Jérémie 2:19 - Mbeti ti Nzapa - Tënë so amu fini

¹⁹ Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 2:19 ပူးပေါင်းရင်းမြစ်များ

1 Agbia 18:18

Élie akiri tënë: “Mbi laa mbi ga na kpale na ndö ti Israel pepe; me mo na azo ti sewa ti mo. Biani, ala ke ti sara ye alingbi na andia ti *KOTA GBIA si ala gue ti voro anzapa *Baal.

2 Mbai 12:5

Wayanga-Nzapa Shemaya aga abaa Roboam nga na amakonzi ti Juda so abongbi na Jérusalem na ndembe so Shishak aga nduru ti si. Lo tene na ala: “Tënë so KOTA GBIA atene ayeke so: ‘Ala ke mbi awe! Mbi nga, mbi ke ala si mbi zia ala na maboko ti Shishak.’ ”

2 Mbai 21:10

Ti londo na ngoi ni so ngbii asi fadeso, azo ti Edom ake ti ngba na gbe ti komandema ti Juda. Gi na oko ngoi ni so, azo ti gbata ti Libna ake ti ngba na gbe ti komandema ti Yoram, ngbanga ti so Yoram azia KOTA GBIA, Nzapa ti akotara ti lo awe.

2 Mbai 25:16

So wayanga-Nzapa ni angba ti tene tënë, Amasia afâ tënë na yanga ti lo si lo tene: “Zo wa laa azia mo wamungo-wango na gbia, zo wa? Kai tënë so! Mo ye pika?” Wayanga-Nzapa ni akai, me lo tene: “Fadeso mbi hinga, mbi tene, Nzapa aleke na be ti lo titene mo kui, ngbanga ti so mo sara ye so si mo ke ti ma wango ti mbi.”

Abia (Psaumes) 36:1

Bia ti David, zo ti kua ti *KOTA GBIA. Bia so ayeke ndali ti makonzi-bia.

Sigingo 33:6

Gi so azo ti Israel alondo na hoto ti Horeb, ala to nda ti zi aye ti baba ti ala ni.

Amato 1:31

Fade ala yeke ko lengo ti sarango ye ti ala; apialo ti ala ayeke fun sen na hon ti ala.

Amato 1:32

Ngangu li ti azo so li ti ala ayeke daa pepe laa ayeke fâ ala; kangango le na ndö ti akpale laa ayeke fâ azo so ahinga ndo pepe.

Amato 5:22

Sarango ye ti kirikiri ti zo wani laa akanga lo; siokpari ti lo agbu lo tongana kuku.

Ésaïe 3:9

Ala yeke mu mbage ti ambeni zo, so laa ayeke bi tënë na li ti ala; ala yeke sara asiokpari gi polele tongana ti azo ti Sodome, ala yeke sara ni na hondengo ni pepe. So mawa na ala! Ala wani ayeke leke ye ti mawa ndali ti ala.

Ésaïe 5:5

Fadeso, mbi yeke fa na ala ye so mbi yeke sara na yaka ti vinye ti mbi ni: Mbi yeke zi gbagba so ayeke na tere ni si anyama aga ate akeke ti yaka ni kirikiri. Mbi yeke kungbi gbagba ni na sese si azo aga ado akeke ti vinye ni.

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Jérémie 1:16

Mbi yeke fâ ngbanga na li ti azo ti Juda ndali ti asioni sarango ye ti ala. Biani, ala zia mbi awe, ala zö dukani na anzapa nde, ala kuku ti voro ye so maboko ti ala wani asara.

Jérémie 13:22

Fade mo yeke hunda tere ti mo, mo tene: ‘Ye so asi na mbi tongaso ngbanga ti nyen?’ Biani, tongana a yo yanga ti bongo ti mo na nduzu, tongana a sara ngangu na mo, ayeke ndali ti so mo sara sioni ahon ndoni.

Jérémie 2:17

Ye so kue asi na mo gi ndali ti mo wani pepe? Ye ni asi ndali ti so mo zia KOTA GBIA, Nzapa ti mo na ndembe so lo yeke fa lege na mo.

Jérémie 3:22

Azo ti ngangu li, ala kiri maa! Kobela ti ngangu li ti ala so, fade mbi yeke kai ni!” “Baa e laa! E yeke kiri na mo, ngbanga ti so mo laa mo yeke KOTA GBIA, Nzapa ti e.

Jérémie 4:18

Futa ti lege ti dutingo ti mo na sioni sarango ye ti mo laa mo wara awe so! Ye ni asee, taa-tënë, me so lengo ti sioni ti mo laa! So ali taa mo, agbu bio!”

