Jérémie 18:19 - Mbeti ti Nzapa - Tënë so amu fini

¹⁹ KOTA GBIA, dingi mê ti mo, mo ma tënë ti mbi; ma tënë so awato ti mbi atene na tere ti mbi so.

Jérémie 18:19 ပူးပေါင်းရင်းမြစ်များ

2 Agbia 19:16

KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë ti Senakerib, lo so lo tokua makonzi ti aturugu ti batango lo titene lo zonga Nzapa so ayeke na fini so!

Néhémie 6:9

Biani, azo so kue aye ti bi mbeto na ya ti e; nilaa ala tene: “Gbaa, fade be ti ala ayeke woko si ala yeke do lege ti kua ni ti zia.” KOTA GBIA, mo mu na mbi ngangu ndali ti kua ni!

Abia (Psaumes) 109:28

Ti azo ni, ala yeke deba mbi, me mo, mo yeke sara tufa na ndö ti mbi. Tongana ala londo ti tiri na mbi, fade kamene ayeke sara ala, me mbi, zo ti kua ti mo, mbi yeke duti na ngia.

Abia (Psaumes) 109:4

Ataa so mbi ye ala, ala yeke bi tënë na li ti mbi; me ti mbi, mbi ngba na ya ti sambela.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 18:20

Zo ayeke kiri sioni ndali ti nzoni? Awato ti mbi ni asara kuku ti gbu na mbi. KOTA GBIA, mo dabe ti mo so mbi laa mbi luti na le ti mo ti tene na mo nzoni tënë ndali ti ala titene mo zia ti sara ngonzo na tere ti ala.

Jérémie 20:12

KOTA GBIA so ayeke na ndö ti dunia kue, mo laa mo hinga zo so ayeke mbirimbiri, mo laa mo hinga atënë ti be ti zo na agbungo li ti lo. Sara si mbi baa lege so mo kiri na awato ti mbi peko ti sioni so ala sara na mbi, ngbanga ti so mbi zia tënë ti mbi na maboko ti mo awe.

Abia ti demango tere 3:59

Kua ti mbana so azo asara na mbi, KOTA GBIA, mo baa ni na le ti mo awe. Mo fâ ngbanga ti mbi na legeni si!

Mishe 7:8

Mo, wato ti mbi, mo he mbi pepe. Tongana mbi ti, fade mbi yeke londo; tongana mbi duti na ya ti vukongo ndo, *KOTA GBIA ayeke lumiere ti mbi.