Jérémie 18:18 - Mbeti ti Nzapa - Tënë so amu fini

¹⁸ Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 18:18 ပူးပေါင်းရင်းမြစ်များ

2 Samuel 15:31

Azo ague, atene na David: “Ahitofel ayeke na popo ti azo so ala na Absalom aleke tënë na hondengo ni na tere ti gbia.” David atene: “*KOTA GBIA, mbi voro mo, sara si wango ti Ahitofel aga buba wango!”

2 Samuel 17:14

Absalom na azo ti Israel kue atene: “Wango so Hushai, zo ti mara ti Arki amu so ayeke nzoni mingi ahon wango ti Ahitofel.” Andaa *KOTA GBIA aye ti buba ya ti nzoni wango so Ahitofel amu si fade Absalom awara kpale.

1 Agbia 22:24

Tongaso Sidekia, molenge ti Kenaana aga nduru na tere ti Mishe, lo pika ngbangba ti Mishe si lo tene: “Yingo ti KOTA GBIA asigigi na ya ti mbi tongana nyen ti gue ti tene tënë na mo so?”

2 Mbai 24:21

Tongaso azo ni ama tere na hondengo ni na tere ti Zakarii; gbia amu yanga na ala si ala bo lo na têne, ala fâ lo na ya ti gbagba ti kota da ti KOTA GBIA.

Mbeti ti Job 5:13

Nzapa ayeke gbu azo ti ndara na lege ti sioni mayere ti ala; azo ti mvene, lo yeke kinda hio tënë ti be ti ala.

Abia (Psaumes) 21:11

Mo yeke zi *ahale ti ala na ndö ti sese so, mo yeke zi mara ti ala na popo ti azo.

Abia (Psaumes) 52:2

David ahe bia so na ndembe so Doeg, zo ti mara ti Edom ague, atene na Saul, atene: “Baa David ayeke na da ti Ahimelek”.

Abia (Psaumes) 57:4

Kâ na yayu, ayeke nzoni lo yeke tokua ye ti songo mbi na kuâ. Biani, zo ti tumbango peko ti mbi ayeke zonga mbi. Luti kete Ayeke nzoni Nzapa afa na mbi so lo yeke sara nzoni be na mbi si lo yeke bata tënë ti yanga ti lo.

Abia (Psaumes) 64:3

Honde mbi si ye so azo ti sioni aleke na tere ti mbi asi na mbi pepe; honde mbi si ye so azo ti sarango sioni ama tere ti sara na mbi awara mbi pepe.

Amato 18:21

Zo alingbi ti ngba na fini wala ti kui na lege ti atënë ti yanga ti lo. Zo so aye tënë, fade lo yeke wara ye ti peko ni.

Ésaïe 32:7

Ti zo ti handango ndo, kua ti lo ayeke ti sarango sioni mingi na zo: lo yeke leke aye na mayere ti sara sioni na wayere na tenengo mvene na li ti wayere ni. Andaa wayere ni ahunda gi ye so ayeke ti lo.

Jérémie 1:19

Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 18:11

“Fadeso, ayeke nzoni mo tene na azo ti Juda na ala so ayeke lango na Jérusalem, mo tene: ‘Tënë so KOTA GBIA atene ayeke so: Mbi yeke leke na be ti mbi mbeni ye ti sara na ala, mbi yeke leke mbeni sioni kpale na tere ti ala. Ayeke nzoni zo oko oko azia sioni lege ti sarango ye ti lo. Ala sara si lege ti dutingo ti ala na sarango ye ti ala akiri aga nzoni!’ ”

Jérémie 18:19

KOTA GBIA, dingi mê ti mo, mo ma tënë ti mbi; ma tënë so awato ti mbi atene na tere ti mbi so.

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 26:11

Awayango-sandaga na awayanga-Nzapa atene na agbenyogbia ni nga na azo ni kue, atene: “Koli so alingbi na kuâ! Biani, lo tene peko ti tënë ti yanga ti Nzapa na ndö ti gbata so; tënë ni laa ala wani ama na mê ti ala so!”