Jérémie 5:22

Ala kpe mbeto ti mbi pepe? So tënë ti yanga ti KOTA GBIA laa. Tere ti ala ado na dawa ti mbi pepe? Mbi laa mbi zia mbutu ti sara si kota ngu-ingo angba na ndo so ayeke daa. So ayeke katikati so angba kpu na kpu; kota ngu-ingo ni ayeke hon ni pepe. Ataa *amapo ti ngu ni alondo tongana nyen, ngu ni alingbi ti hon ndö ni pepe.

Jérémie 5:24

Ala tene na be ti ala pepe, atene: ‘Ayeke nzoni e kpe mbeto ti KOTA GBIA, Nzapa ti e, lo so lo yeke mu na e ngu-Nzapa na ngoi ni so alingbi: ngu-Nzapa ti kozo ngoi, ngu-Nzapa ti ndangba ngoi. Na ya ti ngu oko oko, lo laa lo yeke bata na e ngoi ti kongo ale ti kobe.’

Jérémie 5:6

Ndani laa fade abamara ti gbako ayeke gbu ala, ambo ti benyama ayeke suru ya ti ala. Aze ayeke ku ala na tere ti agbata ti ala. Azo so kue alondo na ya ti agbata ni ti sigigi, aze ni ayeke gbu ala si ayeke suru ya ti ala, ngbanga ti so ala sara ngangu li ahon ndoni; ala sara aye gbani gbani so ake Nzapa.

Jérémie 7:19

Mbi laa ala yeke sara sioni na mbi so? Oko pepe! Ala sara ye ni ti bi kamene gi na le ti ala wani; so tënë ti yanga ti KOTA GBIA laa.”

Jérémie 8:5

Biani, azo ti Jérusalem agirisa lege awe; ngbanga ti nyen si ala ngba ngbango na ndö ti sioni lege so ala mu ni so? Ala gbu tënë ti anzapa ti mvene ti ala ni ngangu; ala ke ti kiri na mbi.

Ezekiel 23:30

aye so ayeke si na mo. Biani mo sara ye ti ndumba na amara nde, mo sara si mo ga *sioni na lege ti vorongo ayanda ti ala.

Ezekiel 39:24

Mbi honde le ti mbi na ala si mbi sara na ala alingbi na *asioni ti ala nga na ngangu li ti ala.

Osée 11:7

Azo ti mbi aleke be ti ala ti ke mbi biani biani; a iri ala titene ala londo na nduzu, me zo oko na popo ti ala alondo pepe.

Osée 13:9

“Mo Israel, ye so abuba mo, ayeke ti so mo ke mbi awe, mbi so mbi lingbi fade ti mu maboko na mo so.

Osée 14:1

Fade azo ti Samarii ayeke wara ye ti peko ti sioni so ala sara, ngbanga ti so ala tomboka na tere ti Nzapa. Fade ala yeke kui na ya ti bira, a yeke nika amolenge ti ala so angba ti nyon me, a yeke suru ya ti amama ti ngo.”

Osée 4:16

Biani, Israel asara ngangu li tongana mama ti bagara so ake ti tambula. Fadeso, KOTA GBIA alingbi ti sara na azo ti lo tongana ti akete taba so a zia ala na ndo ti tengo pere?

Osée 5:5

Baba ti azo ti Israel laa afa sioni ti ala na le ti azo. Azo ti Israel na azo ti Efraim ati ndali ti sioni ti ala; azo ti Juda ati nga legeoko na ala.

Osée 7:2

Ala yeke tene na be ti ala pepe, atene: asioni ye so kue ala yeke sara so, mbi hinga ni pepe; fadeso asarango ye ti ala ni akanga ala mbage na mbage awe, aye ni kue ayeke na le ti mbi.

Osée 9:1

Israel, duti na ngia gbani gbani pepe tongana ti ambeni mara. Biani, mo sara aye ti ndumba si mo gue yongoro na Nzapa ti mo awe; mo ye ti wara futa ti mo ndali ti aye ti ndumba na ndö ti alakere so kue a yeke pika ale ti *ble daa.

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Mishe 1:5

Aye so kue asi ndali ti ngangu li ti *ahale ti Jacob, ndali ti asiokpari ti azo ti Israel. Zo wa laa ayeke pusu azo ti Jacob titene ala ga azo ti ngangu li? Ayeke azo ti Samarii pepe? Zo wa laa ayeke pusu azo ti Juda titene ala voro anzapa nde na ndo so ayeke na nduzu so? Ayeke azo ti Jérusalem pepe?

Zakarii 7:11

Me azo ni ake ti ma tënë ni; ala sara ngangu li, ala kanga mê ti ala titene ala ma ndo pepe.

Rome 3:18

Ala yeke kpe mbeto ti Nzapa oko pepe.”

Awafango-ngbanga 10:13

Me ti ala, ala do mbi azia ti voro anzapa nde. Ndani laa mbi yeke kiri ti soo ala pepe.