Jérémie 2:20 - Mbeti ti Nzapa - Tënë so amu fini

²⁰ *KOTA GBIA atene: “Mo mara ti Israel, ngu na ngu, kpu na kpu, mo ke ti duti na gbe ti komandema ti mbi; mo fâ ya ti ye so abongbi mbi na mo. Mo tene: ‘Mbi ye ti sara kua ti ngbaa mbeni pepe’. Me na ndö ti akete hoto kue, na gbe ti afini keke so kue kugbe ni ayeke gbani gbani, mo lango na sese ti sara ye ti ndumba.

Jérémie 2:20 ပူးပေါင်းရင်းမြစ်များ

1 Agbia 12:32

Yeroboam amu yanga ti sara matanga na lango baleoko na oku ti nze miombe ni. Matanga ni akpa ti so azo ayeke sara ka na sese ti Juda. Gbia wani laa aya asandaga na ndö ti gbalaka ni. Lo sara nga gi mara ti ye so na Betel, lo mu asandaga na abagara so lo leke ala. Kâ, lo zia awayango-sandaga ti sara kua na ndo so lo leke na li ti ahoto.

1 Agbia 14:23

Legeoko tongana akotara ti ala, ala leke ando na ndö ti ahoto titene ala voro anzapa nde daa; ala leke angbongboro têne so aluti na nduzu, ala leke nga akeke so aluti na nduzu ndali ti nzapa-wali Ashera. Ala zia aye ni so na li ti akete hoto kue nga na gbe ti afini keke so kue kugbe ni ayeke gbani gbani.

Abia (Psaumes) 107:14

Lo zi ala na ndo so avuko pitipiti si lo fâ ya ti azingiri ti ala.

Abia (Psaumes) 2:3

Ala tene: “E fâ akamba so ala kanga na e so, e sigigi na gbe ti komandema ti ala!”

Abia (Psaumes) 78:58

Na lege ti ando so ala leke na ndö ti ahoto si ala yeke voro anzapa nde daa, ala zia ngonzo mingi na be ti Nzapa; na lege ti ayanda ti ala, ala pusu lo ti sara mbanda.

Sigingo 19:8

Azo kue ayeda yanga oko, atene: “Atënë so kue KOTA GBIA atene so, fade e yeke sara ye alingbi na ni.” Moïse akiri na peko ti tënë ti azo ni na KOTA GBIA.

Sigingo 24:3

Moïse aga afa na azo ni peko ti atënë kue ti KOTA GBIA nga na andia ti lo kue. Azo ni kue akiri tënë yanga oko, atene: “Atënë so kue KOTA GBIA atene, fade e yeke sara ye alingbi na ni.”

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Ésaïe 1:21

So nyen! Gbata so lani azo ayeke bata tënë ti Nzapa daa so, asara tongana nyen si aga tongana wali-ndumba so? Lani na ya ti gbata ni, azo ayeke sara ye na legeni, ala yeke fâ ngbanga ti mbirimbiri. Me fadeso, gbata ni asi singo na azo ti fango zo!

Ésaïe 10:27

Na lango ni so, kungba so ayeke na ndö ti go ti ala, azo ti mbi, ayeke zi; *zuge so ane na go ti ala ayeke fâ ndali ti konongo ti ala.

Ésaïe 14:25

Fade mbi yeke buba ngangu ti azo ti Asirii taa na ya ti kodro ti mbi; mbi yeke do ala na gbe ti gere ti mbi na ndö ti ahoto ti mbi. Ala zia ando anengo kungba na ndö ti azo ti mbi tongana *zuge, fade mbi yeke zi ni. Ala zia ando nengo kungba na ndö ti go ti azo ti mbi, mbi yeke zi ni na ndö ti go ti ala.”

Ésaïe 9:4

Aporo ti gere kue ti awato so ala yeke do na sese, akota bongo ti de kue so mene amu tere ni, fade a yeke bi na le ti wâ titene wâ agbi ni kue.

Jérémie 13:27

Asarango ye ti ndumba ti mo, totongo ti mo tongana ti mbarata so ayeke toto na peko ti wali-mbarata so, asarango ye ti ndumba ti mo na li ti ahoto, nga na ya ti ayaka ayeke mu kamene na zo! Mbi baa afungo nzapa ti mo so kue! So ye ti mawa ti nyen, Jérusalem! Mo ye ti ga *nzoni pepe! Mo yeke ngba ti sara ye tongaso ngbii asi lawa?”

