Jérémie 18:22 - Mbeti ti Nzapa - Tënë so amu fini

²² Ndali ti so ala sara kuku ti gbu na mbi si ala honde mbeni kamba titene agbu gere ti mbi, ayeke nzoni dekongo ti ala alondo na ya ti ada ti ala asigigi, na ndembe so mo yeke tokua awato ti ga na ndö ti ala gi hio tongaso.

Jérémie 18:22 ပူးပေါင်းရင်းမြစ်များ

Abia (Psaumes) 119:85

Azo ti baba azi du titene mbi ti daa; ye so ala sara so alingbi na ndia ti mo pepe.

Abia (Psaumes) 140:5

KOTA GBIA, bata mbi si mbi ti na maboko ti azo ti sioni pepe; bata mbi si zo ti sarango ngangu na azo asara ngangu na mbi pepe, azo so ayeke leke na be ti ala ti sara si mbi ti so.

Abia (Psaumes) 140:6

Azo ti baba azia kuku na hondengo ni na dawa ti mbi, ala leke akamba na gbanda na tere ti lege, ala leke kuku ti gbu na mbi. Luti kete

Abia (Psaumes) 142:4

Na ndembe so be ti mbi awoko kue, mo laa mo hinga ndo so mbi yeke gue daa. Na ndö ti lege so mbi yeke hon daa, azo azia kuku ti gbu na mbi.

Abia (Psaumes) 38:12

Azo so mbi na ala e ye tere na azo so mbi na ala e yeke fono lakue, ala ga nduru na mbi pepe ndali ti aka ti mbi; a-ita ti mbi aluti yongoro na tere ti mbi.

Ésaïe 10:30

Azo ti Galim, ala dekongo ma! Azo ti Laisha, ala ma si! Azo ti Anatot, ala yeke azo ti mawa!

Jérémie 18:20

Zo ayeke kiri sioni ndali ti nzoni? Awato ti mbi ni asara kuku ti gbu na mbi. KOTA GBIA, mo dabe ti mo so mbi laa mbi luti na le ti mo ti tene na mo nzoni tënë ndali ti ala titene mo zia ti sara ngonzo na tere ti ala.

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 20:16

Ayeke nzoni zo so aga tongana agbata so KOTA GBIA abuba ni si lo baa mawa ni pepe so! Ayeke nzoni na ndaperere, zo ni ama toto ti demango tere si na bekombite, lo ma dekongo ti bira!

Jérémie 4:31

Mbi ma mbeni go; go ni akpa ti wali so ya ti lo ayeke so ti du si lo yeke dema tere ti lo. Go ni akpa ti wali so ayeke du kozo molenge ti lo; go ni so ayeke go ti *Sion, pendere gbata: lo wu pupu gbaa si lo yeke dema; lo yoro maboko ti lo na nduzu si lo tene: “Ti mbi awe! Azo ti fango zo afâ mbi awe!”

Jérémie 5:26

Na popo ti azo ti mbi, azo ti sioni ayeke daa. Ala honde tere ti ala ti ku tongana zo ti gingo andeke. Ala sara akuku ti gbu na azo.

Jérémie 6:26

“Ala azo ti mbi, ayeke nzoni ala yu bongo ti mua, ala rule tere ti ala na ya ti fuku ti sese, ala sara aye so kue zo ayeke sara na ngoi ti mua, ala toto na ngu ti le tongana ti so zo ayeke toto ndali ti oko molenge ti lo ti koli so akui. Biani, gi hio tongaso, wato ayeke ga ti hunzi e kue!”

Sofonii 1:16

Lango ni ayeke lango ti hurungo didi, lango ti dekongo ti bira ti mu agbata so ngangu gbagba ayeke na tere ni nga na ada so ayo na nduzu mingi so.

Matthieu 22:15

Tongaso *Afarizien ague, abongbi tere ti ala ti gi lege titene gi na lege ti tënë ti yanga ti lo wani, Jésus ati na ya ti gbanda ti ala.