ala yeke wara lo tongana nze ti lo alingbi awe.

Jérémie 22:23

Mo so lani mo duti kpoo na ndö ti hoto ti Liban; lani mo sara da ti mo na ya ti keke ti sedre tongana ti ndeke, fade mo yeke dema na ndembe so pasi ayeke ga na ndö ti mo; ye ayeke gboto mo si mo yeke do tere ti mo tongana wali na ndembe ti dungo ni!”

Jérémie 3:9

Lo sara aye ti ndumba ni na ayanda so a sara na têne nga na keke si na lege ti sarango ye ti kirikiri ti lo, lo sara si kodro ni kue aga sioni.

Jérémie 30:7

So ye ti vundu ti nyen! So ayeke kota lango mingi; mbeni lango ti lingbi na ni ayeke daa pepe! So ayeke lango ti kota vundu ndali ti *ahale ti Jacob! Me fade ala yeke soo kuâ.”

Jérémie 32:33

Titene ala zia le ti ala na mbage ti mbi, ala zia gi peko ti ala na mbi. Ataa so mbi mu ngoi ti mbi kue ti fa ye na ala, ala ma pepe; ala ke ti ma wango ti mbi.

Jérémie 37:3

Andaa gbia Sedesias atokua Yukal, molenge ti Shelemia, lo na wayango-sandaga Sefania, molenge ti Maaseya, ti tene na wayanga-Nzapa Jérémie, atene: “E gbu gere ti mo, sambela KOTA GBIA Nzapa ti e ndali ti e!”

Jérémie 42:2

wayanga-Nzapa Jérémie si ala tene na lo: “E gbu gere ti mo, ayeke nzoni vorongo tere ti e agbu be ti mo. Sambela *KOTA GBIA, Nzapa ti mo ndali ti tanga ti e so e ngba na fini so. Lani e yeke mingi, fadeso e ngba gi kete, tongana ti so mo yeke baa na le ti mo so.

Ezekiel 23:35

Ndani laa, tënë so mbi Kota Gbia NZAPA, mbi tene ayeke so: Jérusalem, be ti mo agirisa na mbi awe, mo zia peko ti mo na mbi awe. Fadeso, mo yeke wara futa ti peko ti sarango ye ti potopoto ti mo nga na ti ye ti ndumba ti mo.”

Ezekiel 8:16

Lo mu mbi, lo gue na mbi na ya ti gbagba ti kota da ti lo. Na yanga ti ndo so ayeke nde si ayeke nzoni kue, ambeni koli so li ti ala nduru na baleuse na oku aluti na popo ti ya ti gbagba ni na gbalaka. Ala zia peko ti ala na ndo so ayeke nde si ayeke nzoni kue so si ala yeke baa ndo na mbage so lâ ayeke londo daa. Ala yeke kuku akpo li ti ala na sese ti voro lâ.

Daniel 9:7

KOTA GBIA, mo yeke ti mo mbirimbiri, me ti e, gi kamene laa ayeke na le ti e. Ye ni laa e yeke baa laso na tere ti azo ti Juda nga na tere ti azo ti Jérusalem, na azo ti Israel kue, ataa ala so ayeke nduru wala ala so ayeke na yongoro ndo. Biani, azo ti mara ti e akangbi kirikiri na ando nde nde so mo tumba ala daa ndali ti so ala sara sioni so ake mo.

Osée 4:12

Azo ti mbi ayeke hunda yanda ti ala ti keke si nduru keke laa ayeke kiri tënë na ala. Biani, yingo ti sarango ye ti ndumba asara si ala girisa lege. Na sarango ye ti ndumba ni, ala yeke gue yongoro na Nzapa ti ala.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Osée 7:14

Tongana ala yeke dekongo na mbi, ala yeke sara ni na be ti ala kue pepe. Me na ndö ti gbogbo ti ala, ala yeke dema, ala yeke suru tere ti ala na ka ti wara kobe na fini vin. Na sarango ye tongaso, ala yeke hon yongoro na tere ti mbi.