Jérémie 37:13

So lo si na yanga ti gbagba ti Benjamin, lo tengbi na mbeni makonzi ti aturugu ti batango gbia so iri ti lo Iria, molenge ti Shelemia, molenge ti Hanania. Iria agbu wayanga-Nzapa Jérémie si atene na lo: “Mo yeke kpe ti kiri na mbage ti azo ti Babilone laa!”

Jérémie 43:2

Azaria, molenge ti Hoshaya, na Yohanan, molenge ti Karea na ambeni zo ti sioni yanga, atene na Jérémie: “Tënë ti mvene laa mo yeke tene so! KOTA GBIA, Nzapa ti e atokua mo pepe ti tene na e: ‘Ala gue na Ezipte pepe ti honde tere ti ala kâ!’

Jérémie 44:16

“Ataa so mo tene tënë so na e na iri ti *KOTA GBIA, e ye ti ma mo pepe.

Jérémie 44:17

Me e yeke sara ye alingbi gi na tënë so kue asigigi na yanga ti e: e yeke ngba ti zö dukani na gbia-wali ti yayu si e yeke tuku samba ti mu na sandaga na lo tongana ti so e sara ni ngbii asi laso. Ababâ ti e, agbia ti e na akota zo ti kodro ti e asara nga legeoko tongaso na ya ti agbata ti Juda nga na ndö ti abalabala ti Jérusalem. Lani so e yeke sara tongaso, e yeke na kobe gbani gbani ti tengo ni, e yeke duti nzoni si e hinga ye so iri ni sioni pepe.

Jérémie 8:8

Ala yeke tene: “E yeke azo ti ndara, *Ndia ti *KOTA GBIA ayeke ti e.” Taa-tënë, me ye ni asara tongana nyen si gi awafango-ndia ni wani akiri ayeke buba ya ti Ndia ni so?

Abia ti demango tere 3:62

Ala so aye ti sara sioni na mbi, yanga ti ala ayeke gi na ndö ti mbi. Ti londo na ndaperere ngbii asi na lakui, ala yeke kasa mbi na gbe ti go ti ala.

Ezekiel 7:26

Akpale ayeke si na peko ti tere, na peko ti tere, sioni sango ayeke ga na ndö ti tere, na ndö ti tere. Azo ayeke hunda na wayanga-nzapa ti tene na ala peko ti ye so lo baa na ya ti mbeni ye tongana bango-li; wayango-sandaga ayeke na ye oko pepe ti fa na azo, *akangba ayeke kiri ti mu wango pepe.

Awayango-sandaga 10:11

Tongaso si ala lingbi ti fa na azo ti Israel tënë ti andia so kue mbi KOTA GBIA, mbi mu na ala na lege ti Moïse.”

Mishe 3:6

Ndani laa, ala awayanga-Nzapa, fade ndo ayeke vuko na ndö ti ala, ala yeke kiri ti baa ye na ya ti mbeni ye tongana bango-li pepe. Ti ala, ndo ayeke vuko pitipiti na ndö ti ala si aye so ayeke si ande, ala yeke kiri ti hinga ni pepe. Fade lâ ayeke kui na ndö ti awayanga-Nzapa ni si na kota lâ, ndo ayeke vuko na ndö ti ala.”

Mishe 3:7

Fade kamene ayeke sara azo ti bango nda ti aye, li ti azo so ayeke gi nda ti aye ayeke ga kirikiri; ala kue ayeke honde le ti ala, ngbanga ti so Nzapa ayeke kiri tënë na ala pepe.

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Nzoni Tënë so Luc asu na mbeti 11:45

Mbeni oko ti awafango-ndia ni atene na lo: “Wafango-ye, tënë so mo yeke tene so, mo yeke zonga nga e laa!”

Jean 9:40

Ambeni *farizien so ayeke kâ ama tënë so Jésus atene so si ala hunda lo, atene: “E nga, e yeke awaziba?”