Jérémie 18:20 - Mbeti ti Nzapa - Tënë so amu fini

²⁰ Zo ayeke kiri sioni ndali ti nzoni? Awato ti mbi ni asara kuku ti gbu na mbi. KOTA GBIA, mo dabe ti mo so mbi laa mbi luti na le ti mo ti tene na mo nzoni tënë ndali ti ala titene mo zia ti sara ngonzo na tere ti ala.

Jérémie 18:20 ပူးပေါင်းရင်းမြစ်များ

Mbeti ti Job 6:27

Ala bi ye ti hinga nyindu wa laa ala ye ti ka lo, taa mba ti ala, ala ye ti ka lo!

Abia (Psaumes) 106:23

Nilaa Nzapa atene, fade lo yeke fâ ala ti hunzi ala, me Moïse, zo so lo soro lo, aluti na le ti Nzapa ti sara si ngonzo ti lo akai si lo fâ ala pepe.

Abia (Psaumes) 119:95

Azo ti sioni azia be ti ala ti ku ti fâ mbi, me mbi duti kpoo ti ma ya ti aye so mo hunda na mbi.

Abia (Psaumes) 35:12

Nzoni so mbi sara, ala kiri gi sioni na mbi; fadeso mbi ngba gi mbi oko.

Abia (Psaumes) 35:7

Gi senge senge, ala honde gbanda na ndö ti du ti gbu mbi; gi senge senge, ala zi du na lege ti mbi titene mbi ti daa.

Abia (Psaumes) 38:20

Awato ti mbi angba na fini, ala yeke na ngangu; azo so ake mbi senge senge, ala yeke mingi.

Abia (Psaumes) 57:6

Nzapa, ayeke nzoni mo fa so mo yeke kota, mo hon ayayu kue; ayeke nzoni gonda ti mo asu amu ndö ti sese kue!

Abia (Psaumes) 7:15

Zo so aleke na be ti lo ti sara sioni, fade sioni ni ayeke kono na ya ti lo ti ga kpale; na pekoni, lo yeke du atënë ti mvene.

Amato 17:13

Zo so ayeke kiri sioni ndali ti nzoni, akpale ayeke zia da ti lo laoko pepe.

Amato 26:27

Zo so azi du, fade lo yeke ti daa; zo so arule têne, fade têne ni akiri ti ti na ndö ti lo.

Zo ti bongbingo azo 10:8

Zo so azi du, gbaa lo wani, lo yeke ti na ya ni; zo so akungbi gbagba na sese, gbaa ngbo ayeke te lo.

Jérémie 11:14

Ti mo Jérémie, mo sambela ndali ti azo so pepe, mo sambela wala mo voro tere ti mo na mbi ndali ti ala pepe, ngbanga ti so fade mbi yeke ma ni pepe, tongana ye ti ngangu asi na ala si ala iri mbi ti mu maboko na ala.”

Jérémie 14:20

KOTA GBIA, e hinga so e sara sioni; e hinga so akotara asara sioni. Biani, e sara siokpari so ake mo.

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Jérémie 17:18

Azo so ayeke sara ngangu na mbi so, ayeke nzoni kamene agbu le ti ala, me mbi pepe! Ayeke nzoni ala do na mbeto, me mbi pepe! Sara si lango ti kota kpale aga na ndö ti ala, mo fâ ala biani biani!

Jérémie 18:19

KOTA GBIA, dingi mê ti mo, mo ma tënë ti mbi; ma tënë so awato ti mbi atene na tere ti mbi so.

Jérémie 18:22

Ndali ti so ala sara kuku ti gbu na mbi si ala honde mbeni kamba titene agbu gere ti mbi, ayeke nzoni dekongo ti ala alondo na ya ti ada ti ala asigigi, na ndembe so mo yeke tokua awato ti ga na ndö ti ala gi hio tongaso.

Jérémie 27:18

“Tongana azo ni so ayeke taa awayanga-Nzapa, tongana biani KOTA GBIA laa azia tënë ti lo na yanga ti ala, ayeke nzoni ala voro tere ti ala na KOTA GBIA so ayeke na ndö ti dunia kue titene akungba so angba na ya ti kota da ti Nzapa ge, akungba so angba na yangbo ti gbia ti Juda na ti so angba na Jérusalem, azo amu ahon na ni na Babilone pepe.

Jérémie 5:26

Na popo ti azo ti mbi, azo ti sioni ayeke daa. Ala honde tere ti ala ti ku tongana zo ti gingo andeke. Ala sara akuku ti gbu na azo.

Jérémie 7:16

“Jérémie, mbi ye titene mo sambela ndali ti azo so pepe. Mo toto wala mo voro tere ti mo na mbi ndali ti ala pepe; mo ngba ti sambela mbi ndali ti ala pepe, ngbanga ti so fade mbi yeke ma mo pepe.

Abia ti demango tere 3:59

Kua ti mbana so azo asara na mbi, KOTA GBIA, mo baa ni na le ti mo awe. Mo fâ ngbanga ti mbi na legeni si!

Jean 10:32

Lo hunda ala, lo tene: “Na dawa ti ala, mbi sara anzoni ye mingi so alondo na Babâ. Ti so wa laa ala ye ti bo mbi na têne ngbanga ni so?”

Jean 15:25

Me aye so asi titene tënë ti *Ndia ti ala aga taa-tënë; Ndia ni atene: ‘Ala ke mbi gi senge senge.’

1 Samuel 19:4

Jonatan atene nzoni tënë ti David na babâ ti lo Saul, atene: “Ayeke nzoni gbia asara siokpari pepe na tere ti zo ti kua ti lo David, ngbanga ti so lo sara siokpari na tere ti mo pepe. Me lo sara nzoni ye mingi ndali ti mo.