Jérémie 17:2

Tongana ti so ala yeke dabe ti ala na amolenge ti ala, ala yeke dabe ti ala legeoko tongaso na agbalaka ti ala, na akeke ti Ashera ti ala nga na akeke so afini kugbe ayeke daa gbani gbani si ayeke na ndö ti ahoto.

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Jérémie 3:13

Gi ye oko: ayeke nzoni mo hinga sioni ti mo si! Hinga, mo tene, mo sara ngangu li na KOTA GBIA, Nzapa ti mo. Na gbe ti afini keke so kue kugbe ni ayeke gbani gbani, mo huru mo ti kâ, mo huru mo ti ge ti zia tere ti mo na anzapa ti awande. Mo ke ti ma yanga ti mbi; so tënë ti yanga ti KOTA GBIA laa.’ ”

Jérémie 30:8

“So tënë ti yanga ti KOTA GBIA so ayeke na ndö ti dunia kue laa: Tongana lango ni alingbi awe, fade mbi yeke fâ ya ti *zuge so ayeke ne na go ti ala, mbi yeke zi azingiri ti ala. Tongaso ala yeke kiri ti duti ngbaa ti awande pepe,

Jérémie 5:5

Tongaso fade mbi yeke gue na mbage ti akota zo si mbi tene tënë na ala. Ala laa ahinga ye so KOTA GBIA aye; ala laa ahinga atënë ti ndia ti Nzapa ti ala.” Me ala kue ayeke gi legeoko: ala ke ti duti na gbe ti komandema ti KOTA GBIA, ala fâ ya ti ye so abongbi ala na Nzapa awe.

Ezekiel 16:28

Me nzara ti tere ti mo ahunzi na ya ti mo pepe, mo sara ye ti ndumba na azo ti Asirii. Ataa so kue, nzara ti tere ti mo ni ahunzi na ya ti mo pepe.

Ezekiel 16:31

Na asangbi-lege kue, mo sara mbeni da-nduzu; mo sara mbeni ndo na nduzu na ndo so kue azo ayeke bongbi daa. Me mo sara ye tongana awali-ndumba pepe: mo ke ti hunda nginza.

Ezekiel 16:41

Ala yeke gbi ada ti mo, ala yeke de ngbanga na li ti mo na le ti gba ti awali. Mbi yeke sara si kua ti mo ti ndumba ni ahunzi biani biani, mo yeke kiri ti futa andeko ti mo ni pepe.

Ezekiel 20:28

Mbi sara si ala li na kodro so mbi yoro lani maboko ti mbi na nduzu, mbi deba yanga ti mbi ti mu na ala. Na ya ti kodro ni, le ti ala agi ndo so akete hoto kue ayeke daa nga na akeke so gba ti akugbe ayeke daa. Kâ laa, ala mu asandaga ti ala, ala mu amatabisi ti ala ti gingo na yanga ti mbi, ala mu asandaga so fion ni afun nzoni nga na sandaga ti samba.

Ezekiel 23:5

Me Ohola asara ye ti ndumba, ataa so lo yeke ti mbi. Azo ti Asirii so alango nduru na lo, lo sara nzara ti ala mingi si lo sara ndeko na ala.

Osée 1:2

So ayeke tongo nda ti atënë so *KOTA GBIA azia na yanga ti Osée ti tene na azo ti lo laa. Lo tene na Osée: “Gue, mo mu mbeni wali-ndumba titene lo ga wali ti mo si lo du na mo amolenge ti ndumba. Biani, azo ti kodro ni ake KOTA GBIA; so sarango aye ti ndumba ti ala laa.”

Osée 2:5

Tongaso pepe, mbi yeke zi bongo na tere ti lo ti zia lo ndumbu tongana ti lango so mama ti lo adu na lo. Fade mbi yeke sara titene lo ga tongana benyama, ndo so ngu ayeke daa pepe; mbi yeke sara titene nzara ti ngu afâ lo.

Osée 3:3

Mbi tene na lo, mbi tene: “Mo ngba na tere ti mbi aninga si; mo sara ye ti ndumba pepe, mo gi mbeni koli nde pepe; mbi nga, mbi yeke sara gi tongaso na mo.”

Osée 4:13

Ala yeke mu *sandaga na li ti akota hoto, ala yeke zö dukani na li ti akete hoto, na gbe ti akeke ti shene, ti peplie na ti terebente; gbe ti de ti akeke ni ayeke pendere mingi! Ndani laa amolenge ti ala ti wali ayeke sara ye ti ndumba si awali ti amolenge ti ala ayeke gi akoli ti amba ti ala.

