Jérémie 18:6 - Mbeti ti Nzapa - Tënë so amu fini

⁶ “Ala azo ti Israel, ye so wasarango-ta ayeke sara na ta ti lo so, mbi lingbi ti sara na ala tongaso pepe? So tënë ti yanga ti KOTA GBIA laa. Ala azo ti Israel, ala yeke na ya ti maboko ti mbi tongana ti so sese ti sarango na ta ayeke na ya ti maboko ti wasarango-ta.

Jérémie 18:6 ပူးပေါင်းရင်းမြစ်များ

Ésaïe 45:9

Mawa na zo so aye ti tiri na zo so asara lo! Zo ayeke tongana ta ti sese na popo ti ambeni ta ti sese. Sese ti sarango na ta alingbi ti tene na zo so ayeke sara lo, atene: “Nyen laa mo yeke sara so?” Ta ti sese alingbi ti tene na zo ti sarango lo, atene: “Mo sara ye ni na legeni pepe!”?

Ésaïe 64:8

KOTA GBIA, sara ngonzo ahon ndoni pepe, dabe ti mo na sioni ti e lakue pepe! E gbu gere ti mo, baa, e kue, e yeke azo ti mo!

Jérémie 18:4

Tongana ta so lo yeke leke abuba na ya ti maboko ti lo – ye so ayeke si ka laa – lo yeke leke mbeni ta nde tongana ti so lo baa nzoni na le ti lo.

Jérémie 18:5

Tongaso, tënë ti KOTA GBIA asi na mbi atene:

Daniel 4:23

Kota gere ni na agunda ni so angba na ya ti sese aye ti tene: Fade kodro ni ayeke kiri ti ga ti mo gi na ndembe so mo yeke hinga, mo tene, lo so ayeke na yayu si ayeke taa gbia.

Matthieu 20:15

Mbi lingbi ti sara ye so be ti mbi aye na nginza ti mbi pepe? Be ti mo aso, ngbanga ti so mbi yeke zo ti nzoni be?’

Rome 11:34

Mbeti ti Nzapa atene: “Zo wa laa ahinga tënë ti be ti *Kota Gbia? Zo wa laa alingbi ti mu wango na lo?