Jérémie 2:15 - Mbeti ti Nzapa - Tënë so amu fini

¹⁵ Abamara atoto na ndö ti lo awe; ala toto ngangu. Azo asara si kodro ti lo aga ngonda; ala gbi agbata ti lo, zo ayeke daa mbeni pepe.

Jérémie 2:15 ပူးပေါင်းရင်းမြစ်များ

Mbeti ti Job 4:10

Toto ti ala so akpa ti bamara na ti sioni nyama so, Nzapa akai ni awe; pembe ti ala so akpa ti akete bamara so, lo kungbi ni awe.

Abia (Psaumes) 57:4

Kâ na yayu, ayeke nzoni lo yeke tokua ye ti songo mbi na kuâ. Biani, zo ti tumbango peko ti mbi ayeke zonga mbi. Luti kete Ayeke nzoni Nzapa afa na mbi so lo yeke sara nzoni be na mbi si lo yeke bata tënë ti yanga ti lo.

Ésaïe 1:7

Sese ti ala aga gi ngonda, wâ agbi agbata ti ala kue. Awande ate akobe ti yaka ti ala kue gi na le ti ala; awande abuba kodro ni, ala kinda ni, ye oko angba pepe.

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 5:29

Toto ti aturugu ti ala ayeke tongana ti mama ti bamara, toto ti ala ayeke tongana ti akete bamara, ala gbu nyama si ala yeke dekongo; ala yeke gue na nyama ni si mbeni zo alingbi ti gboto ni na maboko ti ala pepe.

Ésaïe 5:9

Mbi ma na mê ti mbi *KOTA GBIA so ayeke na ndö ti dunia kue adeba, atene: “Biani, fade gba ti apendere kota da so ayeke tuku kue na sese; azo ayeke lango na ya ni pepe.

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Jérémie 10:22

Mbeni tënë alondo kâ si ayeke ga, mbeni ye so ayeke yingi ndo alondo na Banga si ayeke ga, ayeke ga ti buba agbata ti Juda si agbata ni ayeke ga ngonda, ayeke ga ndo ti lango ti *anzagua.

Jérémie 25:30

KOTA GBIA akiri atene na mbi: “Mo tene peko ti atënë ti yanga ti mbi so kue na ala, mo tene: Na nduzu kâ, KOTA GBIA atoto ngangu tongana bamara; na ya ti da so a zia nde ndali ti lo, lo sara si azo ama go ti lo. Lo yeke toto tongana bamara na ndö ti sese so ayeke ti lo. Lo yeke dekongo na ndö ti azo ti kodro ni kue tongana azo so ayeke ko ale ti *vinye ti sara na vin.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 26:9

Ngbanga ti nyen si mo tene peko ti tënë ti yanga ti KOTA GBIA, mo tene: ‘Fade a yeke buba kota da ti Nzapa so tongana ti Silo, a yeke buba gbata so si azo ti gbata ni ayeke duti daa mbeni pepe so?’ ” Tongaso azo so kue ayeke na ya ti kota da ti Nzapa abongbi na tere ti Jérémie.

Jérémie 33:10

Tënë so KOTA GBIA atene ayeke so: “Ala azo ti Juda, ala yeke tene: ‘Hoo, ndo so abuba kue awe! Azo na anyama ayeke daa mbeni pepe!’ Taa-tënë, agbata ti Juda nga na ndö ti abalabala ti Jérusalem ade dengo; zo ayeke lango na ya ti gbata ni oko pepe, azo na anyama ayeke daa pepe. Biani, na ya ti kodro so, a yeke kiri ti ma

Jérémie 34:22

Mbi yeke mu yanga titene aturugu ni akiri aga ti li na ya ti gbata ni, ala tiri bira na gbata ni, ala mu ni si ala gbi ni na wâ. Fade mbi yeke sara si agbata ti Juda aga ndo so ye kue abuba daa si zo ayeke daa mbeni pepe.” So tënë ti yanga ti KOTA GBIA laa.

Jérémie 4:7

Bamara alondo na ya ti gbako ti lo si ayeke sigigi. Zo ti bubango kodro ti amara nde alondo awe, lo yeke ga. Lo londo na ndo ti lo si lo yeke ga ti buba kodro ti mo; fade lo yeke sara si agbata ti mo aga ngonda si zo ayeke daa mbeni pepe.

Jérémie 44:22

KOTA GBIA akanga be ti lo gbaa na asioni sarango ye ti ala nga na asioni sarango ye ti ala so zo alingbi ti baa na le ti lo fani use pepe so. Ndani laa kodro ti ala aga ndo ti gba ti atêne, aga ngonda si zo ayeke daa mbeni pepe, aga tapande ndali ti azo so ayeke deba amba ti ala; ye ni laa a yeke baa ni laso so.