Osée 9:1

Israel, duti na ngia gbani gbani pepe tongana ti ambeni mara. Biani, mo sara aye ti ndumba si mo gue yongoro na Nzapa ti mo awe; mo ye ti wara futa ti mo ndali ti aye ti ndumba na ndö ti alakere so kue a yeke pika ale ti *ble daa.

Awayango-sandaga 26:13

Mbi laa mbi yeke KOTA GBIA, Nzapa ti ala. Mbi mu ala na sese ti Ezipte, mbi sigigi na ala titene ala kiri aduti ngbaa ti azo ti Ezipte pepe. Mbi zi ala na gbe ti ngbaa titene ala tambula li ti ala na nduzu.”

Nahum 1:13

Ti fadeso, mbi yeke zi keke so awato ti mo akanga na go ti mo ti sara mo na ngbaa so; mbi yeke fâ akamba so kue a kanga na mo.”

Ndia ti fani use ni 12:2

Amara nde so ala yeke gue ti mu sese ti ala aleke ambeni ndo na li ti ahoto, na li ti akete hoto nga na gbe ti afini keke so kue kugbe ni ayeke gbani ti voro anzapa ti ala daa. Alingbi ala, azo ti Israel, ala buba ando ni so kue kue kue.

Ndia ti fani use ni 15:15

Ayeke nzoni ala dabe ti ala so ala wani, ala yeke ando angbaa na sese ti Ezipte si KOTA GBIA Nzapa ti ala azi ala. Ndani laa, mbi yeke mu yanga so na ala laso.

Ndia ti fani use ni 26:17

Laso ala sara si KOTA GBIA amu zendo so na ala: lo yeke Nzapa ti ala, tongana ala tambula na lege so lo fa na ala, tongana ala sara ye alingbi na andia ti lo, tongana ala sara ye alingbi na yanga so lo mu na ala nga na atënë ti ndia ti lo, tongana ala ma yanga ti lo.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Ndia ti fani use ni 5:27

Ti mo, Moïse, mo laa mo yeke gue nduru na KOTA GBIA Nzapa ti e ti ma atënë so kue lo yeke tene. Fade mo yeke kiri ti tene peko ni na e si e yeke sara ye alingbi na ni.”

Josué 1:16

Akapita ni akiri tënë na Josué, atene: “Aye so kue mo mu yanga na e titene e sara, fade e yeke sara ni; ndo so kue mo yeke tokua e daa, fade e yeke gue.

Josué 24:24

Azo ni akiri tënë na Josué, atene: “Biani, e yeke sara kua na KOTA GBIA, Nzapa ti e; e yeke ma yanga ti lo!”

Josué 24:26

Josué asu atënë so na ya ti mbeti ti *Ndia ti Nzapa. Na pekoni, lo mu mbeni kota têne, lo leke ni aluti na nduzu na gbe ti keke ti shene, na ndo so a zia nde ndali ti KOTA GBIA.

Aye so Nzapa afa 17:1

Tongaso, mbeni *ange oko na popo ti a-ange mbarambara so ayeke na akopo mbarambara so, aga na tere ti mbi si lo tene na mbi: “Ga, mbi yeke fa na mo lege so a yeke fâ ande ngbanga na li ti kota wali-ndumba, lo so lo yeke kota gbata so a leke ni na tere ti akota ngu so.

Awafango-ngbanga 10:6

Azo ti Israel akiri asara ye so ayeke sioni na le ti *KOTA GBIA: ala voro anzapa *Baal na *Astarte. Ala voro nga anzapa ti azo ti Sirii, ti Sidon, ti Moab, ti Amon na ti azo ti Filistii. Ala do KOTA GBIA azia si ala kiri avoro lo pepe.

Awafango-ngbanga 2:11

Azo ti Israel asara ye so ayeke sioni na le ti *KOTA GBIA: ala voro anzapa *Baal.

Awafango-ngbanga 2:13

Ala do KOTA GBIA azia, ala voro anzapa Baal na *Astarte.

1 Samuel 12:10

Akotara ti ala akiri atoto na KOTA GBIA, atene: ‘KOTA GBIA, e sara siokpari awe, ngbanga ti so e zia mo si e sara kua na ayanda ti *Baal na ti *Astarte. Me fadeso, zi e na maboko ti awato ti e si fade e sara kua na mo.’