Jérémie 18:17 - Mbeti ti Nzapa - Tënë so amu fini

¹⁷ Fade mbi yeke sara si azo ti mbi akangbi kirikiri na le ti awato ti ala tongana ti so pupu ti To ayeke mu ye ahon na ni kirikiri. Na lango so ye ayeke ga ngangu na ala, fade mbi yeke zia peko ti mbi na ala, mbi yeke baa ndo na mbage ti ala pepe.”

Jérémie 18:17 ပူးပေါင်းရင်းမြစ်များ

Mbeti ti Job 27:21

Pupu ti To ayeke yo lo na nduzu, ahon na lo yongoro; pupu ni ayeke gboto lo na ngangu na ndo ti lo si ayeke hon na lo.

Abia (Psaumes) 48:7

Biaku, tere ti ala ato nda ti do si ala ngba gi na ndo oko tongana wali so aga nduru ti du.

Amato 24:16

Biani, zo ti mbirimbiri alingbi ti ti fani mbarambara, me fade lo yeke londo. Azo ti sioni ayeke ti ti ala biani biani na ya ti kpale.

Jérémie 13:24

Mbi yeke kangbi ala kirikiri tongana pere so pupu ti benyama amu ahon na ni.

Jérémie 2:27

“Ala yeke tene na keke: ‘Mo laa mo yeke babâ ti mbi!’ Ala yeke tene nga na têne: ‘Mo laa mo du mbi!’ Titene ala zia le ti ala na mbage ti mbi, ala zia gi peko ti ala na mbi! Me tongana ye ti ngangu asi na ala awe, ala yeke londo ti iri mbi, atene: ‘Ga mo soo e maa!’

Jérémie 32:33

Titene ala zia le ti ala na mbage ti mbi, ala zia gi peko ti ala na mbi. Ataa so mbi mu ngoi ti mbi kue ti fa ye na ala, ala ma pepe; ala ke ti ma wango ti mbi.

Jérémie 46:21

Aturugu ti kodro wande so Ezipte afuta ala, ala yeke tongana abagara ti mafuta. Ala nga, ala zia peko ti ala na amba ti ala awe, ala kue, ala kpe legeoko. Ala gbu le ni pepe na lango so ye ti vundu ayeke ga na ndö ti ala, na ndembe so mbi yeke ga na tere ti ala.

Ezekiel 27:26

Azo ti sarango kua na kâî ti mo ague na mo na ndo so ngu ali daa mingi, pupu ti To akungbi ya ti mo taa na be ti kota ngu-ingo.

Ezekiel 7:22

Mbi yeke bi le ti mbi yongoro tongana awande aga ti sara si mosoro ti mbi aga sioni: asioni zo ayeke li kâ si ala yeke sara titene mosoro ni aga sioni.

Osée 13:15

Ataa Efraim awara anzoni ye mingi na popo ti a-ita ti lo, fade pupu ti To ayeke ga, pupu ti KOTA GBIA so alondo na benyama ayeke ga. Pupu ni ayeke sara si li ti ngu ayeke hole, du ti ngu ayeke hole kasakasa. Fade a yeke nzi anzoni ye so kue ayeke na ya ti da ti batango mosoro ti lo.

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.

Ndia ti fani use ni 28:64

Fade KOTA GBIA ayeke kangbi ala na popo ti amara kue, ti londo na mbeni nda ti sese ti si na mbeni nda ni. Kâ, ala yeke voro ambeni nzapa so ala wani ahinga ala pepe, akotara ti ala nga ahinga ala pepe; a sara anzapa ni so na keke wala na têne.

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’

Ndia ti fani use ni 32:35

mbi yeke kiri peko ti sioni na ala, mbi yeke kiri peko ti ye na ala alingbi na sarango ye ti ala na ndembe so gere ti ala ayeke *zene si ala ye ti ti. Biani, lango ti ye ti ngangu ni aga nduru awe, lango ti kuâ ti ala angba yongoro pepe.’