Jérémie 5:6

Ndani laa fade abamara ti gbako ayeke gbu ala, ambo ti benyama ayeke suru ya ti ala. Aze ayeke ku ala na tere ti agbata ti ala. Azo so kue alondo na ya ti agbata ni ti sigigi, aze ni ayeke gbu ala si ayeke suru ya ti ala, ngbanga ti so ala sara ngangu li ahon ndoni; ala sara aye gbani gbani so ake Nzapa.

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Jérémie 51:38

Ti ndembe so, azo ti Babilone ayeke tongana akete bamara so atoto, ala yeke toto tongana abamara.

Jérémie 6:8

“Jérusalem, zia a fa nzoni lege na mo. Tongaso pepe, mbi yeke zi maboko ti mbi na tere ti mo si ndo ti mo ayeke ga ande ngonda, sese so zo oko alingbi ti duti daa pepe.”

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Jérémie 9:11

Mbeni zo ti ndara ayeke daa so alingbi ti ma ya ti tënë so? Tongana zo ni ayeke daa, ayeke nzoni tënë so KOTA GBIA azia na yanga ti lo, lo fa ni na azo polele. Lo fa nda ni so kodro ni abuba; nda ni so kodro ni agbi si aga gi benyama so; nda ni so zo ayeke hon daa oko pepe so.

Ezekiel 36:3

Fadeso mo tene peko ti tënë ti yanga ti mbi, mo tene: Tënë so Kota Gbia NZAPA atene ayeke so: Mbage na mbage, azo abuba ala si asara nzara ti ala; amara nde amu ala ti ga ye ti ala; azo ahe ala na ngia si azonga ala.

Ezekiel 5:14

Jérusalem, mbi yeke sara si mo buba kue, mbi yeke zia kamene na le ti mo na popo ti amara so angoro mo nga na le ti azo so kue ahon na lege.

Osée 11:10

Azo so a gbu ala ague na ala na kodro wande, fade ala yeke tambula na peko ti KOTA GBIA. Fade lo yeke toto tongana bamara; tongana lo yeke toto, fade amolenge ti lo ayeke londo na mbage ti Do ti ga na dongo tere.

Osée 5:14

Biani, fade mbi Kota Gbia, mbi yeke duti tongana bamara ndali ti Efraim, tongana kete bamara ndali ti Juda. Mbi laa, mbi yeke suru ya ti ala, na pekoni, mbi yeke mu ala ti gue na ala tongana taba so a fâ lo, zo oko ti gboto ala na maboko ti mbi ayeke daa pepe.”

Amos 3:12

Tënë so KOTA GBIA atene ayeke so: “Tongana ti so wabatango-taba ayeke gboto gi gere use wala nduru mê ti taba na yanga ti bamara so agbu mbeni taba, gi mara ti ye so laa ayeke si ande na azo ti Israel so ayeke lango na gbata ti Samarii; azo ti Israel so ayeke lango na ya ti ayongoro ngende, wala na ndö ti apendere gbogbo so, fade a yeke soo gi ambeni oko oko.”

Amos 3:4

Tongana bamara ade ti wara nyama ti te pepe, lo lingbi ti toto na ya ti gbako? Tongana kete bamara ade ti gbu nyama pepe, lo lingbi ti toto na ndo so lo lango daa?

Amos 3:8

Bamara ayeke toto, zo wa laa alingbi ti sara mbeto pepe, zo wa? Kota Gbia NZAPA ayeke tene tënë, zo wa laa alingbi ti ke ti tene peko ti tënë ti yanga ti lo, zo wa?

Nahum 2:11

A nzi ye kue awe, a buba ye kue awe, a ro ye kue ahon na ni awe! Ngangu ahunzi na azo kue awe; tere ti ala kue ayeke do, le ti ala kue akpa le ti akuâ.

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

Sofonii 2:5

Mawa na ala, azo so alango na yanga ti kota ngu-ingo, mara ti azo ti Kereti; tënë ti *KOTA GBIA so ayeke na tere ti ala: “Mo Kanaan, sese ti azo ti Filistii, fade mbi yeke buba mo kue, mbeni zo oko ti ngba kâ ayeke daa pepe.

Sofonii 3:6

KOTA GBIA atene: “Mbi hunzi ambeni mara kue awe, mbi kungbi agbagba ti bira ti ala; mbi sara si ndö ti alege ti ala angba senge, zo oko akiri ahon daa pepe; mbi buba agbata ti ala kue awe, zo oko angba pepe, zo ti lango na ya ni ayeke daa pepe.

Zakarii 11:3

Ala azo, ala ma toto ti awabatango-taba, ngbanga ti so gonda ti ala ahon awe. Ala ma toto ti akete bamara, ngbanga ti so pendere gbako ti tere ti ngu ti Jourdain abuba awe.

Awafango-ngbanga 14:5

Samson, na babâ na mama ti lo ague na Timna. So ala si na yaka ti vinye so ayeke nduru na Timna awe, mbeni bamara atoto, ahuru aga na mbage ti lo.